اشتري كمبروسر جديد ولي استيراد ولي اصلح اللي عندي

[Moratoz]

شكرا ليكوا بس تخيلت ان حد حيوصفلي محل ويساعدني كل سنه وانتوا طيبين ورمضان كريم

كل عام وحضرتك طيب مقدما
انزل الحرفيين وبدل الواحد هتلاقي عشرة
اسأل الأول علي شارع المرسيدس علي اوله هتلاقي واحد بتاع سكودا استيراد علي اليمين وأبقي أسأل فين مجدي بيومي دا محل كبير وعنده كل حاجه من كلام الأعضاء وهتلاقي كذا واحد في شارع المرسيدس
ولو الأعضاء عارفين حد معين هناك أكيد لن يترددو في الرد علي حضرتك وبالتوفيق ان شاء الله وابقي قولنا علي النتيجه أن شاء الله

[mido102]

ان شاء الله

[mido102]

مجدي بيومي عايز يدهوني ب ٨٠٠ جنيه انا شايفوا كتير

[mido102]

نزل ل ٧٠٠ بالعافيه بيقولي حتلاقيه برا ب ٥٠٠ و ٦٠٠ بس مش زي الحاله اللي حدهولك بيها وقالي انا حديك كمبروسر ١٦٠٠ لان فيه ١٤٠٠

[Moratoz]

نزل ل ٧٠٠ بالعافيه بيقولي حتلاقيه برا ب ٥٠٠ و ٦٠٠ بس مش زي الحاله اللي حدهولك بيها وقالي انا حديك كمبروسر ١٦٠٠ لان فيه ١٤٠٠

المهم امه يبقي بحاله كويسه وتكون اتفقت معاه انه علي التجربه
والتوفيق ان شاء الله في تركيبه وابقي قولنا عملت ايه

[mido102]

جبت الكمبروسر من مجدي بيومي الحرفيين ومعاه ضمان اسبوع صاحبي جابهولي مركبشي بتاع التكيفات قالي الكمبروسر اللي انت جايبه مواسير كبس والكمبروسر بتاعك لواكير لازم تغير الخراطيم والتعديل ده يتكلف ٥٠٠ جنيه او تروح ترجعه وقوله عايزه لواكير الواظ المهم قولت لصاحبي وحيرجعه ونشوف ايه الموضوع !!

[snakeson2]

اسمع نصيحتي انا لسه مغير كباس استيراد ساندن أمريكي مفكوك من عربيه موديل ٢٠١٣
اولا بص علي تاريخ انتاج الكباس متجيبيش اقل من ٢٠٠٨
متعملش موضوع التعديل نهائي
هات الكباس الي كلاتشه حديد مبيبوظش فيه الا الحساس وتمنه ٢٠٠ جنيه وده الكباس الجديد
سيبك من الكباس الي كلاتشه عادي
أتعامل مع عبدالله تبارك في الكباسات لان عندو الساندن ألي بينزل في الأودي وده أحسنهم وركب وجرب
متسمعش كلام الصنايعي الي بيقول غير سربنتينه مع الكباس ، شوف خراطيمك لو نضيفه متغيرش سربنتينه
لو محتاج حاجه تاني اسألني تحت امرك

[mido102]

انا بصراحه شكلك فاهم بس انا علي ادي انا حغير الكمبروسر من مجدي بيومي وحجيب كمبروسر بلواكير بس اكتر من كده مش قادر استوعب وايه الكلاتشه دي "!

[mido102]

وعبد الله تبارك مكانه فين

[snakeson2]

في الحرفيين . مش بعيد عن مجدي البيومي اسأل هناك الف واحد يدلك

[mido102]

الكمبروسر االلي في عربيتي طلع مش الفبريكه بتاعها ومجدي بيومي وتبارك قالوا لصاحبي خليه يجيي بالعربيه !!

[mido102]

يجماعه طلع التكيف متولف عليها ومش بتاعها الاصلي وبيقولولي ده كباس اوبل وقصه كده انا اتخنقت

[mo3tazanas]

بص ياسيدى انا رايى تاخد العربية وتروح عند واحد عاندة نص كامل وتقوم فاتح الكبوت فى النص وفى عربيتك وتبص وتشوف اية العك اللى عاندك وتشيلة وتشوف الفابريكا ازاى وتحلة من النص وتروح تركبة وترجعها تانى زى الفابريكا ....انا كنت بعمل كدة لما كنت بلاقى عك ومش عارف الفابريكا ازاى اروح على نص ابص فية وابص عاندى وابتدى اعدل وارجع العربية للفابريكا ...بس خلى بالك الـــ a4 فيها نوعين فى الكمبوريسور نوع بتاع الموديل القديم ونوع بتاع الموديل ما بعد 2000 ودة الافضل ..

[mido102]

بس ياباشا انا كده حخش في 1700 جنيه ناس بتقولي اصلا انها متركبلها تكيف كده حخش في تلاجه وكولر وقصه

[aelmohamady]

اسمع نصيحتي انا لسه مغير كباس استيراد ساندن أمريكي مفكوك من عربيه موديل ٢٠١٣
اولا بص علي تاريخ انتاج الكباس متجيبيش اقل من ٢٠٠٨
متعملش موضوع التعديل نهائي
هات الكباس الي كلاتشه حديد مبيبوظش فيه الا الحساس وتمنه ٢٠٠ جنيه وده الكباس الجديد
سيبك من الكباس الي كلاتشه عادي
أتعامل مع عبدالله تبارك في الكباسات لان عندو الساندن ألي بينزل في الأودي وده أحسنهم وركب وجرب
متسمعش كلام الصنايعي الي بيقول غير سربنتينه مع الكباس ، شوف خراطيمك لو نضيفه متغيرش سربنتينه
لو محتاج حاجه تاني اسألني تحت امرك

معلش مع احترامى ليك غالبا لما الكومبروسر بيبوظ بيطلع منه رايش حديد بيبقى موجود فى السربنتينة وممكن يسد الفلتر او الكومبروسر الجديد علشان كده المفروض ان التلاجة والفلتر يتغيروا مع الكمبروسر

Sent from my samsung GT-I9152 using Forum Runner