رأىى المتواضع فى رابيد 2015 هاى لاين بعد 1000كم

[nagy wassef]

شكرا جدا على الاجابة ومن فضلك هو بيكون نوع الكاوتش اية والبطارية

انا و واحد صاحبى استلمنا بكاوتش دانلوب
البطارية عليها علامة سكودا و فولكس فاجن و اودى

[nagy wassef]

هي الكروز تورشن بيم بس مفيش شكوى من عفشة الكروز.... هل حضرتك عندك ملاحظة معينة في حتة التورشن بيم في الرابيد من حيث الثبات أو امتصاص المطبات؟ ايه اخبار ثبات العربية عل السرعات فوق 120 كم؟

معلش اسئلة كتير بس رأي حضرتك مهم جدا جدا

العربية عالية جدا و لكن بترزع فى المطبات و الفواصل

الثبات بعد 120 على قده

[legend_mohsen]

ربنا يباركلك فيها

[nagy wassef]

ربنا يباركلك فيها

متشكر جدا ربنا يخليك

[ehab gamal]

يالنسبة لقطع غيار الرابيد ايه اسعارها لو في امكانية اني اعرفها بعد اذنك

[nagy wassef]

اسف على التاخير
مش عارف ليه مجاش لية ميل يقول ان فى مشاركات جديدة
عامتا انا للاسف مش هقدر افيدك قوى فى موضوع الاسعار ده لانى الحمد لله محتجتش حاجة و الصراحة مش فاضى اسال
بس عامتا عندك مثلا قطع غيار السيراتو اغلى منها بكتير

[nagy wassef]

انا ممكن افيدك فى اى سؤال خاص بالعربية نفسها و استخدامها

[ahmed sa3ed]

ربنا يباركلك فيها ان شاء الله

[toomagic]

ايه كماليات الهاى لاين بالتفصيل

[nagy wassef]

تكيف.باور.سنتر.ايموبليزر.انزار.جنوط سبور.مالتى فانكشن.بلوتوث.باركينج سنسور.اربعة زجاج كهرباء.مؤشرات للبنزين و السخونة علشان اول فئة مافيهاش مؤاشرات ولكن فيها شاشة بيانات.جراب نظارة.اثنين مفتاح فولدينج.شنطة 550لتر.مرايات كهرباء.مثبت سرعة.abs.ebd asr.تكييف بكر.باركينج لايت.. ايرباجز.
الصراحة ده اللى فاكره لو فى اوبشن معين انت محتاجه اسألنى وانا اقولك

[Waleed_aboammar]

دايما العربية الأصغر زى الرابيد أو الياريس مش بتبقى ثابتة زى العائلية زى الأكتافيا أو السيفيك عشان بتبقى اقتصادية و معمولة للمشى داخل المدينة بس في بلدنا للأسف أسعار الفئة دى بقى مجنون زى حاجات كتير

[nagy wassef]

دايما العربية الأصغر زى الرابيد أو الياريس مش بتبقى ثابتة زى العائلية زى الأكتافيا أو السيفيك عشان بتبقى اقتصادية و معمولة للمشى داخل المدينة بس في بلدنا للأسف أسعار الفئة دى بقى مجنون زى حاجات كتير

انا مع حضرتك
مشكلة الرابيد كمان انها مجهولة مش معروفة
بس بعد استخدام 7000كم ابتدى رأى يختلف شوية للاحسن
ظبت صوت الكاسيت بقى معقول
ظبت ضغط الاطارات و العفشة و الثبات بقى احسن
و ابدتيت اتعود عليها و انسى اداء اللى كانوا معايا قبلها
و بردوا فى رأى هى احسن من حاجات كتير فى السوق بنفس للسعر

[moemenahmed]

تجربتي الشخصية مع الرابيد

بسم الله الرحمن الرحيم
انا طول عمري من ٢٠٠٠ وانا راكب اوكتافيا a4 وفي ٢٠٠٩ ركبت ال a5 والحمد الله من اسبوعين استلمت الرابيد هاي لاين اولا الرابيد ماهي الا امتداد لل a4 ولكن بتقنيه اعلي طبعا عشان احنا ف ٢٠١٥ بس ال a4 تصميم 97 بالرغم من استمرار انتاجها حتي ٢٠٠٩ اولا الرابيد لاتقارن ب اوكتافيا دي فئه ودي فئه قارن الرابيد بال a4 هتلاقي الاختلاف واضح من حيث الرفاهيه واللي هيشتري الرابيد يشتري الهاي لاين عشان الفرق كبير ف الهاي لاين ولو عايز تقارن الاوكتافيا قارنها بموديلات ٢٠٠٥،٢٠١٢ اكن الرابيد لاتقل عن سيارات سكودا او فولكس او سيات من حيث الثبات وانظمة الامان ومن الجانب الداخلي للرابيد فهي ف الهاي لاين لا تقل عن الa7 الفئه الثانيه وافضل من الفئه الاولي بالنسبه للاخ الفاضل اللي بيشتكي من المالتي فنكشن ف الرابيد فعن تجربتي انت بتدوس جامد علي الزراير والمفروض انك تدوس في منتصف الزرار مش من الجنب فالطبيعي هتحس ان الزراير بتتحرك معاك والكاسيت والبلوتوث صوته قوي وعالي بس انت نسيت تعلي الصوت ولو انت راكب فعلا الهاي لاين مكنتش هتلاقي صوت الموتور عالي عشان فيه كفر داخل غطاء الكبود عازل للحراره والصوت ولكن من حيث الاتزان والامان فالرابيد فيها abs,asr,msr,mba ولكن مايؤخذ عليها مقارنة بالa4,a5ان مفهاش وحدات رفع مع السنتر فقط لكن العربيه قويه وصاجها قوي واللي محتار يشتري ايه ف حدود مبلغ ١٦٠ ،١٧٠ ف انا انصح بالرابيد لانها لاتقارن بالبيجو ٣٠١ او الرينو فلوانس او سيتروين وطبعا لاتقارن بالكوري كله

