السلام عليكم اوكتافيا a5 2007 خليجى

[eye care]

السلام عليكم قررت دخول سكودا تيم
عايز نصيحتكم
معروض على اوكتافيا a5 2007 خليجى ثانى فئه عامله 90000 كيلو . اوتوماتيك فابريكة بره وجوه . ماعدا الاكصدام الخلفى.
السؤال
العربيه تسوى كام وهل فيه فرق بين الخليجى والعادى .تنصحونى بيها ولا لاء .بليز محتاج الرد بسرعه لأنى رايح أخلص بكره أن شاء الله.
مشكورين

[Moratoz]

فرقها عن الوكيل انها اوطي شويه في العفشه ولكن بتبقي انعم من الوكيل علشان فرق العلو وهي عربيه جميله ماشاء الله عليها انا عربيتي 2007 برده خليجي
أكشف كويس علي الفتيس والتكيف وطبعا باقي العربيه طبقا للمعتاد عن متخصص سكودت
واعتقد تسوي 105

[طارق _عبد السلام]

عربيه محترمه واتاكد انها فبريكه وفتيسها كويس وصياناتها معموله

احسنت الاختيار ومنتظرينك معانا ان شاء الله والسعر كما قال لك الاستاذ عمرو فى الرد السابق

[melouk1]

معروض عليه واحدة خليجي ٢٠٠٧ برده فابريكة كلها و رش قدامي الاكصدامين وعامله ٨٠ الف كيلو و حاله جيدة جداً وهي خليجي اعلى فئة ممكن تكون بكام من فضلكم ؟

[طارق _عبد السلام]

معروض عليه واحدة خليجي ٢٠٠٧ برده فابريكة كلها و رش قدامي الاكصدامين وعامله ٨٠ الف كيلو و حاله جيدة جداً وهي خليجي اعلى فئة ممكن تكون بكام من فضلكم ؟

من 115الى120 وانت وشطارتك

[Moratoz]

من 115الى120 وانت وشطارتك

+111111
علي فكره يا أستاذ طارق أنا كنت هقول نفس السعر وان كان اقرب الي ١٢٠
وعن تجربه بجد الخليجي انعم وأطري بمراحل عن الوكيل في a5

تحياتي

[eye care]

انا اتكلمت مع صاحب العربيه وماسك على 112 الف ايه رأيكم . هو لسه مغير سيور وزيت الفيس فى رمضان ؛؛؛
اعمل ايه

[طارق _عبد السلام]

انا اتكلمت مع صاحب العربيه وماسك على 112 الف ايه رأيكم . هو لسه مغير سيور وزيت الفيس فى رمضان ؛؛؛
اعمل ايه

زيت الفتيس فى رمضان

طيب اتاكد ان ده تانى تغيير لزيت الفتيس العربيه ماشيه 90 الف
لان لو ده اول تغيير يبقى بلاش العربيه دى لكن لو تانى تغير هقولك نزل منه اى حاجه وخدها

[ebrahim_mh]

انا شايف ان السعر كويس وخصوصآ بعد غلو الاسعار لو العربية حالة بره وجوه وفتيس تمام اتكل على الله وخدها ديه فرصة سواء من 112 الف حتى 115 جنيه السعر كويس ماتوقفش البيع على حجات بسيطة

[eye care]

السلام عليكم
ياجماعه الخير انا خلاص حاسس انى مش عارف اشترى عربيه .
الأمور مش مظبوطه معايا.
المهم العربيه ده ربنا ما وفقنيش فيها.
دلوقتى قدامى عربيه مواصفاتها كالاتى:
اوكتافيا a5 2008 وكيل مش خليجى
140 الف كيلو
هاى لاين أعلى فئه فاتحة سقف
لون اسود دواخل شركه رشه جانبين نظافه
جنت 17 .
حاله فوق الممتازه رخصه سنه باسم المالك
الصيانه خارج التوكيل بس ف مواعيدها ف مركز صيانه محترم.
سعرها يسوى كام يا شباب علشان انا قربت أفقد الأمل .

