سعر فتيس وموتور اوكتافيا

[aiscargo.com]

تحية كبيرة لشباب المنتدى خصوصا القسم دة

محتاج مشورتكم لو تكرمتم من اهل الخبرة بالنسبة لاوكتافيا a5 مستعمل من 2006 إلى 2010

اولا : هل الموديل 2010 افضل لانو مافيش فيه فتيس dsg وبالتالي مشاكل اقل؟

ثانيا - هل ممكن تسقيط ماكينة وفتيس ثانين جولف مثلا او اي نوع الماني- اواكتافيا موديل اعلى يعني مثلا من نفس السنة بحيث ابعد عن فتيس dsg - وهل فيه حاجة هاتتبرجل في العربية او اوبشن ممكن مايشتغلش لو الموتور والفتيس اتغير؟

ثالثا : اسعار الفتيس والماكينة لو جولف مثلا - ولو اوكتافيا موديل 2010 في السوق ياريت والله ضروري

واخيرا : ازاي اعرف انو العربية فيها فتيس اتوماتيك غير النوع الي dsg دة

بارك الله فيكم وشكرا على اهتمامكم

[طارق _عبد السلام]

انا رديت على نفس الموضوع ده قبل كده.... هو منين يودى على فين !!!!!!!!!!!!!!!!!!!!!!


وبعدين عنوان الموضوع مختلف عن الموضوع من الاصل هو حضرتك اشتريت العربيه الاول علشان تسئل على سعر موتور وفتيس مره واحده ... محصلتش لسه وربنا مايخليها تحصل مع حد

[Moratoz]

الموضوع بأختصار الأوكتافيا من موديلات 2005 الي 2012 مفهاش DSG خالص نهائي وفي 2013 فيه منها اوتو عادي وفي dsg

[aiscargo.com]

انا على فكرة ارسلت اعتذار لاعضاء القسم انو انا ارسلت الموضوع ثاني

المشكلة انا لم اسلتم اي اشعار بالرد على الايميل زي بعض المنتديات بيكون فيها الخدمة دي

فدخلت على طول شمال وكتبت الموضوع مرة ثانية


اسف جدا على اي ازعاج ممكن سبببتو ليكم

[A_HASSANIN]

موديل 2005 حتى 2009 لازم تجرب العربيه وتمشى بيها اكتر من نصف ساعه ويكون ماشى فى مناطق مزدحمه علشان تعرف حاله الفتيس من ناحيه فى ناتشه او دبدبه فى الغيارات او النقلات ببتاخر دى كلها بتبين الحاله بتاعت الفتيس فى المشى
بالنسبه للفنتازيا بتبدا من 2009 حتى 2013 ودى سياره ممتازه حاله الفتيس افضل من ناحيه عقل الفتيس لا يوجد بها اى مشكله نهائيا

[Abo_Mazen]

انا رديت على نفس الموضوع ده قبل كده.... هو منين يودى على فين !!!!!!!!!!!!!!!!!!!!!!


وبعدين عنوان الموضوع مختلف عن الموضوع من الاصل هو حضرتك اشتريت العربيه الاول علشان تسئل على سعر موتور وفتيس مره واحده ... محصلتش لسه وربنا مايخليها تحصل مع حد

طيب إيه المشكله إن حضرتك تتفاعل معاه وترد على الموضوع تاني..أنا كنت داخل مخصوص عشان كنت عايز أعرف فعلا سعر موتور وفيتيس اﻷوكتافيا بكام عشان أستفيد وأنمى معلوماتي ..ودى عادتي دايما مع المنتدى ده..وبعدين أنا معرفش إن الموضوع مكرر..وإلا مكنتش دخلت عليه أصلا

[aiscargo.com]

شكرا جزيلا يا شباب على تفاعلكم

واسف مرة ثانية على تكرار الموضوع

انا بشتغل في شركة امريكية للشحن في ميناء هيوستن لذلك انا اصلا مش هاشتري عربية في مصر

السؤال زي مانا وضحت كان لاخويا لانو هو كمان طلع برة مصر وركب عربيات مواتير كبيرة فال 1600 سي سي شي مزعج بالنسباله - لذلك كنت باسئل عن سعر الموتور والفتيس لو فئة اكبر علشان كدة

لكن نكتفي بهذا القدر مادام الامور فيها ناس بتضايق

[طارق _عبد السلام]

