ثبات السكودا .. التورشن بيم من ال a4 الى سكودا رابيد .. هل هناك فرق ؟

[fancy]

كان معايا a4 وكنت بعشقها فى الثبات والتحمل .. مع العلم انى مشاويرى كلها سفر ومسافات طويلة كنت بمشى بيها على 200 ومحدش بيحس بالسرعة
لما حبيت انى اجيب حاجة جديدة اول حاجة فكرت فيها هى سكودا طبعا .. بس ال a7 سعرها عالى بالنسبة ليا ففكرت فى الرابيد
بصراحة عربية شكلها جديد مش هتزهق منه بسرعة ، كماليتها معقولة مش سيراتو يعنى بس مقبولة علشان خاطر سكودا

المهم اعجبت بالعربية واقتنعت بيها .. لكن فى الفترة الأخيرة بدأت اقرا كتير فى موضوع العفشة والثبات .. وأنا بالنسبة ليا الثبات على الطريق مع السرعات العالية هو قمة اولوياتى

لقيت كله عمال بيشتكى من ثبات اى عربية تورشن بيم زى الرابيد كدة .. طب ازاى الناس بتشتكى من التورشن بيم مع ان ال a4 اللى عرفته مؤخرا انها كانت تورشن بيم وثباتها كان مرضى جدا جدا

هل ثبات الرابيد هيقل عن الa4 ؟
هى ايه العوامل اللى بتتحكم فى ثبات العربية غير العفشة ؟
الوزن .. تقريبا واحد ،
الابعاد .. الرابيد مش صغيرة ،
الارتفاع .. الرابيد اعلى حاجة بسيطة واظن دى حاجة معمولة لمصر لانى لقيت الرابيد الخليجى ارتفاعها اقل من الرابيد المصرى
انا اسف لو قلت معلومة خطأ .. انا مش متخصص وارجو تصحيح الخطأ ان وجد

انا شايف الموضوع دة محير جدا .. وكان صدمة ليا وانا بدور فى الفئة السعرية دى لما الاقى ناس بتكتب ان ثبات اللانسر هيبقى احسن من الرابيد علشان اللانسر مالتى لينك .. ولا الكروز علشان فيها esp .

ارجو من اصحاب الخبرة ايضاح هل فى فرق فى ثبات الa4 عن الرابيد ولا الاتنين قريبين من بعض ؟

[amrelsaqqa]

اول حاجة كدة مش معنى ان العربية مالتى لينك انها تبقى اثبت من اي تورشن وانت مغمض ، لا طبعا الكلام ده مش دقيق اوى ومش على اطلاقه

لو كدة كان بقت الالنترا القديمة اثبت من الاوكتافيا والجولف والميجان والـ 307 مثلا وده طبعا خيال :D

الالنترا على فكرة كانت مالتى لينك لحد قبل 2012 وثباتها طبعا ضعيف مقارنة بالاسكودا
مثال تانى السيراتو (التورشن ) كانت اثبت الى حد ما من الالنترا المالتى


المهم نرجع تانى لموضوعنا
الفكرة هنا ان الرابيد من فئة اقل من الاوكتافيا وده اللى هيفرق معاك في الاحساس بالعربية وبرضه لازم تجرب بنفسك عشان تحكم ، هو اللى هيساعد في تقريب الاداء ان الـ a4 مش اللى هى ثابتة اوى للدرجة وممكن كلامى ما يعجبش بعض الناس بس دى حقيقة.. فممكن مع الرابد ما تحسش انك نزلت اوى

كنت قريت قبل كدة تقرير وانطباع عن اداء الرابيد من واحد نازل من فانتازيا ممكن تدور وتقراه ممكن يوصلك هيبقى احساسها ايه ، وممكن تحاول وتعمل اللى عليك وتقول للتوكيل عايز اعمل تست درايف ^_^


بس صحيح انت متأكد ان الوزن متقارب بين الاوكتافيا والرابيد ؟
والابعاد ؟ اعتقد الرابيد هتبقى اكنز بفرق معقول
والارتفاع ؟ حتى لو فرق 2 سم الحاجات دى بتتجمع مع بعض وبتعمل الفرق


المهم عشان الحيرة اللى انت فيها مش دايما تبص لاوروبى وكوري ويابانى في المقارنة لما تكون فئات مختلفة
لان وانا مغمض كدة هقولك اه الكروز والشارك هيبقوا اثبت واتقل على الطريق من الرابيد

[fancy]

اول حاجة كدة مش معنى ان العربية مالتى لينك انها تبقى اثبت من اي تورشن وانت مغمض ، لا طبعا الكلام ده مش دقيق اوى ومش على اطلاقه

لو كدة كان بقت الالنترا القديمة اثبت من الاوكتافيا والجولف والميجان والـ 307 مثلا وده طبعا خيال :d

