ارجوا من الخبراء تسعير اوكتافيا a4 2004 اوتوماتيك

[mohammed adel]

العربية اوكتافيا 2004 a4 اوتوماتيك ماشية حواللى 220000 كم راشة برا نظافة ، فبريكة دواخل بمعنى الكلمة ، المميزات ( سخانات مرايات - abs - جنوط سبور - فرش جلد للكراسي - كاسيت و سمعات كينود - نور زينون ) و باقى الاوبشن العادي ، المظهر الخارجي للعربية والداخلي (finish) جميل جدااا و مافيش اى خرابيش على الصاج ، وبالنسبة للصالون فبريكة و فخم جدااااااا بمعنى الكلمة ، بالنسبة للموتور انا سوقتها وجبت بيها سرعة 180 كم بسهولة على طريق الجيش وبأمانة( الاكسراتير ) كان لسه فيه كتير طبعا الثبات اقل مايقال عنه فوق الممتازززززز ، الفتيس ناعم جداااا ، العفشة جديدة و روحنا نرصص و نظبط زوايا عند واحد محترف حط العربية على الجهاز و قاللى ان العربية مش عايزة ظبط زوايا هى كدة مظبوط تمااااام ( وانا فعلا كنت خايف من موضوع ظبط الزوايا عالشان كان معايا النترا 2009 اوتو و نشفت ريقى وماحدش عرف يظبطها عالشان فيها عجلة متقدمة و كانت معقدانى وبعتها فى الاخر ) عالشان كدة انا اول مابشتري عربية لازم اطمن من ناحية ظبط الزوايا والعفشة ( اللى اتلسع من الشوربة ينفخ فى الزبادي) هههههههه
- ملخص الحكاية صاحب العربية الاولانى قاللى ان العربية مش محتاجة مسمار و هو لسه عاملها صيانة كاملة ( و ده فعلا اتضح انه حقيقي ) بعد التجربة و الكشف عليها بالجهاز
انا اسف للأطالة بس انا بحب احكي كل شيء بالتفصيل كأنكم شايفين العربية و ركبتوها ، و ارجوا من اهل الخبرة يساعدون فى تسعير العربية بالنسبة ( أعلى سعر + أقل سعر )
جزاكم اللــــــــــــــــــه كل خيرررررررررررررر
و يارب مانتحرمش منكم

[mo3tazanas]

حاجة و80 الف بتوقف على شكل العربية وممكن تعدى 85 الف

[mostafa3000]

من ٧٥ الي ٨٠