افيدوني في شراء اوكتافيا a5

[start _engine]

الي كل خبراء المنتدي انا عضو جديد ودي اول مشاركة لية بصراحة بالرغم من متابعتي للمنتدي من فترة طويلة وفعلا استفدت كتير قوي من الاعضاء الافاضل وكنت حابب استفيد من خبرتكم ...بعد حيرة طويلة انا استقريت علي شراء اوكتافيا a5 ان شاء الله بس كنت عايز رايكم في كام نقطة:
اية افضل مكان للكشف عن العربية وهل ضروري فعلا ولا لا بصراحة نفسي ماتخمش
هل موديلات 2006 و 2005 فيها مشاكل ام لا انا سمعت عن وجود مشكلة في عقل الفتيس بس مش تاكد من الكلام دة
هل قطع غيارها متوفرة برة التوكيل وبالنسبة للصيانة الدورية للعربية هل في مراكز خدمة كويسة غير التوكيل وهتفرق في السعر ولا مقاربة للتوكيل
المبلغ المتاح في حدود 110 الف
وياريت لو حد يعرف حد عندة عربية حالتها كويسة يقوللي
انا اسف طولت عليكم بس بجد انا بثق في المنتدى وارائكم

[blazer]

الموديلات الى قبل الفانتازيا كان فيها بعض العيوب فى الفتيس الاوتو خصوصا بعدم الاهتمام بتغيير الزيت بلنوع المضبوط و الاستخادم العنيف للفتيس كان الفالف بودى بيبوظ و بيتغير و تمنه تقريبا 7000 بتاع الفنتازيا
لو تقدر تطلع بلموديل و تجيب اول فئه فى الفانتازيا هتبقى كسبت شكل احدث و مشاكل منعدمه ان شاء الله

[wawamoha]

العربيه تحفه اساسا و شويه عليها الفلوس
لو تعرف تجيب مانيوال زيي تبقى صفقه رابحه

[طارق _عبد السلام]

طبعا احسنت الاختيار واهل بك فى قسم سكودا
ثانيا العربيه ماشاء الله اعتماديه ومريحه شرط الحاله
موديل 2006 & 2005 عيبهم كان كمبيروسر التكييف ولو التكييف شغال معاهم يبقى تمام وانت تحافظ عليه بعد كده
من ناحيه الفتيس كل الفتايس زى بعض لحد 2008 والاهم والمهم ان العربيه تكون متابعه صيانه الفتيس

والمبلغ اللى مع حضرتك يركبك 2007 سبورت ان شاء الله او 2008 فئه اولى ويكونوا حاله نضيفه

[start _engine]

انا متشكر ليكم جدا ولاهتمامكم وكنت عايز اغرف اية افضل مكان اكشف فية علي العربية قبل الشراء