عاوز رأي رجال المنتدى في سعر الـ a5 دي

[bougee]

لقيت عربية سكودا a5 بـ 137 الف ومواصفاتها كالتالي:

اوكتافيا A5 هاي لاين فبريكة من الاكصدام الي الاكصدام من المالك مباشرة وبدون توكيلات وجميع الصيانات بانتظام بمركز معتمد ../ فتحة سقف / 5 جنوط اسبور مقاس 16 / نور زنون اورجينال / فجات ولمبة شابورة خلفية / حساسات للركن والاضاءة / مرايات كهرباء / طارة مالتي متعددة الوظائف / بلوتوث والتحكم للرد من الطارة /كاسيت عريض / تكيف تتش امامي وخلفي / اثنين ثلاجة لحفظ المشروبات / كاسيت MP3 .. AUX / فرامل ومانع لانزلاق .ASR ..ABS .. EBD

************************************************** *************************
وعندي سؤالي كمان :
- السعر ده حلو عليها ولا غالي ؟

- هل الموديل ده موجود فيه إيموبليزر ( مانع السرقة ) ولا مش موجود فيه ؟

- وأيه الاجزاء إيلي ممكن تتغير في العربية بعد الكيلو متر ده ( هل الطنابير بتتغير عند الكيلو 80 الف مثلا .... الخ ) يعني في ثوابت لتغيير قطع الغيار زي الكاوتش مثلا ولا كل حاجه بظروفها ؟

************************************************** **************************

وشكرآ لنصيحة أي عضو يقولي هات زيرو أحسن ... لان الزيرو ( النسبة الأكبر منه ) مشاكل
ومافيش قدامي غير البحث في المستعمل النضيف ...

محتاج نصيحتكم ... أنا إستخرت الله وباخود بالأسباب وبسأل أهل الخبرة هنا ...
وإذا كانت حلوة ورأيكم إني أشتريها ؟ تنصحوني بأيه وأنا رايح أتفرج عليها وأعمل أيه ؟

[bougee]

في إنتظار الآراء من خبراء المنتدى

[ahmed sa3ed]

موديل سنه كام هى

[محمد المصرى]

اهم حاجة موديل سنة كام
ووكيل ولا خليجى بتفرق فى السعر
واتأكد من ووجود حساس الاضاءة

[bougee]

موديل سنه كام هى

أنا فعلا آسف إني نسيت أذكر إنها موديل سنة 2008

[bougee]

اهم حاجة موديل سنة كام
ووكيل ولا خليجى بتفرق فى السعر
واتأكد من ووجود حساس الاضاءة

هو الإعلان مش باين بصراحة إن كانت وكيل ولا خليجي

ومش واضح بردو موضوح حساس الإضاءة ( مع إني مش فاهم بتاع إيه ) لو ممكن توضحلي علشان أعرف بعد إذن حضرتك

[محمد المصرى]

اسأل لان سعر الخليج اقل من سعر الوكيل
ويوجد اختلاف فى الكماليات
حساس الاضاءة ده عند دخول نفق او جراج او زوال الشمس
تضاء الانوار اتوماتيكى

[bougee]

اسأل لان سعر الخليج اقل من سعر الوكيل
ويوجد اختلاف فى الكماليات
حساس الاضاءة ده عند دخول نفق او جراج او زوال الشمس
تضاء الانوار اتوماتيكى

تمام تمام

طيب أنا عاوز سعر إسترشادي علشان لما أكلم الناس في التليفون أبقى عارف بتفاوض في كام مثلا

يعني حضرتك لو وكيل تبقى في حدود كام ؟
ولو خليجي تبقى في حدود كام ؟
ولو مش فيها حساس مطر يبقى بردو في حدود كام ؟

وسؤال تاني مهم بصراحة ؟ هل موديل 2008 فيه ( مانع سرقة ) إيموبلايزر ؟ ولا مش موجود فيه

[Moratoz]

السعر دا اعتقد انه غالي نسبيا
ممكن لو فيه إمكانيه تزود شويه وتشوف فانتازيا اول فئه 2009 و 2010 ومش هتفرق كتير في الأوبشن غير فتحه السقف والجنوط .
كل فئات الأوكتافيا فيها ايموبلايزر

[Abo.Moazz]

