مشكله فى فتيس فانتازيا 2010

[MohamedGobran]

السلام عليكم

دلوقتى انهارده انا كنت ماشى على طريق اسكندريه الصحراوى عادى لكن كان كل ما اعدى ال 140 الاقى الحراره طلعت فوق ال 90 شرطه او 2 و تنزل تانى و بعدين عند ماستر كده كنت ماشى 130 و العربيه جايبه السادس عادى و فجأه لاقيت ال rpm راح نازل كانى جبت العربيه على ال n و بعدين ادوس ينزين مفيش حاجه خالص فركنت و طفيت العربيه دقيقتين كده و دورت تانى اول ما اجيب الفتيس على ال r تحصل رزعه جامده و اجيبه على ال d مفيش رزعه و لما ارجع من d ل r مترزعش لكن من p ل r ترزع جيت اتحرك بيها لاقيتها بتجيب اول و تانى بس العربيه بتترج و بعدين تجيب التالت و تمشى عادى و اول ما ازود بنزين كأنها على n مفيش حاجه بتحصل و بعدين اقلبها مانيوال و احرك + و - مفيش حاجه بتحصل خالص فشيلتها على ونش ووديتها التوكيل فى العبور و سيبتها يشفوها الصبح
فانا الصراحه مقلق تتطلع مشكله كبيره فى الفتيس ولا حاجه مع العلم ان انا المالك الاول و العربيه عامله 118 الف كيلو و بعملها صيانه كل 7000 كيلو فى التوكيل و زيت الفتيس غيرته مرتين مره و هى عامله 50 الف كيلو و التانيه العربيه كانت عامله 102 الف كيلو و متغير فى التوكيل طبعا

[Adnfalcon]

مش عارف أقولك ايه بصراحه . . دي أعراض عطل body valve
ربنا يستر بس انت عملت اللي عليك ومش مهمل فتغيير الزيت ف معاده وفالتوكيل
ع العموم تابعنا هنا ومتعملش حاجه فالتوكيل غير لما تاخد رأي الخبراء هنا خوفا من جشع التوكيل
عايزك كمان تخليهم يشيكوا علي دوره المياه بالذات الشجره

[MohamedGobran]

هو طب انا المفروض اتصرف ازاى لو لقدر الله body valve لان انا مش هقدر اعد اشيل العربيه على ونش و الف بيها على الناس و برضو نفسى افهم ازاى يحصل كده و انا العربيه مغيرلعا زيت الفتيس فى معاده ... قدر الله و ماشاء فعل

[Mahmoud.hamedm]

مظبوط قدر الله وما شاء فعل
اقترح عليك تخلي التوكيل هو اللى يعملها عشان ده مشكلة فتيس وملهاش اى سبب ظاهرى بعد اهتمامك بالصيانه وتوقيتها.
على فكرة ايام وانا كنت شغال فى مرسيدس كان فى مشكلة الفتيس بتاعك على اد وصفك لها.
ياريت تتبعنا بالتحديث

[Moratoz]

الهبد والترزيع بيبقي أعراض بادي فلف ولكن ليس في ال r فقط وانما كمان في النقله الثالثه علي الاغلب سواء في النقل من الثاني او النزول من الرابع
وطبعا العربيه لازم تتحط علي الكمبيوتر لأن ممكن يبق في اي حاجه تانيه وممكن يبقي فيه مشكله في تبريد الفتيس
سؤال صغير العربيه بتهبد بعد مشاوير كتير في الحر والزحمه وإجهاد للفتيس ولا في بدايه التشغيل علي طول

[Adnfalcon]

لو فعلا ال body valve فيه مشكله هقولك حاجتين :
لو اتسد بس ممكن حد ينضفه بالبنزين فالحرفيين والتكلفه بسيطه جدا
بس لو السولونويد باظوا خالص هتجيب واحد استيراد و هتلاقي اسعار كتير 3500 و 4000 لحد 6000 جنيه
لكن فالتوكيل هتسمع رقم أكبر من دا بكتير
بردو خليك معانا لحد ما يتصلح الحال

[Adnfalcon]

الهبد والترزيع بيبقي أعراض بادي فلف ولكن ليس في ال r فقط وانما كمان في النقله الثالثه علي الاغلب سواء في النقل من الثاني او النزول من الرابع
وطبعا العربيه لازم تتحط علي الكمبيوتر لأن ممكن يبق في اي حاجه تانيه وممكن يبقي فيه مشكله في تبريد الفتيس
سؤال صغير العربيه بتهبد بعد مشاوير كتير في الحر والزحمه وإجهاد للفتيس ولا في بدايه التشغيل علي طول

فعلا أنا شاكك بردو ف تبريد الفتيس !!