[nagy wassef]

انطباع حضرتك علشان العربية السابقة كانت اوكتافيا a4
لكن انا انطباعى علشان عربيتى السابقة كانت فانتازيا و قبلها فيكترا سى
علما بأن اخى معاه c180 موديل 2014 و بسوقها كتير
لذا مقايس الثبات و التقفيل و الصوت مختلفة عندى شوية
طبعا مستحيل اقارنها بالمرسيدس لكن بالنسبة للسيارات التى ذكرتها اعلاه فأنها سيارة على قدها تماما
ولا تستاهل 170 الف بتاتا
و عامتا ربنا يحافظلك عليها و تستمتع بيها طالما عجباك
بالنسبالى انا مضتر افضل بيها علشان لو بعتها هخسر فيها كتير

[khaled_afandy]

بسم الله الرحمن الرحيم
انا طول عمري من ٢٠٠٠ وانا راكب اوكتافيا a4 وفي ٢٠٠٩ ركبت ال a5 والحمد الله من اسبوعين استلمت الرابيد هاي لاين اولا الرابيد ماهي الا امتداد لل a4 ولكن بتقنيه اعلي طبعا عشان احنا ف ٢٠١٥ بس ال a4 تصميم 97 بالرغم من استمرار انتاجها حتي ٢٠٠٩ اولا الرابيد لاتقارن ب اوكتافيا دي فئه ودي فئه قارن الرابيد بال a4 هتلاقي الاختلاف واضح من حيث الرفاهيه واللي هيشتري الرابيد يشتري الهاي لاين عشان الفرق كبير ف الهاي لاين ولو عايز تقارن الاوكتافيا قارنها بموديلات ٢٠٠٥،٢٠١٢ اكن الرابيد لاتقل عن سيارات سكودا او فولكس او سيات من حيث الثبات وانظمة الامان ومن الجانب الداخلي للرابيد فهي ف الهاي لاين لا تقل عن الa7 الفئه الثانيه وافضل من الفئه الاولي بالنسبه للاخ الفاضل اللي بيشتكي من المالتي فنكشن ف الرابيد فعن تجربتي انت بتدوس جامد علي الزراير والمفروض انك تدوس في منتصف الزرار مش من الجنب فالطبيعي هتحس ان الزراير بتتحرك معاك والكاسيت والبلوتوث صوته قوي وعالي بس انت نسيت تعلي الصوت ولو انت راكب فعلا الهاي لاين مكنتش هتلاقي صوت الموتور عالي عشان فيه كفر داخل غطاء الكبود عازل للحراره والصوت ولكن من حيث الاتزان والامان فالرابيد فيها abs,asr,msr,mba ولكن مايؤخذ عليها مقارنة بالa4,a5ان مفهاش وحدات رفع مع السنتر فقط لكن العربيه قويه وصاجها قوي واللي محتار يشتري ايه ف حدود مبلغ ١٦٠ ،١٧٠ ف انا انصح بالرابيد لانها لاتقارن بالبيجو ٣٠١ او الرينو فلوانس او سيتروين وطبعا لاتقارن بالكوري كله

أنا كمهندس ابدى اعجابى الشديد بالرابيد، عملت معاينة للهاى لاين يوم الخميس و عندما ترفع الكبوت تتيقن على الفور دقة التنسيق الداخلى و بساطته مع جودة الخامات. من الداخل الكراسى مريحة و المسافة للركاب الخلفيين ممتازة و الشنطة واسعة جدا، و خامات الدهان ممتازة و الفوانيس الأمامية و البودى عموما شيك جدا. العيب الرئيسى فى التصميم هو الفوانيس الخلفية شكلها عرة جدا بصراحة عاملة زى الصينى و احد الموديلات غير المنتشرة للادا مش فاكر اسمه دلوقت (اللى كانوا عاملينه مشترك مع دايو).

فى رأيى هذه سيارة معمرة جدا و تدوب 2 -3 كورى و هندسيا افضل من الفلوانس و ان كانت الفلوانس اجمل بكثير من الداخل، و طبعا 301 تعبانة جدا بالمفارنة بالرابيد. التنافس ممكن يبقى مع الشارك و الكورولا اول فئة.