الالنترا على فكرة كانت مالتى لينك لحد قبل 2012 وثباتها طبعا ضعيف مقارنة بالاسكودا
مثال تانى السيراتو (التورشن ) كانت اثبت الى حد ما من الالنترا المالتى


متشكر جدا على مشاركة حضرتك وتوضيح ان التورشن بيم مش لازم يكون سئ او ان المالتى لينك على طول تمام .. وفى حبة حاجات كدة

المهم نرجع تانى لموضوعنا
الفكرة هنا ان الرابيد من فئة اقل من الاوكتافيا وده اللى هيفرق معاك في الاحساس بالعربية وبرضه لازم تجرب بنفسك عشان تحكم ، هو اللى هيساعد في تقريب الاداء ان الـ a4 مش اللى هى ثابتة اوى للدرجة وممكن كلامى ما يعجبش بعض الناس بس دى حقيقة.. فممكن مع الرابد ما تحسش انك نزلت اوى

انا اصلا كنت بسمع ان ال a4 احسن سكودا فى الثبات وثباتها كان مرضى جدا بالنسبة ليا .. ومش عارف ليه عندى احساس ان الرابيد مش فئة اقل ولا حاجة .. الاوكتافيا هى اللى استهبلت فى الاسعار بعد الموتور التربو بتاعهم على الرغم من مشاكل الفتيس ال dsg ودة رفع سوق المستعمل كمان .. لكن الرابيد شايف انها التطور الطبيعى للفئة السعرية بتاعة اوكتافيا
ومن ضمن الحاجات الغريبة فى سكودا دلوقتى ان هم نزلوا الاوكتافيا بالموتور ال 1600 ونزلوا سعرها وقربوه للرابيد وكأنهم بيقولوا للناس متشتروش رابيد .. لكن ال a7 لسة غالية بالنسبة ليا برضه


كنت قريت قبل كدة تقرير وانطباع عن اداء الرابيد من واحد نازل من فانتازيا ممكن تدور وتقراه ممكن يوصلك هيبقى احساسها ايه ، وممكن تحاول وتعمل اللى عليك وتقول للتوكيل عايز اعمل تست درايف ^_^

قريتوا للاسف وهو اللى خلانى اقرا و ادور فى الموضوع خصوصا ان اللى هيشترى رابيد مش هيدفع رقم قليل .. ممكن تجيب الشارك اقل ب 20 الف جنيه وكمان الاقى حد بيقولى الشارك احسن
وهو فى التقرير كان بيفضل نشترى فانتازيا مستعملة .. وانا مش حابب فكرة المستعمل
التست درايف ماظنش انى هقدر اطلع بيها عالطريق واجيب 160 و ال 180

بس صحيح انت متأكد ان الوزن متقارب بين الاوكتافيا والرابيد ؟
والابعاد ؟ اعتقد الرابيد هتبقى اكنز بفرق معقول
والارتفاع ؟ حتى لو فرق 2 سم الحاجات دى بتتجمع مع بعض وبتعمل الفرق


بالنسبة للابعاد الفرق فى الوزن حوالى 100 كيلو لصالح الاوكتافيا والابعاد فروق بسيطة ولكن الرابيد بتتميز بالمسافة بين العجلتين اوسع من ال a4

المهم عشان الحيرة اللى انت فيها مش دايما تبص لاوروبى وكوري ويابانى في المقارنة لما تكون فئات مختلفة
لان وانا مغمض كدة هقولك اه الكروز والشارك هيبقوا اثبت واتقل على الطريق من الرابيد

معلش مفهمتش النقطة دى .. قصد حضرتك ان الشارك والكروز فئة اعلى من الرابيد ؟؟ .. ازاى اذا كانت الرابيد أغلى منهم .. يمكن انا كمستهلك تقسيمتى بتكون على اساس الفئة السعرية .. لكن فى الاخر هل فعلا الشارك والكروز أكيد أحسن من الرابيد فى الثبات ؟؟
امال ايه سبب ارتفاع السعر دة .. علامة سكودا بس ؟؟ .. ما المصريين بيحبوا اللانسر اكتر من ولادهم تقريبا :d

أخر حاجة متشكر جدا على المشاركة وكلنا نستفيد فى موضوع الثبات على الطرق

[fancy]

من الاخر هحس بفرق بين ثبات الa4 والرابيد ؟

[engherc]

رأي المتواضع ان الرابيد متفرقش كتير و احتمال تكون متفرقش خالص عن ال a4 غير انها موتور و فتيس احدث شوية و انا بتكلم من ناحية الأداء طبعا هي تفرق فعلا عن الفانتازيا لان اصلا فيه فارق واضح و كبير بين الفانتازيا و a4 من ناحية الفخامة و الخامات و الاوبشنز الاكتر و طبعا طبعا و كمان طبعا الثبات و التقل على الطريق فارق واضح جداً و ان كان ده جه نقطة في صالح ال a4 في إحساسك بقوة الموتور و سرعة قصوى زي ما قلت بتجيب ال ٢٠٠ عادي جداً ان كنت بتعاني شوية عشان تجيبها في الفانتازيا انا رأي سيادتك تعملها تست دريف هتحس فيها جامد بروح ال a4 مع فتيس و موتور أقوى وعامة منصحكش بموضوع الكروز و ده بسبب انه يعتبر الوكيل الأسوأ في مصر و عن تجربة و بالنسبة للشارك يعيبها نقص و غلاء قطع الغيار ان وجدت

