احذر فتيس dsg

[K.Ossama]

نستثنى من عربيات فولكس ,, التيجوان
لان فتيسها wet 6-speed dsg ودا مفيش منه قلق للدرجة

كلام سليم.....
شكراً جزيلاً

[K.Ossama]

كل الشركات التابعه لفولكس فاجن . سيات و سكودا بس سكودا فى مصر غيرته للفتيس القديم ال 6 نقلات . و فورد بتستخدمه و اودى برضه

الفورد بتستخدم فتيس نفس الفكرة منتصنيع شركة تانية واسمه Power Shift، مش عارف أخباره إيه بس اللى اعرفه انه مشاكلة فى التردد بين النقلات بس.

الأودى بتستخدم DSG بس wet فيه دايرتين تبريد وكمية كبيرة من الزيت ولهذا مشاكلة أقل كتير بس صيانته اغلى طبعاً.

[CosmicOne]

يا جماعه يا ريت حد يساعدني
عربيتي 2013 تربو طبعا بالفتيس الملعون dsg و للاسف جابت فتيس علي 39000 الف
والمشكله ان انا بقيت بره الضمان ...
دلوقتي هو انا ممكن اصلحه بره التوكيل ولو ده حصل ممكن يتكلف كام ؟؟؟؟؟
ارجو الافاده من اصحاب الخبره

السلام عليكم يا باشا

من وجهة نظرى ان حضرتك تحاول معاهم فى التوكيل على اصلاحو على حسابهم و انك تبعت لسكودا بره و تطلب تصليحه good will

لان فعلاً حتى لو صيانة العربيه متعملتش الفتيس ملوش دعوه المفروض يعنى و العربيه 39الف كيلو يعنى جديده بس الموضوع اكيد هيحتاج رخامه معاهم شويه و ربنا يوفقك الى الخير يا رب

[CosmicOne]

بالنسبة للفتيس نفسو و الأخوه الى شمتانين جداً فى الDSG

اولا الطبيعى انك معاك ضمان سنتين و السنه الثالثه لو منظم فى الصيانات فى الوكيل

لما بيحصل حاجه التوكيل بيغيرها و عرفت من واحد معاه فانتازيا تربو ان اخد 5 سنين ضمان على الفتيس من التوكيل علشان اتصلح فى حاجه

اما كنا بنقول نجرب الفتيس مع الأسكودا لان من قريب غيروا الزيت المستخدم الى كان بيسخن الميكا ترونيكس و ده فى الدفعات من يناير او فبراير 2014 بتاعت الِA7 على حد علمى

لو اى حد دور على النت على شكاوى الDSG عالمياً هيلاقى البوستات فى كل المنتتديات و المواقع قلت جداً فى 2014 الحمد لله و اكتر تركز للشكاوى كان من 2009 الى 2011

ده لا يمنع ان بيحصل مشاكل مازالت كما هو واضح بس بالضمان الى معاك و لو عرفت تمدوا 5 سنين فدى ضريبه بسيطه للتربو و الأداء بتاع الفتيس و المحرك

ده لا يمنع ولا اعترض ان الى عاوز عربيه من A to B بس كده فبراحتو ميجبش تربو و لو كان ادبس فيها فممكن يبعها بعد التصليح او يغير من الوكيل بال1600 العاديه.


على فكره الpowershift فى الفورد و الفولو فى مشاكل بردوا و فى حد مع قريب ليه فى الشغل غير فتيسين S60 حتى الأن فى التوكيل

و ال SMG بتاع بى ام دبليو الى كان ديول كلاتش و بينزل فى الهاى بيرفورمنس بس كان فى مشاكل و موجود على اليوتيوب

و ربنا يسترها على الجميع ان شاء الله و كلنا نتمنى ان فعلاً المشاكل تنتهى تماماً علشان نقدر نستفاد بالمواتير و التكنولوجيا دى من غير مشاكل ان شاء الله :)

[yasser100]

المشكله مش مشكلة ال dsg بس . المشكله فى فتيسات فولكس فاجن بقالها فتره . من 2009 . برضه ليه صديق معاه جيتا2010 و عامل 30000 كم بس و مش dsg و كل الصيانه فى التوكيل و ﻻ بتاع شد و ﻻ حرق والميكاترونيكس طار برضه بدون اى سبب قبل العيد بيومين . و ضمانه خلص . بس بصراحه التوكيل محترم هايغيره على حسابه ب 20000 جنيه برغم خروجه من الضمان .

[destaroser]

عشان كده انا لما جبت عربيتي فانتازيا ٢٠١١ جبتها مانيوال عشان وجع الدماغ ده

[yasser100]

عشان كده انا لما جبت عربيتي فانتازيا ٢٠١١ جبتها مانيوال عشان وجع الدماغ ده

و الله ما فيه احلى من المانيوال . الاروبيين ما بيركبوش اوتوماتيك .بيركبوا المانيوال فول اوبشن .

سحب و شد زى الفل و مع التكييف و ﻻ الهوا و ﻻصيانه و يقع منك و العربيه موتورها ينتهى و هو سليم .

و برغم انه انا راكب اوتوماتيك و غصب عنى ﻻنه التوكيلات لما يشوفوك بتسال على المانيوال يعتبروك متخلف . و الفئات المانيوال اللى نازله فى الماركات فااااضيه علشان يكرهوك فيها ﻻنه طبعا مستفيد من وراك فى الاوتوماتيك . صيانه و تغيير فتيس عند عمر معين او تغيير العربيه كلها بسبب الفتيس .

[K.Ossama]

و الله ما فيه احلى من المانيوال . الاروبيين ما بيركبوش اوتوماتيك .بيركبوا المانيوال فول اوبشن .

