Tweet
أولا الشكر واجب لكل اعضاء ومشرفي المنتدي علي مجهودهم في المنتدي اللي استفدت منه كثيرا
نخش بقا للموضوع
كان معايا شيفورلية لانوس قعدت معايا اربع سنين وكنت شاريها كسر زيرو عاملة 6 الاف كيلو وكانت عربية زي الفل بالنسبة لي وخاصة اني طالع من شاهين عليها . المهم قررت اني ابيعها قبل ما تبتدي تفتح بطنها وتصرف وتعطلني وفكرت في حاجة اوتوماتيك كسر زيرو في حدود 90 الف وكنت رافض تماما فكرة المستعمل والموديلات القديمة وللأسف انخدعت في حاجة اسمها نيسان صني عل اساس انها ياباني و اوبشناتها كتير خاصة السوبر صالون وانخدعت اكتر في المدافعين عنها باستماتة علي النت اللي اكتشفت بعد كدة ان معظمهم شغالين في الشركة اصلا .
واشتريت نيسان صني سوبر صالون 2012 حالة فوق الممتازة من شهر تقريبا ومن تاني يوم بدئت اكره العربية واندم اني فكرت فيها اصلا وذلك لانها عربية تقفيل زبالة جدا وغول في استهلاك البنزين بشكل رخم والاهم من ده كله عفشة ناشفة بشكل فظيع تحس بكل طوبة ومدق علي الطريق وخاصة اني مريض انزلاق غضروفي والكراسي متعبة. تالت يوم روحت بيها مشوار المنصورة ورجعت متكسر بمعني الكلمة وحسبت استهلاكها في 320 كيلو اخدت 33 لتر بنزين وقررت اشوطها بأي خسارة وفعلا بعتها بخسارة 5 الاف جنيه
ورجعت الفلوس اللي كنت سالفها انا اصلا بكره موضوع السلف والقسط ده واتبقا معايا 77 الف جنيه وقررت اشتري باللي معايا وخلاص وطبعا ندمت علي بيعي لعربيتي الانوس وبالصدفة كنت نازل عند كام زبون ليا في الحرفيين بعملهم شغل دخلت عند تاجر لقطع الغيار الالماني وحكيتله علي قصتي قالي عليك وعلي الاوكتافيا a4 باللي معاك تركب عربية 2003 او 2004 حالتها حلوة ومتقلقش من قطع غيارها اي حاجة تعوزها هاجيبهالك بجملتها واستهلاكها ممتاز في البنزين ومريحة وراسية وممتعة في القيادة وقطع غيارها متوفرة جديد واستيراد والاصلي منها بيعيش ويعمر
والمستعمل في العربيات دي افضل مليون مرة من كسر الزيرو في الكوري والياباني
طبعا انا اخدت منه المعلومة ودخلت هنا علي المنتدي وفليته صفحة صفحة لا قيت معظم كلامه صح ومشاكل العربية تكاد تكون منعدمة او بسيطة جدا وبصراحة المنتدي افادني جداا
وبالصدفة واحد صاحبي معاه واحدة 2008 حالتها مش قد كدة كان مسافر مطروح سافرت معاه وراقبت العربية مراقبة تمام طول الرحلة وانبهرت بيها ومن راحة القيادة وقررت لما ارجع اجيب واحدة
والحمد لله ربنا كرمني بوحدة 2003 مانيوال فابريكة برة وجوه وماشية 140 الف واشتريتها بعد الكشف الدقيق في مركز صيانة في الحرفيين بس سعرها كان غالي الفين جنيه عن السوق بس كنت مرتحلها قوي وقولت مش مهم الذيادة
بعد اسبوع من الشراء وجدت انها فعلا استهلاكها في البنزين ممتاز علي عربية 1600 بالحجم ده والوزن ده
عفشة ممتازة تتحمل الطرق الزبالة اللي عندنا وماتتعبش اللي راكب
كراسي مريحة بشكل جيد مقارنة بالكوري والياباني
ماتور عفي جدا بالنسبة لواحد زيي سواقته متوسطة
ارتفاع عن الارض بشكل جميل يخليك تحمد ربنا انك خرجت من الانوس والنيسان واشباههم
فرامل جيدة جدا وان كانت النيسان افضل في الفرامل اوي يمكن الموديل فارق
صالون مريح وشكل التابلوه مقبول وان كان محتاج شوية تظبيط بس مش عارف ازاي اغير شكله
التكييف مقبول او جيد وان كان في الانوس افضل واعتقد لصغر صالون الانوس او لان هوا التكيف في الاوكتافيا بيوصل للشنطة واعتقد لو منعته من الوصول للشنطة هيبقا ممتاز بس مش عارف ازاي
الكاسيت الحمد لله صاحب العربية ركبلها كاسيت سوني اصلي بفلاشة وسي دي وجوز سمعات بايونير في الشنطة ظابط الاداء
العربية محتاجة الصيانة الدورية من تغيير فلاتر وسيور وزيت واعتقد ان ادائها سايكون افضل بأذن الله
بالنسبة للعيوب مش عارف بصراحة لأنها احلا عربية ركبتها الي الان وطبعا مش هاقدر اقول عيوب علي حاجة بالنسبى لي ممتازة وماركبتش اعلا منها
ودي تجربتي بأختصار اتمني ان يستفيد منها من يقدم علي الشراء كما استفدت من تجارب الاعضاء الكرام في هذا المنتدي الرائع
نخش بقا للموضوع
كان معايا شيفورلية لانوس قعدت معايا اربع سنين وكنت شاريها كسر زيرو عاملة 6 الاف كيلو وكانت عربية زي الفل بالنسبة لي وخاصة اني طالع من شاهين عليها . المهم قررت اني ابيعها قبل ما تبتدي تفتح بطنها وتصرف وتعطلني وفكرت في حاجة اوتوماتيك كسر زيرو في حدود 90 الف وكنت رافض تماما فكرة المستعمل والموديلات القديمة وللأسف انخدعت في حاجة اسمها نيسان صني عل اساس انها ياباني و اوبشناتها كتير خاصة السوبر صالون وانخدعت اكتر في المدافعين عنها باستماتة علي النت اللي اكتشفت بعد كدة ان معظمهم شغالين في الشركة اصلا .