[Mahmoud.hamedm]

على ما اتذكر من ايام عملى فى توكيل القاهرة الوطنية.... كان تغيير زيت الفتيس مع الفلتر كل 30 الف ولكن فى انواع فتيس يتم تغيير الزيت عند 60 الف وقليييل على 100 الف
ان شاء الله حنشترى سكودا وعشان كده انا مهتم اشوف اخبارها ايه مع ملاكها
من فضلك بم ان حضرتك مالك الاول للسيارة حاول تشوف فى الكتالوج نوع زيوت الفتيس الموصى بها وكمان كل اااد ايه. هل 30 ام 60 الف.
وعلى فكرة زى ما بيتم تغير زيت المحرك على 5000 بدل من 8000 او 10000 فى حالات الاعمال الشاقه heavy duty work برضه زيت الفتيس بيتم صيانته وتغييره قبل ميعاده .
ياريت لو عندك كتيب المواصفات تكتب كل كام الف يتم التغيير

[MohamedGobran]

العربيه عمرها ما رزعت ولا كان فيها هبده نهائى و الموضوع حصل انهارده فجأه كده و العربيه رزعت على ال r بس و انا بجيب من p ل r لكن بقيت النقلات كانت بتجيب اول و تانى و تالت من غير ترزيع لكن العربيه كانت بتترج و عند التالت ادوس بنزين مفيش اى حاجه بتحصل كأنك جايبها على ال N و بسمع زى صوت ونه كده تحت رجلى

[MohamedGobran]

و يا استاذ محمد مكتوب ان مفروض اغير الزيت كل 60 الف كيلو و انا بغيره كل 50 و ممكن اقل كمان و فى التوكيل الزيت الاصلى الى تمنه فوق الالف جنيه

[Mahmoud.hamedm]

ان شاء الله خيرا ويكون الموضوع يسير وياريت تطمنا لحسن انا لسه شايف شكوى من a7 الجديده من مشكلة فى الفتيس والواحد ناوى يشترى بعد وصول سعرها ل 190 من بعد 224.

[Ahmed Saad]

بص ياباشا من الاخر وهوا ده اللي فيها إن شاء الله لأن نفس الأعراض حصلت مع واحد صاحبي في A5 وداخ معاها برضه وفي الآخر طلع مبرد الفتيس كان مسدود وزيت الفتيس يسخن فيفصل الفتيس ويخش safe mode ويمشي تالت بس أو تحس أن انت بتحرق على الفاضي وبرضه علشان تتأكد حطها على برنامج أعطال vcds هيطلعلك حساس الحراره عطل وحساس سرعه الفتيس وزى ماقولتلك العطل في مبرد الفتيس وان شاء الله خير

[Ahmed Saad]

المبرد تمنه 600ج جديد

[MohamedGobran]

طيب يا جماعه انا لسه جاى من التوكيل و المهندس قالى انه ظهر على الكمبيوتر incorrect ration 3rd gear و انه للاسف التوكيل بيغير فتيس كامل لكن المشكله فى كلاتشات بس و ان عقل الفتيس سليم مفيهوش اى مشاكل و قالى ان ممكن تغير كلاتشات بس بره فمين احسن حد يكون امين و ثقه اعملها عنده

[MohamedGobran]

ايه رائيكو يا جماعه اعملها عند Vagstores الى فى مصر الجديده فى نبيل الوقاد و هو شغال فى كل العربيات الالمانى ولما كلمته قالى بيعملوها عندهم عادى و فاهمين فيها