طلب مشورة -تختار a4ولاa5

[msspower]

السلام عليكم يا شباب كل سنه وانتم طيبين

كنت طالب مشورتكم في سيارتين وتقولولي ايهما افضل من حيث سعر قطع الغيار والاعتمادية

اوكتافيا a4 مو ٢٠٠٦ ماشيه ٩٠٠٠٠ كم اوتو فول اوبشن ما عدا فتحة السقف فابريكة بالكامل تكييف تاتش + باور + سنتر +سينسور بارك+ زجاج كهرباء+ كاسيت الفبريقة + وحدات رفع+جنوط اسبور+ بطارية جديده+ فرش جلد +جميع الصيانات بالتوكيل كسر زيرو ماشاء الله مطلوب فيها ١٠٨ الف ج

اوكتافيا a5 مو ٢٠٠٦ ماشيه ١٠٧٠٠٠ كم اوتو فول اوبشن ما عدا فتحة السقف السياره بحاله ممتازه جنوط 16 كاواش جديدً استبن لم يستخدم كاسيت تاتش بلوتوث مانع انزلاق حساس كاوتش السياره فابريكه بالكامل من الداخل والخارج برضو مطلوب فيها ١٠٨٠٠٠ ج

ميال لل a4 عشان موضوع الفتيس فقط لا غير اما من حيث الكماليات اكيد a5 تكسب
يا تري تنصحوني بايه وهل السعار دي كويسة ولا مبالغ فيها

[hany63]

ال a5 فئه اكبر و افخم من ال a4

[D.Ahmed Ismail]

A4 اسهل في الصيانة بس سعرها عالي
a5 افخم بس المشكله في الفتيس
وسعرها برده عالي
رايي a5

[samoreception]

a4 سعرها مبالغ فيه سيبك منها
a5 احلى بمراحل من الايه 4 بس اهم حاجة تكشف على الفتيس ولو تمام نزل معاه شوية والفتيس بتاعها مفهوش اى مشاكل مدام بتغعيرله زيت كل 60 الف ده غير انه لو باظ من الاهمال بيتعمله دلوقتى طقم اصلاح فى الحرفيين ب3500 جنية وبتاخد ضمان 100 الف كيلو كمان على انه ميرجعش العيب تانى

[طارق _عبد السلام]

يعنى حضرتك هتشترى عربيه 2006 وخايف تشتريها بس علشان موضوع الفتيس ما العربيه شغاله من 8 سنين اهى وفتيسها مفيهوش مشكله بدليل انك عايز تشتريها؟!!!!!!!

توكل على الله العربيتين راااااااااائعين بس الايه فايف احلى طبعا

[طارق _عبد السلام]

على فكره اخر العربيتين دول 95 فى الواحده

[omaranes77]

العربية الاواي دي علي دوبيذل صح
شوفتها ةفعلا العربية دي نضيفة اوي
بس a5 حاجة تانية
اهم حاجة الكشف

[Moratoz]

A5 تحس فيها بالرفاهيه

[Adnfalcon]

a5 اوسع و عفشه ملتي لينك مش تورشن بيم زي ال a4
وبالتالي مريحه أكتر و فعلا لازقه فالأرض لحد سرعه 195
عموما a5 التطور الطبيعي ل a4
اكشف ع الفتيس وتوكل علي الله

[baherhassan30]

ال a5 فئه اكبر و افخم من ال a4

+111111111111111

[baherhassan30]

A5 طبعااااااااااا وبدون تفكير
اهم حاجة تكشف على الفتيس ..

[Hanyeid]

السلام عليكم

أعتقد السعر عالي شوية لان واحد صديقي لسة شاري a5 موديل 2009 بس مانيوال ماشية 43000 كم تقريبا ب 110 الف..ربنا يوفقك للافضل أن شاء الله

[msspower]

a4 اسهل في الصيانة بس سعرها عالي
a5 افخم بس المشكله في الفتيس
وسعرها برده عالي
رايي a5

وده اللي مخليني ميال لa4

[msspower]

العربية الاواي دي علي دوبيذل صح
شوفتها ةفعلا العربية دي نضيفة اوي
بس a5 حاجة تانية
اهم حاجة الكشف

مظبوط حضرتك هي اللي علي دوبيزل

[msspower]

شكرا لكل الناس اللي شاركت في الموضوع ان شاء الله استخير واتفرج علي الايه فايف الاول
بس ممكن تقولولي رينج الاسعار للحالات النضيفة مو 2006و2007و2008 في حدود كام لان كل واحد معاه عربية عارف ان حالتها كويسة بيبالغ اوي في السعر اللي طالبه