[fancy]

رأي المتواضع ان الرابيد متفرقش كتير و احتمال تكون متفرقش خالص عن ال a4 غير انها موتور و فتيس احدث شوية و انا بتكلم من ناحية الأداء طبعا هي تفرق فعلا عن الفانتازيا لان اصلا فيه فارق واضح و كبير بين الفانتازيا و a4 من ناحية الفخامة و الخامات و الاوبشنز الاكتر و طبعا طبعا و كمان طبعا الثبات و التقل على الطريق فارق واضح جداً و ان كان ده جه نقطة في صالح ال a4 في إحساسك بقوة الموتور و سرعة قصوى زي ما قلت بتجيب ال ٢٠٠ عادي جداً ان كنت بتعاني شوية عشان تجيبها في الفانتازيا انا رأي سيادتك تعملها تست دريف هتحس فيها جامد بروح ال a4 مع فتيس و موتور أقوى وعامة منصحكش بموضوع الكروز و ده بسبب انه يعتبر الوكيل الأسوأ في مصر و عن تجربة و بالنسبة للشارك يعيبها نقص و غلاء قطع الغيار ان وجدت

متشكر جدا لرأى حضرتك .. واللى أنا شايفه منطقى فعلا .. أنا هتوكل على الله فى الرابيد انشاء الله بعد بحث كتير وزهق من كتر البحث .. أنا بعدت عن المستعمل بسبب قصة البحث دى بس واضح ان الواحد لازم يتعب فى اى حال :d

[omaranes77]

عوامل الثبات كتيير بس الصراحة انا شايف a4 اشيك من الرابيد ودي ميالة اذواق
تقريبا العربية اخف
وقاعدة عجلات a4 اكبر تقريبا

[fancy]

عوامل الثبات كتيير بس الصراحة انا شايف a4 اشيك من الرابيد ودي ميالة اذواق
تقريبا العربية اخف
وقاعدة عجلات a4 اكبر تقريبا

شكرا على المشاركة .. هى اذواق فعلا بس الرابيد شكل جديد على الاقل .. وقاعدة عجلات الرابيد اكبر من الa4 وال a5 .. هى بتتميز فى النقطة دى اصلا

[omaranes77]

شكرا على المشاركة .. هى اذواق فعلا بس الرابيد شكل جديد على الاقل .. وقاعدة عجلات الرابيد اكبر من الa4 وال a5 .. هى بتتميز فى النقطة دى اصلا

طب الوزن
وازاي العربية مش ثابتة دي نفس a4

[omaranes77]

الاوكتافيا اتقل منها
حاجة محيرة فعلا

[fancy]

طب الوزن
وازاي العربية مش ثابتة دي نفس a4

أنا نفسى حد يعمل تقرير عن الرابيد بس من غير مقارنة مع الفانتازيا .. يقارنها مع الa4 أو ال a5 ..

دة الa7 فى ناس بتشتكى من ثباتها برضه بالمقارنة بالفانتازيا ..

هى الفانتازيا صحيح عربية فلتة فى موضوع الثبات دة .. بس كان فيها مشاكل تانية فى المقابل .. كانت تقيلة على الموتور ال1600 والفتيس التيبترونك وكان فيهم مشاكل بسبب تقلها فعلا .. الفانتازيا لازم عليها الموتور ال1400 والفتيس ال dsg بس حد يعرف يحافظ عليه

ارجو حد يقيم الرابيد بالمقارنة بشبيهاتها القديمة او فئتها الحديثة

[ashouhdy]

هات التوليدو اقيم وافضل

[fancy]

هات التوليدو اقيم وافضل

رحت اتفرجت عليها فعلا .. وهى نازل عليها عرض فى رمضان .. بس لقيت الفئة التانية فى التوليدو ناقصة حاجات كتير موجودة فى الرابيد زى البلوتوث والكمبيوتر بتاعها زى اللى فى الرابيد بازلاين .. الهاىلاين فى التوليدو حلوة بس اغلى طبعا من الفئة التانية اللى يادوب معايا فلوسها
وكمان فكرت فى سعر اعادة البيع لاقيت سكودا فى مصر احسن

[fancy]

وتوكيل سكودا كمان احسن من سيات

[Adnfalcon]

مش عارف أحب الرابيد مش عارف ليه . حاسس انها غاليه بالنسبه لإمكانياتها . الشارك تستاهل فلوسها و ثباتها مضمون