واشتريت نيسان صني سوبر صالون 2012 حالة فوق الممتازة من شهر تقريبا ومن تاني يوم بدئت اكره العربية واندم اني فكرت فيها اصلا وذلك لانها عربية تقفيل زبالة جدا وغول في استهلاك البنزين بشكل رخم والاهم من ده كله عفشة ناشفة بشكل فظيع تحس بكل طوبة ومدق علي الطريق وخاصة اني مريض انزلاق غضروفي والكراسي متعبة. تالت يوم روحت بيها مشوار المنصورة ورجعت متكسر بمعني الكلمة وحسبت استهلاكها في 320 كيلو اخدت 33 لتر بنزين وقررت اشوطها بأي خسارة وفعلا بعتها بخسارة 5 الاف جنيه
ورجعت الفلوس اللي كنت سالفها انا اصلا بكره موضوع السلف والقسط ده واتبقا معايا 77 الف جنيه وقررت اشتري باللي معايا وخلاص وطبعا ندمت علي بيعي لعربيتي الانوس وبالصدفة كنت نازل عند كام زبون ليا في الحرفيين بعملهم شغل دخلت عند تاجر لقطع الغيار الالماني وحكيتله علي قصتي قالي عليك وعلي الاوكتافيا a4 باللي معاك تركب عربية 2003 او 2004 حالتها حلوة ومتقلقش من قطع غيارها اي حاجة تعوزها هاجيبهالك بجملتها واستهلاكها ممتاز في البنزين ومريحة وراسية وممتعة في القيادة وقطع غيارها متوفرة جديد واستيراد والاصلي منها بيعيش ويعمر
والمستعمل في العربيات دي افضل مليون مرة من كسر الزيرو في الكوري والياباني
طبعا انا اخدت منه المعلومة ودخلت هنا علي المنتدي وفليته صفحة صفحة لا قيت معظم كلامه صح ومشاكل العربية تكاد تكون منعدمة او بسيطة جدا وبصراحة المنتدي افادني جداا
وبالصدفة واحد صاحبي معاه واحدة 2008 حالتها مش قد كدة كان مسافر مطروح سافرت معاه وراقبت العربية مراقبة تمام طول الرحلة وانبهرت بيها ومن راحة القيادة وقررت لما ارجع اجيب واحدة
والحمد لله ربنا كرمني بوحدة 2003 مانيوال فابريكة برة وجوه وماشية 140 الف واشتريتها بعد الكشف الدقيق في مركز صيانة في الحرفيين بس سعرها كان غالي الفين جنيه عن السوق بس كنت مرتحلها قوي وقولت مش مهم الذيادة
بعد اسبوع من الشراء وجدت انها فعلا استهلاكها في البنزين ممتاز علي عربية 1600 بالحجم ده والوزن ده
عفشة ممتازة تتحمل الطرق الزبالة اللي عندنا وماتتعبش اللي راكب
كراسي مريحة بشكل جيد مقارنة بالكوري والياباني
ماتور عفي جدا بالنسبة لواحد زيي سواقته متوسطة
ارتفاع عن الارض بشكل جميل يخليك تحمد ربنا انك خرجت من الانوس والنيسان واشباههم
فرامل جيدة جدا وان كانت النيسان افضل في الفرامل اوي يمكن الموديل فارق
صالون مريح وشكل التابلوه مقبول وان كان محتاج شوية تظبيط بس مش عارف ازاي اغير شكله
التكييف مقبول او جيد وان كان في الانوس افضل واعتقد لصغر صالون الانوس او لان هوا التكيف في الاوكتافيا بيوصل للشنطة واعتقد لو منعته من الوصول للشنطة هيبقا ممتاز بس مش عارف ازاي
الكاسيت الحمد لله صاحب العربية ركبلها كاسيت سوني اصلي بفلاشة وسي دي وجوز سمعات بايونير في الشنطة ظابط الاداء
العربية محتاجة الصيانة الدورية من تغيير فلاتر وسيور وزيت واعتقد ان ادائها سايكون افضل بأذن الله
بالنسبة للعيوب مش عارف بصراحة لأنها احلا عربية ركبتها الي الان وطبعا مش هاقدر اقول عيوب علي حاجة بالنسبى لي ممتازة وماركبتش اعلا منها
ودي تجربتي بأختصار اتمني ان يستفيد منها من يقدم علي الشراء كما استفدت من تجارب الاعضاء الكرام في هذا المنتدي الرائع
Comment