لو 3 فرد كاوتش نقشة وفردة رابعه نقشة عادي ولي يحصل حاجة

[mido102]

قدر الله وماشاء فعل الساعة ١٢ بليل فوجئت بتليفون بيقولي انزل عربية زبالة خبطت فيك نزلت لقيت الفردة اليمين مفرقعه ومخرومة عين بالظبط والرفرف اليمين محكوك الحمد لله علي كل شيء وقدر الله وماشاء فعل

انا من فترة جبت 4 فرد دانلوب الماني واحدة منهم في الحوار دة باظط الحمد لله الفرد القديمة كنت شايلها هيا نفس المقاس بس مش نفس النوع والنقشة هل لو ركبتها ومشيت بيها عادي ولي غلط

[J A G U A R]

هو من الافضل الاربع فرد يكونو زى بعض
بس مفيش مشاكل

[aymanshebl]

متابع

[Sherif Mandoor]

مفيش مشكله المفروض تركب فى الخلف

[mido102]

مش فاهم في الخلف ازاي مهيا اللي ضربت ادام يمين ؟؟

[Sherif Mandoor]

الفردتين اللى ورا حطهم فى الامام
ورجع اللى ادام ورا ومعاها النقشه المختلفه

[EngAhmedSayed]

الفردة اللى نقشة مختلفة يفضل تكون فى الخلف
و بﻻش امامى علشان العربية متحدفش منك على السرعات العالية ﻻنى معامل اﻻحتكاك بتاع كل فردة بيختلف
ربك المستعان

[ayman20100]

اولا ربنا يعوض عليك والحمد لله بسيطة ان شاء الله
الفردة بتفرق اكيد وليها تأثير بس مش هيبقى محسوس غير في الاداء العالي بمعنى
كل فردة كاوتش ادائها بيختلف في الفرامل وفي تحمل السرعات والاوزان وكمان مع عوامل الاستهلاك هيبقى فيه فرق بسيط في السمك بتاع العجلة
لو طريقك جو البلد وسرعات مش عالية اوي مش هتفرق اي حاجة
الافضل لو الكاوتش الي راكب زيرو تجيب فرده نفس النقشة والنوعية وتركبها معاهم ورا افضل

[mido102]

الفردتين اللى ورا حطهم فى الامام
ورجع اللى ادام ورا ومعاها النقشه المختلفه

تمام كده انا حرجع الفردتين اللي ورا ادام واللي ادام جرجعها ورا واللي بايظة ادام حرجعها ورا بفردة نقشة قديمة في اي حاجة تانية

[Land_Cruiser]

قدر الله و ما شاء فعل. زي ما قالوا لحضرتك العجله اللي فيها نقشه مختلفه تبقي ورا و أحب أضيف حاجه بسيطه و هي انها ما تطلعش قدام لما تيجي تعمل rotation للعجل كل ١٠ آلاف كيلومتر برضه تسيبها ورا. لو عايز نصيحتي اذا كان حاله العجل عندك كويسه يبقي خللي العجله اللي نقشتها مختلفه استبن و اشتري فرده جديده فقط مكان اللي باظت اما لو كان عندك اي عجله تعبانه تانيه بالاضافة للي باظت يبقي اشتري عجلتين جداد حطهم قدام و خللي الاتنين القدام في الخلف علشان لما تيجي تغير يبقي كله في نفس الوقت او علي الاقل عجلتين قدام نفس الحاله وورا نفس الحاله و ساعتها موضوع ال rotation مش هيبقي مشكله زي حاله العجله اللي نقشتها مختلفه

[mido102]

قدر الله و ما شاء فعل. زي ما قالوا لحضرتك العجله اللي فيها نقشه مختلفه تبقي ورا و أحب أضيف حاجه بسيطه و هي انها ما تطلعش قدام لما تيجي تعمل rotation للعجل كل ١٠ آلاف كيلومتر برضه تسيبها ورا. لو عايز نصيحتي اذا كان حاله العجل عندك كويسه يبقي خللي العجله اللي نقشتها مختلفه استبن و اشتري فرده جديده فقط مكان اللي باظت اما لو كان عندك اي عجله تعبانه تانيه بالاضافة للي باظت يبقي اشتري عجلتين جداد حطهم قدام و خللي الاتنين القدام في الخلف علشان لما تيجي تغير يبقي كله في نفس الوقت او علي الاقل عجلتين قدام نفس الحاله وورا نفس الحاله و ساعتها موضوع ال rotation مش هيبقي مشكله زي حاله العجله اللي نقشتها مختلفه

ياباشا الاربع فرد عندي تمام جداد العجلة اللي قدام يمين هيا اللي باظت حد فاهمني

[طارق _عبد السلام]

اولا ربنا يعوض عليك والحمد لله بسيطة ان شاء الله
الفردة بتفرق اكيد وليها تأثير بس مش هيبقى محسوس غير في الاداء العالي بمعنى
كل فردة كاوتش ادائها بيختلف في الفرامل وفي تحمل السرعات والاوزان وكمان مع عوامل الاستهلاك هيبقى فيه فرق بسيط في السمك بتاع العجلة
لو طريقك جو البلد وسرعات مش عالية اوي مش هتفرق اي حاجة
الافضل لو الكاوتش الي راكب زيرو تجيب فرده نفس النقشة والنوعية وتركبها معاهم ورا افضل

احسنت