تقرير مبدئى عن رابيد سبيس باك 2015بعد 1000 كم

[mimed_80]

اخوانى الاعزاء
كلامنا النهاردة عن رابيد سبيس باك الفئة الاولى بعد اول 1000 كم ليها وقد انتظرت اكمال الاف كم عشان اكون جربت السواقة على سرعات عالية تبدى على بركة الله
اولا الشكل الخارجى طبعا الموضوع دى نسبى بنا انا شيغها جميلة جدا وشبابية وتنفع ان تكون عائلية ايضا
الصاج جميل وقوى اكتر الكتير السارات الحالية الموجودة فى السوق والتقفيل ممتاز
ثانيا الصالون الداخلى
الخامات سيئة بلاستك بلاستك بلاستك اكتر حاجة مضيقانى فعلا وكلها لون واحد اسود
الوسع الداخلى ممتاز جدا كنا مسافر بيه امبارح خمسة افراد كنا مرتاحين جدا
الشنطة ليس كبيرة ولكن مكفيانى جدا هى 413لتر وتوصل 1400 بثنى الكراسى
الكاست بلوز الصوت كويس وعالى جدا ومعاة aux' فقط
الكاوتش برجستون اسبانى ممتاز جدا
السيارة كلها فولكس ومتجمعا فى سكودا
الاداء والتجربة " هذا الرائى شخصى "
الماتور اداءة كويس جدا والتسارع ممتاز ومش بتحس بنقلات الفتيس
السيارة ناعمة بس العفشة فيها نسبة نشوفية بسيطة مش بتحس بيها جامد تظهر فى فواصل الكوبرى
نيجى لاهم نقطة الثبات عشان العفشة كلنا عرفين انها تورشن بيم
انا اخرت فى كتابة التقرير مخصوص عشان اعدى الاف واسافر بيها
انا سافرت بيها امبارح 250 كيلو اغلبهم منحنيات كبيرة
بجد بسم الله مشاء الله عليها ماشى 140 الى 170 اغلب الطريف الا فى منحنيات كن باخدها على 120 لانها زاوية تسعين وبردو كانت ممتازة جدا
عاوز تسرع عبالعربية امشى على s اما d اخرة معاك 160 حالولت اجيب اكتر ماجبش اما s هات زى منتا عاوز
التكيف جميل جدا
انا كان ماعيا قبل دى لانسر 2007
اتمنى اكون كتبت اغلب المهم

اى استفسار انا تحت امركم

[engmody32]

مبروك عليك السيارهو ربنا يكيفيك شرها

[طارق _عبد السلام]

ربنا يبارك لك فى العربيه وتشوف كل الخير منها

بس كده حضرتك بتضحك علينا :) ده تقرير مختصر وحضرتك وقعت فى ناس طماعه وانا اكبر طماع فيهم عايزين سيادتك تعمل تقرير مصور بمواصفات وشكل العربيه وتكتب نفس اللى كتبته علشان يكون موجود فى المثبتات او اهم المواضيع ويفيد كل عشاق الرابيد سبيس باك
وشكرا مقدما --- توريطه ههههههههه

[mnashat77]

مبروك العربيه و ربنا يحافظلك عليها ،هي فعلا عربيه جميله بس هي الخامات بتاعتها مش قد كده ،انا شفت الفئه التانيه و فيها Esp و استغربت جدا دي امكانيه تقدر تخليها تنافس شريحه كبيره من العربيات ،شكرا للتقرير الجميل

[ahmed sa3ed]

مبروك ياباشا ربنا يديك خيرها ويكفيك شرها ياريت لو صور والاوبشن والاسعار

[mimed_80]

شكرا لكم جميعا
استاذ طارق مفيش طمع فى الحاجات دى دى واجب علينا عشان نقدر نساعد بعض فى الاختيار نظر لعدد الهائل من السيارات المتاحة فى السوق وتقاربها من بعض فى الاداء انا كنت فعلا هانزل الصور ليها بس بعد السفر العربية عاوزة نروح المغسلة وانا كسلت النهارة بس انشاء الله اظبطها واعمل تقرير مصور لها شامل

[mnashat77]

شكرا لكم جميعا
استاذ طارق مفيش طمع فى الحاجات دى دى واجب علينا عشان نقدر نساعد بعض فى الاختيار نظر لعدد الهائل من السيارات المتاحة فى السوق وتقاربها من بعض فى الاداء انا كنت فعلا هانزل الصور ليها بس بعد السفر العربية عاوزة نروح المغسلة وانا كسلت النهارة بس انشاء الله اظبطها واعمل تقرير مصور لها شامل

ايوه هو ده المطلوب ،،ولو رجع بيك الزمن كنت هاتختارها ام لا

[mimed_80]

مبروك العربيه و ربنا يحافظلك عليها ،هي فعلا عربيه جميله بس هي الخامات بتاعتها مش قد كده ،انا شفت الفئه التانيه و فيها esp و استغربت جدا دي امكانيه تقدر تخليها تنافس شريحه كبيره من العربيات ،شكرا للتقرير الجميل

الله يبارك فيك هى فعلا خامات الصالون سيئة وهذا اعتراف اغلب الناس بس بالنطر اغلب السيارات لان بتستخدم البلاستك وهى فى الفئة السعرية دى افضل من مثيلاتها من حيتث الثبات والامان وجودة الصناعة

[mimed_80]

ايوه هو ده المطلوب ،،ولو رجع بيك الزمن كنت هاتختارها ام لا

استاذى العزير انا الحمد الله بعتبر اختيارى ليها توفيق من عند ربنا واستخارى لة بس لو رج بيا الزمن اختارها بردة بس الفئة الاعلى ليس الا انا قعد افاضل اكثر من شهرين بين السيارات وفى المعارض ولقيتها تلبى احتياجاتى
المهم فى الاختيار انها تلائم احتياجاتك ومن وجة نظرى فى الابشن الكتير فى الفئات السعرية متشابة بس الاختلاف فى الثبات وجودة الصناعة وعوامل الامان وشكرا لحضرتك

[ibizaman]

الف الف مبروك
ومنتظرين التقرير ويبقي بالتفصيييييييل
وكمان الفرق بينا وبين تاني فئه
وربنا يديك خيرها ويكفيك شرهااا

[legend_mohsen]

ممكن مواصفات العربية بالتفصيل و صور لوسمحت ؟ و تفرق ايه عن الفئة الاولى و انهي هايكون احسن اوكنافيا مستعمله خفيف و لا الرابيد كاملة زيرو ؟

[mo7a_mo7a]

الف الف مبروك ربنا يبارك لك فيها ويديك خيرها ويكفيك شرها

[S O P H O S]

الف مبروووك العربية

[J A G U A R]

الف مبروك ياباشا
وتقرير كويس بس كان عاوز صور

[3abdo]

الف مبروك تقرير ممتاز