إلحقوووونى قربة المية بقت طحينة a4

[Madabimo]

السلام عليكم
الموضوع خطير
مرة واحدة لقيت فى انذار في العرية stop check coolant service manual (مع علامة الحرارة ) وقفت العرية وبصيت على قربة المية لقتها مليانة فدققت اوى لقيت لونها متغير بليت صباعى لقيت المية مطحنة فرحت باصص على مقاس الزيت عشان اشوف الزيت كمان مطحن ولا اية ملقتش حاجة الزيت عادى
العرية اوكتافيا
A4 2009 M
ارجوكو يا جماعة افيدونى بسرررررررررعة

[Mecha]

did you check the radiator coolant
is oil getting low
ultimately cylinder head

[pharonicking]

المية ممكن تكون مصدية "" اسباب ارتفاع الحرارة ممكن يكون سبب تانى""

[Moratoz]

روح بسرعه لمركز الخدمه بتاعم ئل بتعمل عند صيانه علشان الفتي وحش في الموضوع دا

[samiazab]

ممكن يكون الكولر بتاع الفتيس ضرب اتأكد منه

[EngAhmedSayed]

الموتور جاب جوان وش سليندر هيتغير عادى جدا و اﻻهم من تغيير الجوان ﻻبد من الوصول لﻻساس المشكلة المؤدية لتلف الجوان
و بعد تغير الجوان
دورة غسيل ماء
دورة غسيل زيت
تغيير بوجيهات
وربك المستعان

[Madabimo]

[Madabimo]

شكرا جدا يا جماعة على المشاركة
انا فعلا روحت لمركز صيانة و التحليل كالاتى :
الكولر او المبرد زيت الماكنة باظ وهوة دة السبب ان مية القربة طحنت
فالمهندس قالى الاصلى بيعمل 1200 جنية و الصينى 500 جنية و التنين بيبوظو على طول لان الماكنة بتسخن دة الحل الاول
الحل التانى ان الشركة عالجت المشكلة دية فى A5 و شالو المبرد وغيرو الكارتيرة بتاعت الزيت من تحت وبقت تتبرد بالهواء عملو فيها كولر من تحت للفلوو بتاع الهوا غير الموجود فى A4 مصمط ( ممسوح )
و بالفعل دة الى حصل غيرت الكارتيرة و سد مكان المبرد و غيرت الزيت طبعا وغسلت دايرة التبريد كتير
ويا رب ميكتبهاش على حد الاسعار :
كارتيرة زيت A5 عاملة 500 جنية
تغير زيت 135 جنية
مصنعية 100 جنية

ويارب الفائدة تعوم على الجمييييييع

[Moratoz]

أنا اول مره اسمع عن الحل دا

[mo7a_mo7a]

مدام عربيتك مانيوال يبقي مينفعش يدخل علي ماء الردياتير زيت غير زيت الموتور

الاول اتاكد انه زيت مش تراب او اي تغبيش تاني
ولو هي تراب او رواسب ممكن تكون عملت سدد في الدورة وسخنت العربية

ورافب زيت الموتور لانه لو ده طحينة فعلا الزيت حينفص

اول حاجة تعملها اغسل الردياتير وغير المياه وراقب العربية
علشان تتاكد

[طارق _عبد السلام]

هو المانيوال له تبريد زى الاوتو ؟!!!!!!


بس فعلا الحل ده جديد واول مره اسمع عنه وهل كارتيره a5 ركبت مظبوطه على العربيه
ربنا ييسر وتكون دى نهايه المشكله

[forti]

على حسب معرفتى عشان بس نفرق لان الاتنين حصلوا معايا
لما زيت الماتور هو الى يعمل طحينه .. يعنى تفتح غطاء الموتور تلاقى فى ظهره طحينة
ده بيبقى فى الغالب جوان وش السلندر .. او عيب فى بلوك الموتور
و الى بيحصل ان مياه التبريد بتدخل على زيت الموتور فتخليه يعمل طحينه ..
و فى الغالب قربة المياه مش هتبقى عامله طحينة الا بسيط اوى

لما قربة المياه هى الى تعمل طحينه جامده .. هنا بيكون فى الغالب مبرد زيت الموتور
و ده مكانه فوق فلتر الزيت على طول
و طبعا المشكله ان زيت الموتور هى الى دخل على دورة التبريد و الطحينه فعلا بتبقى جامده اوى
ممكن تسدلك الراديتير و تحتاج تغيره
و الحل الى اعرفه هى تغيير المبرد

اما الحل الجديد الى هنا ده انا اول مرة بردو اسمع عنه كرتيرة الـ a5 و الكلام ده

[Madabimo]

والله يا جماعة انا زيكو بالظبط كنت اول مرة اسمع عنه بس المهندس قالى ان الموضوع دة اتعالج فى a5 ان الكارتيرة متغيرة ومفيش مبرد للزيت
ممكن الناس الى معاها a5 تفيدنا فى الموضوع دة
وعلى فكرة انا العامل الموضوع دة فى اسكندرية فى مركز اسمه car fix امام الموقف الجديد
والمهندسين الى هناك ناس زى الفل فى التعامل و كمان يفهمك الموضوع من الاول وبعد العربية متخلص شغل بيطلع معاك يجرب العربية بنفسه

[طارق _عبد السلام]

على حسب معرفتى عشان بس نفرق لان الاتنين حصلوا معايا
لما زيت الماتور هو الى يعمل طحينه .. يعنى تفتح غطاء الموتور تلاقى فى ظهره طحينة
ده بيبقى فى الغالب جوان وش السلندر .. او عيب فى بلوك الموتور
و الى بيحصل ان مياه التبريد بتدخل على زيت الموتور فتخليه يعمل طحينه ..
و فى الغالب قربة المياه مش هتبقى عامله طحينة الا بسيط اوى

لما قربة المياه هى الى تعمل طحينه جامده .. هنا بيكون فى الغالب مبرد زيت الموتور
و ده مكانه فوق فلتر الزيت على طول
و طبعا المشكله ان زيت الموتور هى الى دخل على دورة التبريد و الطحينه فعلا بتبقى جامده اوى
ممكن تسدلك الراديتير و تحتاج تغيره
و الحل الى اعرفه هى تغيير المبرد

اما الحل الجديد الى هنا ده انا اول مرة بردو اسمع عنه كرتيرة الـ a5 و الكلام ده

ياه الدكتور ببنفسه هنا يامرحبا يامرحبا

منور القسم يادكتور وحشتنا ووحشتنامشاركاتك القيمه

وربنا يعينك على ما انت فيه

[forti]

ياه الدكتور ببنفسه هنا يامرحبا يامرحبا

منور القسم يادكتور وحشتنا ووحشتنامشاركاتك القيمه

وربنا يعينك على ما انت فيه

استاذ طارق ربنا يبارك فيك .. القسم منور بوجودكم :)