هل سحب الاوكتافيا a7 بموتور1400 سى سى يعتبر السقوط الى الهاوية فى سوق السيارات المصرى

[EngAhmedSayed]

السلام عليكم

الموضوع بخصوص
سكودا اوكتافيا A7

الحمد لله و بفضل الله عز وجل
كان لنا السبق فى موضوع

سكودا A7 سوف تطرح بمحرك 1600 سى سى و تم ايقاف استيراد السيارات بمحرك 1400 سى سى تيربو

و دة كان لينك الموضوع الاصلى

http://www.nilemotors.net/Nile/407313-a7.html

و تم ايقاف استيراد و طرح الموديل المذكور بالفعل
و يعتزم التوكيل سحب السيارات المباعة بموتور 1400 سى سى
و ذلك ليتم التعديل عليها
و هيكون التعديل متضامن بعض مكونات
وهى

اولا
- الموتور و هيكون موتور الفنتازيا

ثانيا
- الفتيس و هيكون فتيس الفنتازيا

ثالثا
- الكابلن الداخلية و الخارجية لان المشرشر الخاص بالكوبلن الفتيس 1400 سى سى غير 1600 سى سى و طول الكوبلن

رابعا
- الطنابير لانى قطر الكوبلن 1400 سى سى غير قطر 1600 سى سى

خامسا
- دائرة الكنترول سيستم ( الضفيرة )


و هتكون التكلفة على حساب التوكيل
و جارى دراسة الموضوع
يا
سيتم التعديل
او
سحب السيارة من المشترى


منتظرين الاعلان الرسمى عن تأكيد الخبر المذكور

تحياتى
بالتوفيق للجميع ان شاء الله

م / احمد سيد
منسق قسم سكودا

[makarhn]

لية!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!

[samoreception]

اظن الخبر ده مش هيطلع صح لانه هيكلف التوكيل كتير جدا
ده غير انى فى ناس عاجبهم اداء العربيات التربو جدا وممكن ميوفقوش على المهزلة ديه

[2CODE]

ليه ؟ علشان مشاكل الفتيس ؟؟؟؟

اكيد الموتور الـ1400 التربو اقوي من الـ1600 ؟؟؟؟

الا بقى لو كانت مواتير السكودا مختلفة في الحته دي بس المفروض ان الـ1400 التربو احسن من الـ1600 مفيش كلام !!!!!

انا رأيي محدش يوافق على التعديل

[EngAhmedSayed]

لية!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!

هقول لحضرتك لية
1+1= ؟

لانى المعروف لما يكون الموتور تيربو بيكون البنزين الاوكتان الخاص بيه 95
يعنى بالبلدى الموتور عاوز بنزين 95 مش 92 و طبعا فرق سعر البنزين
كفيل انى يجيب اى ماركة او موديل فى الارض
ربك المستعان

[EngAhmedSayed]

اظن الخبر ده مش هيطلع صح لانه هيكلف التوكيل كتير جدا
ده غير انى فى ناس عاجبهم اداء العربيات التربو جدا وممكن ميوفقوش على المهزلة ديه

موضوع انى الخبر يطلع صح او غلط
الموضوع تحت الدراسة فى التوكيل
حتى انا ذاكر لسيادتك يا تعديل يا سحب
و اية المشكلة بالنسبة لمالكى السيارة اكيد الموضوع هيكون اختيارى

[Anxs111]

مفيش كلام من دة بيحصل في أي حتة في العالم ....التوكيل أرخصله أي عربية تجيب فتيس يغير اللي باظ في الضمان ....أو يطول فترة الضمان علي الفتيس لإرضاء العملا ...
أما إنه يسحب العربيات فدي ممكن لو هو خايف من جهاز حماية المستهلك ...
لاكن يقعد يعمل قص ولزق فده مش منطقي ...

