سعر فانتازيا 2011

[lovemessenger]

السلام عليكم يا رجاله المنتدى


انا حبيت استشير اصحاب الخبره فى الاسكودا انا قدامي عربيه فانتازيا بيضا خليجي 2011 ماشيه 30 الف كيلو

العربيه مفيهاش خربوش و خاله نادره بصراحه دا غير الاوبشنات العاليه مريات ضم و فاميه و سخنات فى الكراسي و خلافه

صاحب العربيه طالب 190 الف انا مش عارف السعر دا اوفر ولا مناسب لما دورت ع النت لقيت الاسعار مقاربه لمطالب البايع

بس برضو محبتش اخد قراري بناء على اسعار ناس بتبيع انا حابب اعرف رئيكم لو قدامكم عربيه بنفس المواصفات تسوى كدا فعلا ولا كتير

مستني ردودكم و شكراً

[blazer]

الى يدفعك 190 الف فى عربيه مستعمله 30 الف كيلو وموديل 4 سنين فاتو يخليك تزود شويه و تشترى موديل 2015 شكل جديد بمتور احدث و اوسع و شكل حديث و ليها ضمان

[طارق _عبد السلام]

العربيه دى يوم ماتبقى رقم واحد كبيرها 175 لانك بتقول سخان كراسى اتوقع انها هاى لاين فتحه سقف

190 انصحك بزيرو ....

[lovemessenger]

بصراحه مش عجباني الـ a7 انا مستني شويه لما الاوبل انسجنيا تنتشر و اعرف مميزاتها و عيوابها و اغير

يعني تقدرو تقولو دي عربيه مؤقته ممكن اقعدها معايا سنه و عايز اجيب حاجه نضيفه عشان مخسرش كتير

انا لفيت و التجار بصراحه بيطلبو اسعار غريبه يعني شوفت واحده 2012 عامله 105000 و مفيهاش كل الاوبشنات دي و مطلوب 165

ياريت تفاعل اكتر يا جماعه

[AHMEDJUDDY]

اخر الكلام وانتا تبقا كارمه اوي لو هي هاي لاين وفعلا ماشيه 30000كم 180000جم
ويبوس ايده شعر و دقن .

[ابو ابراهيم]

العربية تساوي 180:182 فقط لاغير
ولازم تروح التوكيل عشان العداد
و كدا ممكن تجيب بالفلوس دي 2013 ثاني فئة ووكيل كمان

[EngAhmedSayed]

العربية تساوي 180:182 فقط لاغير
ولازم تروح التوكيل عشان العداد
و كدا ممكن تجيب بالفلوس دي 2013 ثاني فئة ووكيل كمان

صح كلامك
10/10

[طارق _عبد السلام]

بصراحه مش عجباني الـ a7 انا مستني شويه لما الاوبل انسجنيا تنتشر و اعرف مميزاتها و عيوابها و اغير

يعني تقدرو تقولو دي عربيه مؤقته ممكن اقعدها معايا سنه و عايز اجيب حاجه نضيفه عشان مخسرش كتير

انا لفيت و التجار بصراحه بيطلبو اسعار غريبه يعني شوفت واحده 2012 عامله 105000 و مفيهاش كل الاوبشنات دي و مطلوب 165

ياريت تفاعل اكتر يا جماعه

هى ايه كل الاوبشنات دى قول الفئه احنا كلنا بنخمن الفئه

[lovemessenger]

هى ايه كل الاوبشنات دى قول الفئه احنا كلنا بنخمن الفئه

انا مش خبير اوي فى الفانتازيا بس هي تقريبا تانيه فئه مش الكامله

[طارق _عبد السلام]

انا مش خبير اوي فى الفانتازيا بس هي تقريبا تانيه فئه مش الكامله

تانى فئه 190 الف ... ده محتاج رصاصه تفوقه والله

لو جابت له 160 الف يحمد ربنا ايه هى الناس بقت جشعه كده ليه

[طارق _عبد السلام]

وعلى فكره هتلاقى العربيه خليجى كمان اللون الابيض نزل وكيل فى 2012

يعنى واطيه على الارض وتصفيح فيبر ..... العربيه دى مفيهاش غير ميزه اللون الابيض فقط لاغير

عارف حضرتك 2013 فئه تانيه وكيلو متر اقل متتباعش بالسعر ده

البيه بيبيع بسعر 2013 هاى لاين ................يخرب بيت الجشع

[ابو ابراهيم]

اكيد الفئة الاولي
لو طاسات
وتساوي 157 الف لو حالة كويسة اوي ومفيش اى رش 160 الف
بالتوفيق

[lovemessenger]

كل سنه و انتم طيبين يا رجاله طيب انا عايز اعرف فتيس الفانتازيا الـ 2011 دا dsg ولا tsi و ايهم افضل و يستحمل اكتر

[lovemessenger]

وعلى فكره هتلاقى العربيه خليجى كمان اللون الابيض نزل وكيل فى 2012

يعنى واطيه على الارض وتصفيح فيبر ..... العربيه دى مفيهاش غير ميزه اللون الابيض فقط لاغير

عارف حضرتك 2013 فئه تانيه وكيلو متر اقل متتباعش بالسعر ده

البيه بيبيع بسعر 2013 هاى لاين ................يخرب بيت الجشع

ادخل كدا اي موقع عربيات مستعمله انا حاولت اشوف 2013 كسر سمعت ارقام غريبه 225 230 215 على حسب الحاله و الكيلوهات و الفئه

انا مستغرب الاسعار زيك بالزبط بس ناس كتير بتقول اسعار الفانتازيا زادت عشان تفوقت على الموديل الجديد الـ a7 دا اللى سمعته

[طارق _عبد السلام]

ادخل كدا اي موقع عربيات مستعمله انا حاولت اشوف 2013 كسر سمعت ارقام غريبه 225 230 215 على حسب الحاله و الكيلوهات و الفئه

انا مستغرب الاسعار زيك بالزبط بس ناس كتير بتقول اسعار الفانتازيا زادت عشان تفوقت على الموديل الجديد الـ a7 دا اللى سمعته

على فكره اسعار المواقع اغلبها تجار وبتلعب فى السعر براحتهم ميربطكش كلامهم ولا اعلاناتهم يافندم دا انا شفت واحده 2010 الباش بيتكلم فى 200 اللى زى ده متعبروش نهائى

وفيه فعلا ناس بتعرض عربياتها فى المعقول وعلى فكره اغلب العارضين بيبقى مزود من5 الى 10 الاف لو هتمشى ورا المواقع مش هتشترى

حضرتك اللى كلمك فى سعر عربيته بيتكلم فى رقم خرافى والله يافندم قريب جدا واحد عرض على عربيه 2011 بيتى ومحترمه بجد هاى لاين كامله بيتكلم فى 180 قلتله اخرها فعلا 170 او 172 وكان هيبيع بس انا اللى مكنتش عايزها .. وواحده تانيه هاى لاين ابيض بس ماشيه كتير الكلام من صاحبها 170 تاجر خلصها بعد ما اتكلمت فيها .. يعنى انا اقصد انى بتكلم من واقع مش من كلام نت