برجاء المساعده....مشكله في فانتازيا2011

[abdallaam]

السلام عليكم ورحمة الله وبركاته.
انا غيرت الردياتير و السربنتينه و اختبرت دورة التبريد تمام. بس بعد شهر و نص لقيت العربيه جابت alarm الحراره فتحت الكلوت لقيت القرب ناقصك.
زوجته و مشيت و بعد شهر نفس المشكله.
عايز حد بتاع ردياتير كويس .كويييييس. .......
ياريت تفيدوني و تدلوني على واحد شاطر. ..انا ساكن قريب من مصر الجديده و جسر السويس .ياريت لو حد قريب ..حتى بعيد بس يكون فااااااااااااهم
شكرا و ارجو الرد السريع

[abdallaam]

مفيش رد يا جماعه وﻻ ايه.
العربيه مسافر بيها و عايز اصلحها قبل السفر

[طارق _عبد السلام]

ممكن دوره التبريد واخده هوا

[abdallaam]

الف شكر للأستاذ المحترم على الرد.
و متشكرين جدا على كمية الردود الضخمة. ...111 مشاهده و رد واحد!!!!!!!!!! قسم نشيط فعﻻ
انا كده استفدت جامد. فيريت كفايه ردود و نصائح. انا هتعامل و ربنا يسهل أن شاء الله
شكرا قسم سكوداااااااااااااا

[Fadi Ezzat]

انتا زعلان اوى لية افرد محدش كان عارف ردك هيقول اية
المهم
شوف الدتيرة واخدة هواء
ولا فى تسريب بسيط بيخلص المية كل شهر وانتا بتزودها

[Mecha]

لو الهد كويس وفيش نفخ
غير طرمبه الميه

[Moratoz]

مش معني ان محدش رد ان دا معناه تجاهل ولكن اكيد لو حد قادر يفيد برد كان رد ولا حضرتك عاوز اي رد وخلاص - يعني حضرتك عدد مشاركاتك حوالي 70 مشاركة ممكن حضرتك تراجعهم وتشوف كام مرة حضرتك رديت علي حد وحليلته مشكلته او كام مرة شوفت المواضيع وخلاص .
وعلي العموم علشان متزعلش ربنا يوفقك وتلاقي الحل لأني معرفش غير بتاع ردرياتير في فيصل .

[lord_adel]

بس الله الرحمن الرحيم
اولا شوف المراوح شغاله ولا لأ
لو شغاله يبقى دوره التبريد مش واخده هواء
ل مش شغاله يبقى واخده هوا
ثانيا هل ديه اول مرة تنقص فيها المايه ولا بتنقص على طول
ثالثا ممنع منعا باتاً تزويد العربيه وهيه سخنه لازم على الاقل تستنى ساعه وبعدين تفتح القربه براحه بعدين دورعربيه وتزود المايه براحتك غير كده هتاخد منك هوا
رابعا لو عندك تسريب انصحك نصيحه اخويه وعن تجربه هتروح على بنزينه موبل وتروح عن بتاع الزيت وتقله عاوز Stop Leak الامريكى بحوالى 25 جنيه عن تجربه هيقضى على اى تسريب عندك فى دورة المايه
وكل سنه وانت طيب

[abdallaam]

يا جماعة. انا اسف جدا على سوء التفاهم اللي حصل. و شكرا على ردودكوا.
و انا لو كنت عملت كده ده من العشم . ﻻني كل معلوماتي و استشاراتي من ألمنتدى المحترم.
أحباأقدم اعتذاري مره تانيه. و كل سنه وحضرتكم بخير و صحه