[tameraast]

1400 tsi بيمشى ب 92 عادى

[iUsef]

لو فعلاً هيعملو كدة انا شايف انهم يسحبو العربيات احسن ويبدلوها بعربيات ١٦٠٠ عشان يمتصو غضب الملاك لان مهما غيرو في العربيه اللي راكب هيحس ان فيها حاجة غلط

بس ازاي فلوكس ڤاجن توافق علي كدة؟؟؟! كدة كل العربيات ال tsi dsg اضربت في مصر

[mostafa3000]

اعتقد الافضل سحب ال 1400 وتبديلها وهيكون اوفر من التعديل
لان عدد العربيات ال 1400 المباعة قليل نسبيا

[makarhn]

الموتور ال Tsi 103 kw
(1400cc 140hp)
شغال ببنزين 92 زى الفل ولا فية تاثير على السحب او على الموتور
يمكن التاثير الوحيد ل 92 انو بيقلل من قوة الموتور بنسبة 3 او 4 % عن ال95
اعتقد السبب الرئيسى انهم بيفكرو فى كدة ان الa7 الجديدة
عفشتها مش ملتى لينك زى الفنتازيا القديمة - مش ثابتة زييها - العزل بتاعها اقل - dsg مقلل مبيعاتها
علشان كدة مابعتش زى القديمة فابيجربو يشيلو الdsg منها يمكن تبيع زييها لكن القرار دة بيخلى الناس تكرة العربية اكتر

[أبو_مصطفى]

الكلام ده مش مظبوط، انا شفت الإفراج الجمركي للعربية بتاعتي وكان فيها عربيات موديل 2015 بموتور 1400 سي سي وبعدين العربية ممتازة جداً ومافيهاش أي مشاكل على الإطلاق وموتورها جبار

[أبو_مصطفى]

وماشية على بنزين 92 زي الفل، ومكتوب على غطاء البنزين ان 92 مسموح بيه

وداي صورة الإفراج الجمركي

[أبو_مصطفى]

هام جداً

قمت بالأتصال ب أ/ وائل فؤاد مسئول بإدارة خدمة العملاء فى شركة ارتوك وأبلغته بمحتوى هذا موضوع، وأكد لي أن هذا الخبر ليس له أي أصل وغير صحيح تماماً

وللتأكد، يمكن الأتصال:
أ/ ﻭﺍﺋﻞ ﻓﺆﺍﺩ - ﻋﻠﻰ 01001414633 ﺃﻭ ﲟﺪﻳﺮ المﺒﻴﻌﺎﺕ ﺃﺣﻤﺪ ﺧﻠﻴﻞ - ﻋﻠﻰ 01111117750

أرجوا من الزملاء فى المنتدى التعامل مع الأخبار بمزيد من الحرص لأن ذلك يؤثر سلبياً على مصداقية المنتدي

[muhamed mohsen]

هام جداً

قمت بالأتصال ب أ/ وائل فؤاد مسئول بإدارة خدمة العملاء فى شركة ارتوك وأبلغته بمحتوى هذا موضوع، وأكد لي أن هذا الخبر ليس له أي أصل وغير صحيح تماماً

وللتأكد، يمكن الأتصال:
أ/ ﻭﺍﺋﻞ ﻓﺆﺍﺩ - ﻋﻠﻰ 01001414633 ﺃﻭ ﲟﺪﻳﺮ المﺒﻴﻌﺎﺕ ﺃﺣﻤﺪ ﺧﻠﻴﻞ - ﻋﻠﻰ 01111117750

أرجوا من الزملاء فى المنتدى التعامل مع الأخبار بمزيد من الحرص لأن ذلك يؤثر سلبياً على مصداقية المنتدي

الله ينور يا نجم .. وعلى فكره لو على فرض والتوكيل عمل كدا وقال للناس اللى معاهم النسخه التربو تعالوا عدلوا عربيتكوا او نسحبها منكوا ..مين بقى العاقل ابن العاقل اللى هيضحى بالوحش اللى تحت الكبوت ولا الفتيس العبقرى .. وعلشان ايه .. هيعدل مثلا للاحسن .. بالعكس دا للاوحش بكتير وبيرجع بالناس لورا على قديمه مش للاحدث والاكثر تطور ..ثم العربيه التربو حلوه جدا جدا ماشاء الله ومحدش اشتكى منها بل بالعكس الكل بيشكر فيها وفى آدائها وبالنزين 92 ليه بقى نعدل ونسحب والكلام دا ..