صوت في السلانسيه Octavia A7 1600

[tamersalah]

السلام عليكم يا شباب

عندي استفسار بسيط

بعد ما أدور العربية بسمع صوت ونه بسيطة مستمرة (زي ما تكون من سير التقسيمة أو سير الدينامو)

دي حاجة طبيعية وألا لا. العربية لسه عاملة 1700 كيلو ففاضل شوية على أول صيانة في 5000

أستنى عادي والصوت ده هيتظبط في الصيانة وألا أروح من دلوقتي

[EngAhmedSayed]

السﻻم عليكم
حضرتك مدام العربية فى الضمان ليه تستنى صيانة 5000
و صوت الونة دة لية اسباب كتيرة ﻻنى سير المجموعة معدى على كذا طنبورة او بلبدى كدة معدى على كذا بلية

و ان شاء الله خير

ربك المستعان

[tamersalah]

أولا شكرا على سرعة الرد

وربنا يجازيك خير

يبقى على بركة الله نشد الرحال علىهم إن شاء الله

بس هي حاجة ما تقلقش إن شاء الله مش كده

[ahmed sa3ed]

لو قصدك علي الصوت معا بدايه التشغيل وبيعد ثانيه فا دا عندي
ولو انا مدور وواقف وقافل الشباك في صوت من ناحيه السيور

بس مش حاطط في بالي العربيه في التليين وهتسمع اصوات كتير

وبرضوا روح التوكيل واتاكد انو طبيعي

[dj_bex]

الصوت ده طبيعي جداا و موجود عندي برده

[Hoszahran]

انا معنديش الصوت ده و الافضل انك تروح التوكيل ليه تستنى

تحياتى

السلام عليكم يا شباب

عندي استفسار بسيط

بعد ما أدور العربية بسمع صوت ونه بسيطة مستمرة (زي ما تكون من سير التقسيمة أو سير الدينامو)

دي حاجة طبيعية وألا لا. العربية لسه عاملة 1700 كيلو ففاضل شوية على أول صيانة في 5000

أستنى عادي والصوت ده هيتظبط في الصيانة وألا أروح من دلوقتي

[tamersalah]

ربنا يخليكوا على العموم هحاول أروح على يوم السبت بالكتير وهأقولكم على النتيجة

[tamersalah]

إمبارح روحت فرع صيانة نور الدين وده اللي تم

1. بعد إنتظار 3 ساعات علشان أدخل بس على الكوريك والعمال بدئت البريك بدأ الفني يربط العفشة على أساس إن الصوت ممكن يكون من القواعد.

2. أفتى فني تاني بضرورة عكس العجل ونخلي الضغط على 28 لما قلتله متحطش هوا علشان فيه نيتروجين قالي خلاص يبقى تقول للمهندس إنك هتعمل ده بنفسك بعدين على إعتبار إنه كده حل المشكلة وبعد لما شرحتله إن الصوت في السيلانسيه والعربية واقفة بعت جاب المهندس تاني والفورمان بتاع الفنيين

3. البيه الفورمان حط بودرة تلك على السير ونفخه فحظه الوحش إن الصوت اتكتم شوية بص ظهر صوت صفارة بسيييييطة

4. آخر الكلام علشان مطولش عليكم إن الاحتمالات كالآتي: 1. سير 2. شداد 3. طرمبة مياه

لما كلمت الميكانيكي بتاعي وروحتله قالي إن فيه بلي فيه خشانة بسيطة في جزء منها وعلشان كده بتعمل صوت نحرة متقطعة أو ممكن يكون كلاتش تكييف بس نصحني أستنى شوية علشان الصوت يظهر شهر والا حاجة

إيه رأيكم وهل أسافر بيها القاهرة عادي والا إيه

[mohameddawoud]

إمبارح روحت فرع صيانة نور الدين وده اللي تم

1. بعد إنتظار 3 ساعات علشان أدخل بس على الكوريك والعمال بدئت البريك بدأ الفني يربط العفشة على أساس إن الصوت ممكن يكون من القواعد.

2. أفتى فني تاني بضرورة عكس العجل ونخلي الضغط على 28 لما قلتله متحطش هوا علشان فيه نيتروجين قالي خلاص يبقى تقول للمهندس إنك هتعمل ده بنفسك بعدين على إعتبار إنه كده حل المشكلة وبعد لما شرحتله إن الصوت في السيلانسيه والعربية واقفة بعت جاب المهندس تاني والفورمان بتاع الفنيين

3. البيه الفورمان حط بودرة تلك على السير ونفخه فحظه الوحش إن الصوت اتكتم شوية بص ظهر صوت صفارة بسيييييطة

4. آخر الكلام علشان مطولش عليكم إن الاحتمالات كالآتي: 1. سير 2. شداد 3. طرمبة مياه

لما كلمت الميكانيكي بتاعي وروحتله قالي إن فيه بلي فيه خشانة بسيطة في جزء منها وعلشان كده بتعمل صوت نحرة متقطعة أو ممكن يكون كلاتش تكييف بس نصحني أستنى شوية علشان الصوت يظهر شهر والا حاجة

