سكوداa7

[sa3eed sa196]

السلام عليكم ورحمة الله
دى اول مشاركة ليا فى المنتدى انا مقبل على شراء سكوداa7 وعايز اعرف رأيكم فيها وانا سمعت أن نظام التعليق أقل من الفانتازيا فياريت اهل الخبرة يفيدونى فى ثباتها ومتانة السيارة والاعتماديةورايكم التوكل على الله وﻻ اشوف حاجة تانية وايه البديل فى نفس السعر

[ahmed sa3ed]

العربيه ممتازة توكل على الله
خامات وشكل ووسع
نظام التعليق تورشين بيم الفانتازيا مالتى لينك انا حاسس ان مفيش فرق بين الاتنين بس عموما نظام الفرق بين التعليقين دول بيفرق اوى فى غرز على سرعات عاليه انما العربيه جبت بيها 180 وثباتها كان كويس

[Moratoz]

والله أنا في نفس خيرتك بالظبط ولكن اقدر أقول انها فعلا اقل في الفنتازيا مت حيث الثبات وراجت العفشه ولكن ليس الفارق الواضح جداً للشخص ئل مركبه فانتازيا
وبالنسبة للعزل اعتقد انه مرضي جداً في ال a7
وممكن حضرتك تبص علي اللينك دا http://www.nilemotors.net/Nile/434456-a7.html
وعلي فكره أنا كنت بقرأتها بالفلوانس الهاي لاين شايف انها عربيه محترمه مقابل سعرها المتناسب جداً مع ال اوبشنز الموجود فيها مقابل السعر المرتفع نسبيا للأوكتافيا

[sa3eed sa196]

أوﻻ اشكركم على الرد طيب ولو مش هتقل عليكم العربية ناعمة فى المشى وﻻ ناشفة وهل الفئة الثانية فيها مثبت سرعة ومرايات ضم وكاسيت تاتش وجنوط 16 وآخر حاجة أجيب خليجى وﻻ ارتوك اوتو

[ahmed sa3ed]

العربيه ناعمه صوت الموتور هادى العزل كويس فى المطبات النشوفيه الطبيعيه بتاعت الالمانى قعدتها مريحه جدا

فى صوت ورا بسيط جداااااا يدوب يتحس

التيل وانتا بتركن بيعمل دوشه

[Hoszahran]

الفئة الثانية فيها مثبت سرعه ومرايات ضم وكاسيت تاتش عريض و طاره مالتي و حساسات خلفيه و ليد خلفى و جنوط 16

العربية ناعمه و حلوة قوى فى المشى عيبها الوحيد فيه صوت رزع فى المطبات من ورا .....

أوﻻ اشكركم على الرد طيب ولو مش هتقل عليكم العربية ناعمة فى المشى وﻻ ناشفة وهل الفئة الثانية فيها مثبت سرعة ومرايات ضم وكاسيت تاتش وجنوط 16 وآخر حاجة أجيب خليجى وﻻ ارتوك اوتو

[طارق _عبد السلام]

فرق العفشه مش هيكون ملحوظ الا لو حضرتك كنت راكب حاجه مالتى لينك قبل كده

العفشه تورشن لكن العربيه فيها esp وده مش موجود فى الفانتازيا

المتانه والاعتماديه يكفى سمعه اوكتافيا فى الموضوع ده ..

الخليجى مواتيره 1400 مع الفتيس الرائع صاحب السمعه المقلقه

توكل على الله ومنتظرين منك اول تقرير مصور لعربيتك ان شاء الله

[M7amD_7amDy]

فرق العفشه مش هيكون ملحوظ الا لو حضرتك كنت راكب حاجه مالتى لينك قبل كده

العفشه تورشن لكن العربيه فيها esp وده مش موجود فى الفانتازيا

المتانه والاعتماديه يكفى سمعه اوكتافيا فى الموضوع ده ..

الخليجى مواتيره 1400 مع الفتيس الرائع صاحب السمعه المقلقه

توكل على الله ومنتظرين منك اول تقرير مصور لعربيتك ان شاء الله

سؤال لو تكرمت يا أستاذ طارق

هى الفانتازيا بجميع اصداراتها سواء وكيل أو خليجى مفيهاش esp ؟؟

[طارق _عبد السلام]

سؤال لو تكرمت يا أستاذ طارق

هى الفانتازيا بجميع اصداراتها سواء وكيل أو خليجى مفيهاش esp ؟؟

لا مشفتش عربيه فى مصر فيها esp ممكن فى الاوروبى مش الخليجى او الوكيل

بس بصراحه وعن تجربه وعلى سرعات كبيره اعمل اللى انت عايزه بالفانتازيا ثبات خراااااااااااااافى مع فرامل بترجع العربيه لورا :)

بتديك احساس بعدم الخوف من السرعات والمناوره .. ودى اكبر شهاده لثباتها ..احساسك انت مع العربيه

[طارق _عبد السلام]

العربيه فيها asr وهو جزء من نظام الثبات الالكترونى لكن استخدامه الاكبر فى المناطق الجليديه
لكنه جزءمن esp نظام الثبات الالكترونى الكامل

كان معايا ايه فايف مكتوب على زرار اسفل التكييف esp .. off

لكن كان مجرد زرار ولا يعمل .. علشان كده قلت لك ممكن فى الاوروبى