استفسار سريع -- ارجو الرد بسرعة

[Mohamed Bander]

انا روحت غيرت الزيت امبارح ،، بصيت فى الكتالوج كاتبين بتاخد 4.5 و جركن الزيت التوتال 4 لتر ،، حطيت الجركن بعد ما شفط الزيت و غير الفلتر و شفت المقاس لقيته اعلى من النقطة اللى من فوق ،، الراجل قالى عادى علشان الفلتر لسه متملاش ،، زود ربع كيلو شل على الزيت،، النهاردة ببص على المقاس لقته اعلى بكتير من اعلامة اللى فوق،، ممكن تقولولى ايه الموضوع ده و اعمل ايه؟

[Adnfalcon]

الجهاز اللي شفط الزيت فيه مدرج كدا بيقيس الكميه اللي اتسحبت
خدت بالك من الرقم ؟

[midoabokhadra]

اولا تغيير الزيت بالشفط دة مبحبوش لانه مش بيسحب كل الزيت فك الطبة احسن
ثانيا هي بتاخد 4 فقط بدون الفلتر وبتاخد 4 ونص لو بتغير الفلتر
وكون انه ازيد من العلامة دة غلط جدا

[Mohamed Bander]

الجهاز اللي شفط الزيت فيه مدرج كدا بيقيس الكميه اللي اتسحبت
خدت بالك من الرقم ؟

ايوة تقريبا 4 و اكتر شوية

[Mohamed Bander]

اولا تغيير الزيت بالشفط دة مبحبوش لانه مش بيسحب كل الزيت فك الطبة احسن
ثانيا هي بتاخد 4 فقط بدون الفلتر وبتاخد 4 ونص لو بتغير الفلتر
وكون انه ازيد من العلامة دة غلط جدا

المشكلة فى المصفحة تقريبا لازم تتفك و انا قلقت من فك الطبة ده
انا غيرت الفلتر و حطيت الجركن كله و شوية صغيرين زياده تقريبا اقل من ربع ،، يعنى المفروض مظبوط،، المشكلة فين بقى؟

[mohamedbook]

شيل المصفحة امر عادي جدا جدا يعني الموضوع مش مستاهل مسامير هتشلها وهترجعها من مكنها تاني
انا مش بستريح من موضوع الشفط اعتقد انه مش بيشيل كل كمية الزيت
ممكن تسحب الزيادة من البنزينة يشفطلك منها شوية وبعدين تاني يوم الصبح تشوف مقاس الزيت لو لقيتة تمام خلاص لقيتة اقل زوده سنة سنة لحد متيجي لحد العلامة لو حابب تخلي المقاس علي الشعره زي ما بيقولوا

[Adnfalcon]

المشكلة فى المصفحة تقريبا لازم تتفك و انا قلقت من فك الطبة ده
انا غيرت الفلتر و حطيت الجركن كله و شوية صغيرين زياده تقريبا اقل من ربع ،، يعنى المفروض مظبوط،، المشكلة فين بقى؟

عربيتي a5 بتاخد جركن كامل 4 لتر و شويه زيت بس أقل من لتر عشان الفلتر بس تقريبا الكميه دي أقل من نص لتر وانت حطيت نص لتر و هي دي المشكله
المفروض اصلا اللي غيرلك الزيت يقيس بعد التغيير ولما يلاقيه زياده يشفط شويه لحد مايظبط

[Adnfalcon]

اولا تغيير الزيت بالشفط دة مبحبوش لانه مش بيسحب كل الزيت فك الطبة احسن
ثانيا هي بتاخد 4 فقط بدون الفلتر وبتاخد 4 ونص لو بتغير الفلتر
وكون انه ازيد من العلامة دة غلط جدا

معظم دول اوروبا حاليا بتستخدم جهاز الشفط زي ألمانيا و فعلا بيسحب كل الزيت وعن تجربه لأن الجهاز مرقم وبشوف بعيني كميه الزيت اللي اتسحبت

[Mohamed Bander]

عربيتي a5 بتاخد جركن كامل 4 لتر و شويه زيت بس أقل من لتر عشان الفلتر بس تقريبا الكميه دي أقل من نص لتر وانت حطيت نص لتر و هي دي المشكله
المفروض اصلا اللي غيرلك الزيت يقيس بعد التغيير ولما يلاقيه زياده يشفط شويه لحد مايظبط

فعلا هو ده بالضبط اللى حصل معايا ،، الجركن + كوباية صغيرة متحصلش ربع لتر ،، مش عارف بقى،، و الجهاز بين اكتر من 4 لتر و شوية اتسحبوا،، مش عارف بقى فيه ايه.

انا اللى شايفة على المقاس ان فيه يت متنتور فوق العلامة ،، مش كده زيادة ولا بيتهيالى؟؟

طول عمرى بمشى مع التوكيلو بريح نفسى من الصداع ده بس المشكلة اني بعيد عنه علشان كدة اضطريت اغير الزيت :(

[Mohamed Bander]

شيل المصفحة امر عادي جدا جدا يعني الموضوع مش مستاهل مسامير هتشلها وهترجعها من مكنها تاني
انا مش بستريح من موضوع الشفط اعتقد انه مش بيشيل كل كمية الزيت
ممكن تسحب الزيادة من البنزينة يشفطلك منها شوية وبعدين تاني يوم الصبح تشوف مقاس الزيت لو لقيتة تمام خلاص لقيتة اقل زوده سنة سنة لحد متيجي لحد العلامة لو حابب تخلي المقاس علي الشعره زي ما بيقولوا

معرفش ليه كنت قلقلن اصلى مبحبش الفك و التركيب برة التوكيل بس مضطر لموضوع غيار الزيت المرة دى

[Adnfalcon]

فعلا هو ده بالضبط اللى حصل معايا ،، الجركن + كوباية صغيرة متحصلش ربع لتر ،، مش عارف بقى،، و الجهاز بين اكتر من 4 لتر و شوية اتسحبوا،، مش عارف بقى فيه ايه.

انا اللى شايفة على المقاس ان فيه يت متنتور فوق العلامة ،، مش كده زيادة ولا بيتهيالى؟؟

طول عمرى بمشى مع التوكيلو بريح نفسى من الصداع ده بس المشكلة اني بعيد عنه علشان كدة اضطريت اغير الزيت :(

عايزك تسيب العربيه بالليل وتقيس مستوي الزيت لو لسه عالي تروح تسحب الشويه الزياده

[Mohamed Bander]

الحمد لله سبت العربية و تاني يوم قسته لاقتيه مظبوط ،، شكرًا لكل اللي ساعد و رد