صوت تزييق مع حركة الدركسيون فانتازيا 2010

[walidaly9873]

الأول كل سنة وانتم طيبيين ورمضان كريم
عندي صوت تزييق مع حركة الدركسيون وفي التوكيل قالولى علبة دركسيون وقالولي امشي بيها مافيهاش مشكلة دلوقتي .. بس المشكلة ان الصوت بيزيد هو مش مأثر على اي حاجة والدركسيون بنفس النعومة والسلاسة بتاعته من ايام الزيرو بس انا مابرتاحش مع اي صوت غريب وعلبة الدركسيون في التوكيل بعشر الاف حنيه وفي الاخر خايف متكونش هى السبب

[mido102]

علي حد علمي علبه الدريكسيون عايزه تتملي بس ازاي وفين وليه معرفشي انا مره ميكانيكي قالي كده

[eng.m7md.ali]

هل بيحصل اي خبط مع حضرتك او اي اصوات تانية غريبة غير التزييق؟

[J A G U A R]

اعتقد كده الصوت ده طبيعى علشان قبل كده كنت راكب فانتازيا وكان الدريكسيون بيزيق معايا بردو

[طارق _عبد السلام]

لا مش طبيعى بالمره اكيد فيه مشكله ولا ايه فايف ولا فانتازيا يكون طبيعى فيها التزييق
طيب سؤال انت كنت عامل عقشه قريب او ظبط زوايا ؟

[ahmedhassan92]

يا باشا انا معايا عربية a5 موديل 2006 و كان عندى نفس المشكلة صوت تزييق و ابتدا يزيد
بس في حاجة عايزك تجربها الاول و هى العربية واقفة حرك الدركسيون يمينو شمال بالراحة من غير ما تلف العجل (حركها كذا مرة ورا بعض يمين و شمال) لو فيه صوت كركبة هتبقى علبة دركسيون و هىدى كانت نفس مشكلتى و غيرت العلبة و الحمد لله الدنيا ظبطت معايا
بس لو بايظة فعلا بلاش تلعب فيها عشان مهما تصلحها هتفضل برده فيها مشاكل و محتاجة مصاريف تانيه فهيبقى احسن لك تجيب واحدة استيراد و عن تجربة الكلام ده على فكرة

[walidaly9873]

علي حد علمي علبه الدريكسيون عايزه تتملي بس ازاي وفين وليه معرفشي انا مره ميكانيكي قالي كده

شكرا لنصيحتك

[walidaly9873]

هل بيحصل اي خبط مع حضرتك او اي اصوات تانية غريبة غير التزييق؟

مافيش اي اصوات تانية .. هو تزييق وبس

[walidaly9873]

اعتقد كده الصوت ده طبيعى علشان قبل كده كنت راكب فانتازيا وكان الدريكسيون بيزيق معايا بردو

لا مش طبيعي بالمرة والعربية معايا من الزيرو ماكانش فيها اي اصوات

[walidaly9873]

لا مش طبيعى بالمره اكيد فيه مشكله ولا ايه فايف ولا فانتازيا يكون طبيعى فيها التزييق
طيب سؤال انت كنت عامل عقشه قريب او ظبط زوايا ؟

انا كنت مغير مقصات من فترة والصوت ابتدا يعلا بعد التغيير .. هل ده ممكن يكون ليه علاقة بالمقصات والعفشة؟؟ هما برضه في التوكيل قالولي هتحتاج جلب ميزان .. ممكن يكون الصوت من حاجة زي كده؟؟

[walidaly9873]

يا باشا انا معايا عربية a5 موديل 2006 و كان عندى نفس المشكلة صوت تزييق و ابتدا يزيد
بس في حاجة عايزك تجربها الاول و هى العربية واقفة حرك الدركسيون يمينو شمال بالراحة من غير ما تلف العجل (حركها كذا مرة ورا بعض يمين و شمال) لو فيه صوت كركبة هتبقى علبة دركسيون و هىدى كانت نفس مشكلتى و غيرت العلبة و الحمد لله الدنيا ظبطت معايا
بس لو بايظة فعلا بلاش تلعب فيها عشان مهما تصلحها هتفضل برده فيها مشاكل و محتاجة مصاريف تانيه فهيبقى احسن لك تجيب واحدة استيراد و عن تجربة الكلام ده على فكرة

انا فعلا جربت الموضوع ده ومافيش كركبة ولا حاجة بس صوت التزييق بيعلا .. وانا مش من مؤيدى الملو والتصليح بس برضه تمن العلبة الجديدة غير عادي .. يا تري في حد ممكن اروحله يبص عليها بس يكون موثوق فيه؟؟ لان كل تعاملاتي كانت مع التوكيل وماعرفش صنايعية بره