طيب إيه المشكله إن حضرتك تتفاعل معاه وترد على الموضوع تاني..أنا كنت داخل مخصوص عشان كنت عايز أعرف فعلا سعر موتور وفيتيس اﻷوكتافيا بكام عشان أستفيد وأنمى معلوماتي ..ودى عادتي دايما مع المنتدى ده..وبعدين أنا معرفش إن الموضوع مكرر..وإلا مكنتش دخلت عليه أصلا

والله يا استاذنا الفاضل لما اكون متفاعل مع موضوع وبرد على الموضوع بمجرد طرحه واتفاجىء بنفس الموضوع وادخل علشان اكمل متابعتى لنفس الموضوع ولا اجد ردودى حسيت ساعتها ان فيه مشكله ثانيا لو انا متفاعل فى موضوع زى حضرتك مابتقول وتقولى ايه المشكله انك تتابع فى نفس الموضوع المكرر .. مش ممكن تتفهم ان صاحب الموضوع متجاهل ردودك او مش عجبه ردودك وعمل موضوع تانى ..بس انا كنت ابديت استغرابى فقط مش عارف ليه نوصلها لكده وشوف رده اللى فى نفس الاقتباس وشكرا على نصيحتك ولو عمل عشر مواضيع واجبنا نرد بردوا

شكرا جزيلا يا شباب على تفاعلكم

واسف مرة ثانية على تكرار الموضوع

انا بشتغل في شركة امريكية للشحن في ميناء هيوستن لذلك انا اصلا مش هاشتري عربية في مصر

السؤال زي مانا وضحت كان لاخويا لانو هو كمان طلع برة مصر وركب عربيات مواتير كبيرة فال 1600 سي سي شي مزعج بالنسباله - لذلك كنت باسئل عن سعر الموتور والفتيس لو فئة اكبر علشان كدة

لكن نكتفي بهذا القدر مادام الامور فيها ناس بتضايق

يا استاذى الفاضل لو تلاحظ سيادتك انى ابديت استغرابى ووضحت ده فوق وانا لو مضايق زى ماحضرتك بتقول مكنتش تابعت معاك بس تكرار الموضوع بيعمل تشتيت انا كنت انتهيت عند نقطه معينه وبعدين هبدأ تانى من جديد وكلنا هنتشتت فى الرد هنا او هناك

ومين قال لحضرتك انى متضايق ياسيدى الفاضل هتضايق من ايه انا برد بمطلق حريتى الشخصيه مش مجبر على كده علشان اتضايق وبكون سعيد جدا لو ساعدت فى حل مشكله

وكلمه فيها ناس بتضايق دى تبقى لى انا شخصيا لانى انا اللى كتب الرد (مش ملاحظ حضرتك ان فيها تجاهل حتى)

على العموم شكرا لحضراتكم وآسف لو الرد اتفهم بطريقه تانيه

لااله الا انت سبحانك انى كنت من الظالمين

[aiscargo.com]

استاذي الفاضل - طارق _عبد السلام

احييك على روحك العالية بجد وان شاء الله مايكونش فيه ضيق او زعل وشكرا مرة ثانية

[Moratoz]

..وبعدين أنا معرفش إن الموضوع مكرر..وإلا مكنتش دخلت عليه أصلا

شوفت حضرتك بتقول ايه انك مكنتش هتخش اصلا علي الموضوع لو عرفت انه متكرر (ولو مجرد قراءه )
يبقي الأحسن نتابع في نفس الموضوع ونشوف التطورات ولا نبتدي من الأول

تحياتي

[aiscargo.com]

اكيد لا مش محتاجين نتبتدي من الاول بارك الله فيكم جميعا

لكن باقي عندي سؤال واحد لكنو مهم اذا تكرمتكم بالاجابة هاكون فعلا شاكر ليكم

في صفحة اوكتافيا على الويكيبيديا عرفت انو اوكتافيا الفئة او الجيل الحالي بيركب ليها اربع درجات من المواتير من خلال اللينك دة :
Škoda Octavia - Wikipedia, the free encyclopedia

وسؤالي تحديدا هل ممكن في مصر تسقيط موتور اكبر للاوكتافيا يعني مثلا :
2.0 TSI
197 حصان

اذا ممكن - كام ممكن يكلفني وضريبتو هاتزيد اد ايه

وشكرا مقدما على اهتمامكم

[aiscargo.com]

Any word?

[aiscargo.com]

يعني مافيش امل