نتشه مع التكيف a5

[m07mad]

يا جماعه العربيه بحس انها بتنتش كده نتشه خفيفه لما بشغل التكيف بذات في النقله التالته و التانيه واول ما ابطل التكيف بترجع طبيعيه لدرجه اني بدأت اكره التكيف بسبب النتش دا اللي في الغيارات ،،، هل دا مشكله في الفتيس ولا ايه ؟؟؟
حد يطمني الله يكرمكم العربيه a5 ماشيه ٦٦٠٠٠ كم بس وزيت الفتيس متغير على الـ ٥٠٠٠٠كم

[Mo.Kareem]

ان شاء الله خير متقلقش ، اعتقد الموضوع مش مرتبط بالفتيس خالص ان شاء الله

[Adnfalcon]

تقريبا النتشه دي عشان انت لما بتشغل التكيف بتحمل ع الموتور وسرعتك تقل ف ساعتها بتحس بيها
بس انا عندي a5 بس مش بتعمل كده .. اكشف ع الكهربا عموما و التكييف بالمره

[m07mad]

طيب هل دا ممكن يكون ليه علاقه بكنترول الفتيس ؟؟

[Adnfalcon]

طيب هل دا ممكن يكون ليه علاقه بكنترول الفتيس ؟؟

الفيتيس ملوش اي علاقه بالتكيف يا صاحبي

[omaranes77]

لا معتقدش في الفتيس حضرتك عامل صياناتك ومظبط نفسك
اكشف عليها عند مركز صيانة

[Moratoz]

اكشف علي قواعد الموتور والفتيس ممكن تبقي واحدة منهم

[m07mad]

اكشف علي قواعد الموتور والفتيس ممكن تبقي واحدة منهم

كشفت عليهم وطلعو تمام مفهمش اي حاجه

[Moratoz]

شوف فلاتر الهواء والبنزين والبوجيهات اخبارهم أيه وأبقي عيد الكشف علي القواعد

[m07mad]

شوف فلاتر الهواء والبنزين والبوجيهات اخبارهم أيه وأبقي عيد الكشف علي القواعد

بالنسبه لفلتر الهوء و البنزين لسه متغير من ٤٠٠٠ كم اما بالنسبه للبوجيهات فانا كان عادي رجه في العربيه و غيرت الموبينه و سلوك البوجيهات جبتهم استيراد و البوجيهات جبتها من الشهابي و اكتاشفت السبب في الاخر كان بسبب البوجيهات كانت مرطبه و لما جبت البوجيهات الاصليه ظبطت الحمد لله

[abdelrhman]

انا كمان عندي نفي الشكلة كانت في الاول بتنتش مع التكيف بس لكن دلوقتي بتنتش على طول وي التوكيل مش عارف يحلها روحتلو 3مرات كنت بروح الاقصي لكن قولت اغير اروح ارتوك اوتو باكتبلك منو دلوقتي وبردو مش عارفين المشكله لحد دلوقتي

[m07mad]

انا كمان عندي نفي الشكلة كانت في الاول بتنتش مع التكيف بس لكن دلوقتي بتنتش على طول وي التوكيل مش عارف يحلها روحتلو 3مرات كنت بروح الاقصي لكن قولت اغير اروح ارتوك اوتو باكتبلك منو دلوقتي وبردو مش عارفين المشكله لحد دلوقتي

طيب يا ريت تقولي وصلت لايه في الاخر لان انا كمان دايخ بسبب الموضوع دا و تقريبا محدش عارف السبب
بس سؤال هيا كانت بتنتش معاك في التكيف بس و دلوقتي بقت تنتش معاك في الغيارات من غير التكيف كمان ؟؟؟

[طارق _عبد السلام]

شوف حد يكشف لك على ضغط الفريون ممكن يكون زايد قوى وبيخلى الكمبروسر عليه ضغط جامد اثناء التشغيل واكشف بالمره على الكبروسر

[omaranes77]

طب ما تروحو للمهندس خالد

[m07mad]

طب ما تروحو للمهندس خالد

المهندس خالد دا فين ؟؟ و اهم حاجه يكون عندو ضمير