السعر دا اعتقد انه غالي نسبيا
ممكن لو فيه إمكانيه تزود شويه وتشوف فانتازيا اول فئه 2009 و 2010 ومش هتفرق كتير في الأوبشن غير فتحه السقف والجنوط .
كل فئات الأوكتافيا فيها ايموبلايزر

كلام مظبوط .. غالى جداً كمان
أعتقد إن العربية متزدش عن 120000 والله أعلم

[Moratoz]

العداله 120 الي 125

[monamize4]

ال a5 عربية محترمة جدا و المواصفات اللى انت بتقول عليها ممتازة
مفهوم ان المستعمل كل شوية بيرفع سعر زى الزيرو بالظبط لكن سعرها غالى شوية
اكشف على العربية كويس و ياريت لو ف التوكيل خصوصا على الفتيس لان احيانا كتير
البودى فالف بيبوظ و دا سعره غالى شوية

العربية فيها ايموبليزر و تقدر تتاكد بانك تلاقى علامته ف التابلوه لما تفتح الكونتاكت
او ان تلاقى دايرة نحاس حوالين جزء الكونتاكت اللى بتدخل فيه المفتاح

[Adnfalcon]

تعمل من 125- 130 الف لأنها هاي لاين بس اكشف عليها الأول

[طارق _عبد السلام]

المواصفات حلوه والكيلو متر حلو لو فواتير الصيانه تثبت كده

وموديل 2008 لو فبريكه فعلا لن تزيد عن 125 الف

والعربيه فيها ايمبولايزر ..لا وكمان ركب فيها الحرامى واقفل عليه بالريموت وقول له لو عرفت تدورها او تطلع منها من غير مايكسر الزجاج حلال عليه... العربيه تأمينها عالى جدا فى الموضوع ده

بخصوص صيانه 80 الف صيانه مش مكلفه خالص الصيانه الكبيره 60 الف

لو عرفت تخلص بالسعر ده مبروك عليك واحسنت الاختيار

[bougee]

كلام مظبوط .. غالى جداً كمان
أعتقد إن العربية متزدش عن 120000 والله أعلم

الف شكر ياكينج

العداله 120 الي 125

شكري العميق للرد الجميل

ال a5 عربية محترمة جدا و المواصفات اللى انت بتقول عليها ممتازة
مفهوم ان المستعمل كل شوية بيرفع سعر زى الزيرو بالظبط لكن سعرها غالى شوية
اكشف على العربية كويس و ياريت لو ف التوكيل خصوصا على الفتيس لان احيانا كتير
البودى فالف بيبوظ و دا سعره غالى شوية

العربية فيها ايموبليزر و تقدر تتاكد بانك تلاقى علامته ف التابلوه لما تفتح الكونتاكت
او ان تلاقى دايرة نحاس حوالين جزء الكونتاكت اللى بتدخل فيه المفتاح

شكرآ على المعلومة القيمة وربنا يسهل وأكيد إذا حصل إتفاق حعمل كده

تعمل من 125- 130 الف لأنها هاي لاين بس اكشف عليها الأول

مليون شكر على الرأي الغالي

المواصفات حلوه والكيلو متر حلو لو فواتير الصيانه تثبت كده

وموديل 2008 لو فبريكه فعلا لن تزيد عن 125 الف

والعربيه فيها ايمبولايزر ..لا وكمان ركب فيها الحرامى واقفل عليه بالريموت وقول له لو عرفت تدورها او تطلع منها من غير مايكسر الزجاج حلال عليه... العربيه تأمينها عالى جدا فى الموضوع ده

بخصوص صيانه 80 الف صيانه مش مكلفه خالص الصيانه الكبيره 60 الف

لو عرفت تخلص بالسعر ده مبروك عليك واحسنت الاختيار

بصراحة ربنا يبارك في حضرتك وفي كل عضو محترم أوووووي رد عليا ولم يبخل بالمعلومه
إذآ هو المتفق عليه بالأغلبية أن العربية كبيرها 125 الف ولما تعلى أووووي تبقى 130 ألف ولازم أكشف في التوكيل ....

مليوووووووووووووووووووووووووووووون شكر وإن شاء الله أتصل دلوقتي بالناس وأكيد حطمنكم أيه إيلي حصل بإذن الله