[سمسم 74]

واحد قريبي اشتري أوكتافيا a5 خليجي موديل 2007 عاملة ٦٦ الف وهايروح التوكيل يغير زيت الفتيس لانه تقريبا مااتغيرش قبل كده بس فيه مشكله في الشاشة اللي في التابلوة ساعات تنور وساعات تطفئ كلم التوكيل سأله قاله عايز تبلوة جديد في حد عنده حل او كهربائي شاطر يحل المشكلة
وشكرا للجميع

[طارق _عبد السلام]

السلام عليكم
ياجماعه الخير انا خلاص حاسس انى مش عارف اشترى عربيه .
الأمور مش مظبوطه معايا.
المهم العربيه ده ربنا ما وفقنيش فيها.
دلوقتى قدامى عربيه مواصفاتها كالاتى:
اوكتافيا a5 2008 وكيل مش خليجى
140 الف كيلو
هاى لاين أعلى فئه فاتحة سقف
لون اسود دواخل شركه رشه جانبين نظافه
جنت 17 .
حاله فوق الممتازه رخصه سنه باسم المالك
الصيانه خارج التوكيل بس ف مواعيدها ف مركز صيانه محترم.
سعرها يسوى كام يا شباب علشان انا قربت أفقد الأمل .

120 بالكتير جدا لانها راشه وعدادها كبير

بس وكيل وجنط 17 مش راكيه الوكيل جنطها 16

اتاكد من المصفحه لو حديد تبقى وكيل ولو قرش جلد كامل اصلى تبقى وكيل لكن لو الفرش الاصلى نصفين والمصفحه فيبر تبقى خليجى

[طارق _عبد السلام]

واحد قريبي اشتري أوكتافيا a5 خليجي موديل 2007 عاملة ٦٦ الف وهايروح التوكيل يغير زيت الفتيس لانه تقريبا مااتغيرش قبل كده بس فيه مشكله في الشاشة اللي في التابلوة ساعات تنور وساعات تطفئ كلم التوكيل سأله قاله عايز تبلوة جديد في حد عنده حل او كهربائي شاطر يحل المشكلة
وشكرا للجميع

ولاد الظلمه تابلوه كامل

حصل عندى مشكله زى دى فى اوكتافيا 2006 العداد الصغير ورحت لواحد ظبطها ب50 جنيه
بس للاسف هو فى المحله مش هيفيدك ممكن الاخوه يرشحوا لك واحد وعلى فكره هو مش كهربائى ده ميكانيكى كمان متخصص سكودا

[طارق _عبد السلام]

انا شايف ان السعر كويس وخصوصآ بعد غلو الاسعار لو العربية حالة بره وجوه وفتيس تمام اتكل على الله وخدها ديه فرصة سواء من 112 الف حتى 115 جنيه السعر كويس ماتوقفش البيع على حجات بسيطة

زميل فاضل هتا فى القسم لسه بايع 2007 هاى لاين عربيه ولا كلمه ب 117

يبقى ازاى ننصح الزميل انه يدفع لحد 115 ازاى حضرتك احنا تقريبا كده كل يوم او اتنين بنتفرج على عربيات وفعلا ده السعر المتداول هو لو فيه فئه معينه ارتفع سعرها فى الجديد الفين جنيه يقوم بتاع المستعمل رافع سته او سبع الاف جنيه

اللى يقولك الاوكتافيا سعرها زاد قول له دى قئه واحد علشان عليها الطلب لكن القئه الاولى سعرها نزل ... الموضوع مش مقياس

[Moratoz]

زميل فاضل هتا فى القسم لسه بايع 2007 هاى لاين عربيه ولا كلمه ب 117

يبقى ازاى ننصح الزميل انه يدفع لحد 115 ازاى حضرتك احنا تقريبا كده كل يوم او اتنين بنتفرج على عربيات وفعلا ده السعر المتداول هو لو فيه فئه معينه ارتفع سعرها فى الجديد الفين جنيه يقوم بتاع المستعمل رافع سته او سبع الاف جنيه

اللى يقولك الاوكتافيا سعرها زاد قول له دى قئه واحد علشان عليها الطلب لكن القئه الاولى سعرها نزل ... الموضوع مش مقياس

+111-
كل شيئ وليه سعر مناسب