إيه رأيكم وهل أسافر بيها القاهرة عادي والا إيه

استني شويه وسافر ومتقلقش
المهم العربيه عامله معاك ايه انا ناوي ان شاء الله الاسبوع الجاي وجايبها منين وبكام واتشجع ولا ﻷ

[mo7a_mo7a]

حضرتك الصوت ده اما كلاتش المروحة او كلاتش التكييف

ومش حيظهر معاك الا في الحر فقط

تتاكد ازاي؟

دور وبعد دقيقة شغل التكييف لو راح الصوت يبقي كلاتش التكييف
وفي الحالة دي متعملش اي حاجة ده بيبقي نتيجة ان الخلوص بتاع الكلاتش لسة ضيق حيروح مع الوقت

لو مش هو خلي العربية مبطلة وباردة وافتح الكبوت وحاول توصل للمروحة وتلفها حتلاقيها تقيلة شوية متقلقش ده طبيعي وحاول تسمع كويس لو لقيت الصوت لس ضعيف جدا جدا يبقي منها وبردو ممكن يروح مع الوقت لكن مش مضمون انه يختفي عكس كلتش التكييف

جرب وشوف النتيجة

[tamersalah]

حضرتك الصوت ده اما كلاتش المروحة او كلاتش التكييف

ومش حيظهر معاك الا في الحر فقط

تتاكد ازاي؟

دور وبعد دقيقة شغل التكييف لو راح الصوت يبقي كلاتش التكييف
وفي الحالة دي متعملش اي حاجة ده بيبقي نتيجة ان الخلوص بتاع الكلاتش لسة ضيق حيروح مع الوقت

لو مش هو خلي العربية مبطلة وباردة وافتح الكبوت وحاول توصل للمروحة وتلفها حتلاقيها تقيلة شوية متقلقش ده طبيعي وحاول تسمع كويس لو لقيت الصوت لس ضعيف جدا جدا يبقي منها وبردو ممكن يروح مع الوقت لكن مش مضمون انه يختفي عكس كلتش التكييف

جرب وشوف النتيجة

تسلم يا باشا

بص أنا جربت حكاية أدور وبعدين أشغل التكييف وفتحت الكبوت الصوت إختفى بس الصوت كان موجود قبل وبعد ما شغلت التكييف. لو كده كلاتش تكييف ممكن بس تشرحلي إيه علاقته بالصوت. وبالنسبة لموضوع المروحة الصوت بيظهر قبل ما المروحة تشتغل يبقى برضه إيه علاقته

ربنا يكرمك ويخليك لينا :)

[tamersalah]

استني شويه وسافر ومتقلقش
المهم العربيه عامله معاك ايه انا ناوي ان شاء الله الاسبوع الجاي وجايبها منين وبكام واتشجع ولا ﻷ

توكل على الله العربية جميلة ما شاء الله أنا جبتها أول دفعة بـ 190 معرفش سعرها وصل كام دلوقتي إنت تقولنا بقى

[mo7a_mo7a]

كلاتش التكييف عامل زي دبرياج العربية او تقدر تقول اسطوانتين
الاولي مربوطة بسير التكييف والتانية بالكمبروسر وفي خلوص بسيط بينهم
الاولي بتلف مع الموتور والتانية حرة
اول ما تشغل التكييف تعشق الاتنين فيلفوا مع بعض

لو الخلوص ده اقل من اللازم الاسطوانتين يحكوا في بعض بسيط ويظهر الصوت

لكن عند تشغيل التكييف بيكون في وضع التعشيق فيختفي الصوت


لو هو ده العيب متقلقش ومترحش في اي حتة لانهم مش حيعرفوا يعملوها في التوكيل
ومع الوقت الخلوص بيزيد والصوت حيروح

[tamersalah]

كلاتش التكييف عامل زي دبرياج العربية او تقدر تقول اسطوانتين
الاولي مربوطة بسير التكييف والتانية بالكمبروسر وفي خلوص بسيط بينهم
الاولي بتلف مع الموتور والتانية حرة
اول ما تشغل التكييف تعشق الاتنين فيلفوا مع بعض

لو الخلوص ده اقل من اللازم الاسطوانتين يحكوا في بعض بسيط ويظهر الصوت

لكن عند تشغيل التكييف بيكون في وضع التعشيق فيختفي الصوت


لو هو ده العيب متقلقش ومترحش في اي حتة لانهم مش حيعرفوا يعملوها في التوكيل
ومع الوقت الخلوص بيزيد والصوت حيروح

ألف شكر يا جميل على الشرح الوافي طمنتيني
بسسسسس
للأسف الصوت طلع معايا وأنا مشغل التكييف وأنا راجع من الشغل
أعمل إيه دلوقتي... على العموم هجرب الصبح قبل ما أطلع ألف المروحة زي ما قلت وهأديك تمام

[tamersalah]

يا شباب هل من مجيب