اوكتافيا a7 استشاره

[atef_5005]

انا كان معايا فانتزيا 2010 من الزيرو خليجي جميع الكماليات معادا فتحه سقف كان وقتها بنفس سعر اول فئه وكيل ب 170 الف
بعتها السنه اللي فاتت لظروف ماديه و جبت سيفيك 2008 بس مش مرتاح معاها المهم ربنا كرمني و قولت ارجع بقي للوحش الاماني الاوكتافيا a7
خصوصا بعد ما الماتور بقي 1600 و الفتيس العادي اللي متعود عليه و سعر اول فئه كان مناسب معايا روحت عند المصريه اتفرج بصراحه اتصدمت
دول تقريبا مقلعيين العربيه من الاوبشنز غير كده الطاره مش عجباني خالص خامتها مش عارف بلاستك ولا ايه و مفيش مالتي فنكشن و مفيش فتحات تكييف ورا الفانتازيا كان فيها تاره جلد محترمه بالمالتي فنكشن و كمان كاسيت بوليرو تاتش و جنط 16 و سنسور بارك و فرش جلد
بس فعلا اكتر حاجه مضياقني في ال a7 هو الطاره و الكاسيت و سعرها 190 الف فمش عارف اعمل ايه استني يمكن تنزل خليجي و لا اصرف نظر و اشوف حاجه تانيه
بس فعلا اللي يركب الماني ميعرفش يركب حاجه تانيه

[Abo.Moazz]

لسبب بسيط جداً
السعر اللى إنت بتتكلم فيه ده سعر أقل فئة... معاك لححححححححد 262 ألف جنيه
لو رينج السعر معاك ميعديش ال 200 ألف يبقى لازم تدور على خيارات تانية علشان تعرف تركب صح
أنا عندى مبدأ .. يا إما أركب أعلى فئة يابلاش
عندك الأوبل إسترا ... ألمانى
بيجو 2008 ... فرنساوى
سيتروين C4 ... فرنساوى
رينو فلوينس ... فرنساوى
سوبارو xv أو إمبريزا ... يابانى
أعتقد إن العربيات دى من أكتر العربيات المحترمة واللى ممكن تنسيك السكودا

[omaranes77]

انا معاك اواال فئة فاضية بس تاني فئة فيها اوبشن كويس اويي شوف كدة ظروف حضرتك.

[Moratoz]

الخليجي بتبقي ١٤٠٠ وفتيس dsg
حاول توصل للفئة الثانيه في الأوكتافيا مناسبه الي حد ما . ولو الظروف المادية لم تسمح ممكن تبص علي الفلوانس الفئه الثالثه فتحه سقف ب ١٧٨ الف فيها عوامل الامان ورفاهيته الاوربي

[M7amD_7amDy]

انا شوفتها فى معرض الفئة الأولى

الصراحة يعنى متتركبش

فاضية من كلللله وشكلها عره بالمرايات والمقابض السودة دى وكمان طاسات حاجة تقرف يعنى

ومن جوه بقه حدث ولا حرج مفيش أعفن من كده :)

مش عارف منزلنها ليه كده

سؤال بقه ياجماعة بعد إذنكوا وإذن صاحب الموضوع

هى الخليجى منها فئاتها ايه؟؟ ومواصفاتها ايه وبكام؟؟

وكنت قريت هنا قبل كده ان الخليجى بتنزل بعفشة مالتى لينك مش تورشن بيم زى الوكيل

الكلام ده مظبوط ولا كله تورشن بيم؟؟

[Adnfalcon]

ال 190 ألف تجيب c180 حاله نضيفه !

[atef_5005]

لسبب بسيط جداً
السعر اللى إنت بتتكلم فيه ده سعر أقل فئة... معاك لححححححححد 262 ألف جنيه
لو رينج السعر معاك ميعديش ال 200 ألف يبقى لازم تدور على خيارات تانية علشان تعرف تركب صح
أنا عندى مبدأ .. يا إما أركب أعلى فئة يابلاش
عندك الأوبل إسترا ... ألمانى
بيجو 2008 ... فرنساوى
سيتروين c4 ... فرنساوى
رينو فلوينس ... فرنساوى
سوبارو xv أو إمبريزا ... يابانى
أعتقد إن العربيات دى من أكتر العربيات المحترمة واللى ممكن تنسيك السكودا

متفق معاك بس مع بعد ما ركبت الهوندا بعد الاوكتافيا غيرت مبدئي اني يا اركب الماني يا بلاش

[atef_5005]

انا معاك اواال فئة فاضية بس تاني فئة فيها اوبشن كويس اويي شوف كدة ظروف حضرتك.

الفكره غير الاوبشنز جوده الخامات مش اد كده

انا كنت فاكرها اول فئه دي هتكون زي اول فئه فانتازيا يس شاتان الفارق

[atef_5005]

ال 190 ألف تجيب c180 حاله نضيفه !

بفكر فيها هي و ال 316

[Adnfalcon]

بفكر فيها هي و ال 316

ال 316 غالبا بتكون متبهدله لأنها بتاعت تخميس وشباب وحركات وعدادها ملعوب فيه
ال c180 اعلي وأفضل هنا ف مصر