سحب و شد زى الفل و مع التكييف و ﻻ الهوا و ﻻصيانه و يقع منك و العربيه موتورها ينتهى و هو سليم .

و برغم انه انا راكب اوتوماتيك و غصب عنى ﻻنه التوكيلات لما يشوفوك بتسال على المانيوال يعتبروك متخلف . و الفئات المانيوال اللى نازله فى الماركات فااااضيه علشان يكرهوك فيها ﻻنه طبعا مستفيد من وراك فى الاوتوماتيك . صيانه و تغيير فتيس عند عمر معين او تغيير العربيه كلها بسبب الفتيس .

أظن النقطة الأهم اللى قتلت العرببات المانيوال عندنا دلوقتى هى الزحمة الرهيبة اللى إحنا عايشين فيها. فى أوروبا كل فين وفين لما الشوارع بتقف والكلام ده ومش فى كل البلاد، فى بلاد مافيهاش شوارع بتقف أساساً.

[yasser100]

أظن النقطة الأهم اللى قتلت العرببات المانيوال عندنا دلوقتى هى الزحمة الرهيبة اللى إحنا عايشين فيها. فى أوروبا كل فين وفين لما الشوارع بتقف والكلام ده ومش فى كل البلاد، فى بلاد مافيهاش شوارع بتقف أساساً.

و الله مش للدرجه دى يا ريس . الدبرياج و الفتيسات المانيول الحديثه ناعمه قوى . كان نفسي اشترى عربيتى مانيوال فول اوبشن . بس طبعا ده فى الاحلام و المبيعات فى التوكيلات يضحكوا عليك برغم انه اى عربيه نازله بره فيه منها المانيوال فول اوبشن . كل ما هاتقف فى الزحمه و انت راكب اوتوماتيك اعرف انه كل دقيقه بتعدى . بتعدى من عمر الفتيس و على حسابك .

[ahm.mega007]

ربنا يصبرك يارب مش هقولك غير كده وقدر الله ومشاء فعل

[moody_687]

الحمدلله ع نعمة المانيوال اللي فالفيكترا سي الحمدلله
وبصراحة ربنا يعين صاحب الموضوع وقلبي معاك ونصيحة لوجه الله تعالى لو حابب تشتري عربية اتوماتك اشتري الاتوماتك اللي مفهوش تكنولوجي عالية ويكون بسيط
احنا معندناش طرق مؤهلة للسواقة السريعة والطرق المفتوحة عشان الواحد يستخدم الفتيس dsg

[hany63]

و الله مش للدرجه دى يا ريس . الدبرياج و الفتيسات المانيول الحديثه ناعمه قوى . كان نفسي اشترى عربيتى مانيوال فول اوبشن . بس طبعا ده فى الاحلام و المبيعات فى التوكيلات يضحكوا عليك برغم انه اى عربيه نازله بره فيه منها المانيوال فول اوبشن . كل ما هاتقف فى الزحمه و انت راكب اوتوماتيك اعرف انه كل دقيقه بتعدى . بتعدى من عمر الفتيس و على حسابك .

و المانيوال اللي مش بيبوظ زي الصاروخ من الزحمه ؟
لعلمك انا كنت طول عمري محبش الاوتو و مبركبش الا مانيوال لغاية ما غيرت طقم دبرياج مرتين في ٣ سنين بسبب زحمة كوبري اكتوبر وصلاح سالم و اخر مره الدبرياج كان تقيل و محدش عرف السبب لدرجة اني غيرت الطقم لتالت مره بدون فايده قمت قافل منها و بعتها و من ساعتها بركب اوتو

[yasser100]

و المانيوال اللي مش بيبوظ زي الصاروخ من الزحمه ؟
لعلمك انا كنت طول عمري محبش الاوتو و مبركبش الا مانيوال لغاية ما غيرت طقم دبرياج مرتين في ٣ سنين بسبب زحمة كوبري اكتوبر وصلاح سالم و اخر مره الدبرياج كان تقيل و محدش عرف السبب لدرجة اني غيرت الطقم لتالت مره بدون فايده قمت قافل منها و بعتها و من ساعتها بركب اوتو

و الله عندى الريجاتا موديل 85 اول ايد عاملها للمشاوير البهدله و لحاجات البيت و الخضار ههههه . زى الفل . كبيرها ديسك و اسطوانه و يوم ما بغير لها زيت الفتيس بيكون هاين عليها تبوسنى هههه

[hany63]

و الله عندى الريجاتا موديل 85 اول ايد عاملها للمشاوير البهدله و لحاجات البيت و الخضار ههههه . زى الفل . كبيرها ديسك و اسطوانه و يوم ما بغير لها زيت الفتيس بيكون هاين عليها تبوسنى هههه

ربنا يبارك لك فيها و يديمها عليك نعمه

[CosmicOne]

و المانيوال اللي مش بيبوظ زي الصاروخ من الزحمه ؟
لعلمك انا كنت طول عمري محبش الاوتو و مبركبش الا مانيوال لغاية ما غيرت طقم دبرياج مرتين في ٣ سنين بسبب زحمة كوبري اكتوبر وصلاح سالم و اخر مره الدبرياج كان تقيل و محدش عرف السبب لدرجة اني غيرت الطقم لتالت مره بدون فايده قمت قافل منها و بعتها و من ساعتها بركب اوتو

الله اعلم بس انا سمعت زى كلام حضرتك فى منتديات اجنبيه
ان المانيوال حالياً مبقاش بيعيش كتير زى زمان و ان العمر الأفتراضى الكامل للفتيس حوالى 200 الف كيلو

موضوع التقل فى الدواسه و الفتيس و الخنقه دى بالذات بعد استهلاك شويه اتفق معاك فيه ايام ما كان معايا ميجان 1 1999 و من يومها مركبتش مانيوال الحمد لله :)