ما هو سعر سكودا فانتازيا اوتوماتيك 2010 ماشية أقل من 100 الف

[Hanyeid]

السلام عليكم يا شباب ممكن حد يقولي سعر السكودا فانتازيا اوتوماتيك موديل 2010.... انا دخلت علي دوبيزل ولقيت ناس عارضها ب 150000 مش عارف السعر ده كويس ولا مبالغ فيه و لو غالي أخرها كام لو حالتها ممتازة زي ما بيقولوا في الاعلان....... شكرا مقدما

[J A G U A R]

هتلاقى من 150 ل 160

[Hanyeid]

يعني الاسعار مش مبالغ فيها ؟

[moumen_hs]

من 145 حتى 160 حسب الحالة والابشن النصيحة أكشف عليها بعد ماتعجبك فى مركز الاقصى زهراء المعادى ب 500 بيفلوا العربية علشان تعرف الى فيها ويدوك النصيحة لو تمام وياريت لو تشتريها يكون ليها صيانة دورية بالمستندات وتغير زيت الفتيس عند 60 الف هام جدا جدا وربنا يوفقك

[J A G U A R]

يعني الاسعار مش مبالغ فيها ؟

لا عادى

ده الهاى لاين ساعات بيدخل فى ال 200 الف

[kokowasfy]

الرينج بتعها من 140 الى 160

[Hanyeid]

متشكر جدا علي الردود هل في مكان في أسكندرية ممكن الكشف فيه علي السيارة و هل التوع ده ممكن يتلعب في العداد بتاعه زي ال bm مثلا

[Moratoz]

متشكر جدا علي الردود هل في مكان في أسكندرية ممكن الكشف فيه علي السيارة و هل التوع ده ممكن يتلعب في العداد بتاعه زي ال bm مثلا

آه ممكن يتلاعب فيه عادي
بس خلي بالك من حاله العربيه بيبسي في بعض المؤشرات ئل بتقول ان العداد ملعوب فيه يعني نمت تشوف عل طاره العربيه فيها مسح او قطع او السفنج الخاص بالكراسي هابط ولا لأ وهل يتناسب مع كيلومتر العربيه تصب علي بكره النور ممسوحة ولا لا وهكذا بيبسي في حاجات تحس انها مش مريحاك او لا تتناسب مع كيلومتر السياره
وبالتوفيق ان شاء الله

[طارق _عبد السلام]

حدد اى فئه فى السعر اللى حضرتك كاتبه
كان فيه عربيه بتتباع هنا فى المنتدى بصراحه فرصه بس اتباعت على طول كانت 2012 هاى لاين اتباعت فعليا 175 فرصه بجد على مااتصلت كان واحد دفع عربون رفضت اكمل مع صاحبها لحد ما المشترى ينتهى لان مينفعش اشترى وواحد بيشترى فيها وصاحبها قال لى ان المشترى بيكشف فى التوكيل

[Hanyeid]

آه ممكن يتلاعب فيه عادي
بس خلي بالك من حاله العربيه بيبسي في بعض المؤشرات ئل بتقول ان العداد ملعوب فيه يعني نمت تشوف عل طاره العربيه فيها مسح او قطع او السفنج الخاص بالكراسي هابط ولا لأ وهل يتناسب مع كيلومتر العربيه تصب علي بكره النور ممسوحة ولا لا وهكذا بيبسي في حاجات تحس انها مش مريحاك او لا تتناسب مع كيلومتر السياره
وبالتوفيق ان شاء الله

ألف شكر علي التوضيح...... لكن هل في مكان مضمون في الاسكندرية ممكن يكشف عليها

[Hanyeid]

حدد اى فئه فى السعر اللى حضرتك كاتبه
كان فيه عربيه بتتباع هنا فى المنتدى بصراحه فرصه بس اتباعت على طول كانت 2012 هاى لاين اتباعت فعليا 175 فرصه بجد على مااتصلت كان واحد دفع عربون رفضت اكمل مع صاحبها لحد ما المشترى ينتهى لان مينفعش اشترى وواحد بيشترى فيها وصاحبها قال لى ان المشترى بيكشف فى التوكيل

ربنا يكرمك و تلاقي حاجة أحسن منها باذن الله......أنا بسال علي الهاي لاين

[Ahmed Toukhy]

استاذ طارق _عبد السلام . العربيه ال بتتكلم عنها انت شوفتها فين. انا لسه مخلص واحده الخميس ال فات

[طارق _عبد السلام]

استاذ طارق _عبد السلام . العربيه ال بتتكلم عنها انت شوفتها فين. انا لسه مخلص واحده الخميس ال فات

العربيه اعلانها موجود هنا فى قسم البيع وانا كلمت صاحبها بس مينفعش اكمل نهائى لان فيه مشترى شغال فيها وانا عرفت من صاحبها ان بارك على 175 لحين انتظار الكشف فى التوكيل