اوكتافيا a4 98

[a.mohsen]

السلام عليكم
دي اول مشاركة ليا في المندي الرائع ده . ربنا يجازيكوا عنا كل خييير
لسة شاري اوكتافيا a4 98 في عندي كذا حاجة كده عايز اسال عنها :
اول ما بدور بيطلع دخنة من الشكمان لونها ابيض وبعدين بتقطع ؟؟ هل دا دليل ان المكنة خفيفية ؟؟
وهل لما بنشيل غطاء الزيت والعربية سخنة ويطلع دخنة مستمره يببفي دا دليل ان المكنة خفيفة ؟
ولو خفيفة طب المفروض اعمل اية عمره ولا طقم شمبر ولا اغييير المكنة وخلاص
طب سعر الموتور كام ؟؟ انا اللي عندي الموتور الكبير .
كنت بعمل شويه شغل في العفشة والفشجي قالي الاسكترا بترشح زيت بس بسيط ممكن تمشي شوية . سؤالي هية الاسكترا الجديده بكام وهل ممكن تتصلح ولا لا ؟؟
وشكرا مقدماااااا :)

[mo3tazanas]

اولا الف مبروك على العربية وربنا يباركلك فيها
ثانيا اهلا بيك فى المنتدى وان شاء اللة تبقى سعيد معانا
ثالثا بالنسبة للعربية
الدخنة البيضاء اللى انت بتقول عليها ولا تشغل بالك بيها وحتى لو المكنة خفيفة بردو ولا تشغل بالك كل ما عليك انك تراقب منسوب الزيت ولو بينقص ذودة واوعى تفكر تفتح المكنة او تعمل فيها شغل ولا طقم شمبر ولا عمرة ولا اى حاجة لحد لما المكنة اللى عاندك تخلص خالص وتقول انا مش قادرة امشى ..تشيل الشورت بلوك ترمية وتروح تجبلك واحدة استيراد وشكرا على كدة والشورت بلوك دة بيعمل من 4000 الى 4500ج
بالنسبة لـالاسكترا لما تبوظ ابقى روح هاتها استيراد
واى استفسار تحت امرك .....يابلدياتى

[a.mohsen]

الله يبارك في حضرتك
والف شكككككر علي الرد السريع .
بما اننا بلديات بقي . فين المحلات اللي في طنطا اللي ممكن الاقي فيها الشورت بلوك الاستيراد ده ؟
والف شكر ليك يا باشا :)

[mo3tazanas]

اسمع كلامى متدورش على شورت بلوك دلواتى خالص لما المكنة تخلص خالص ياعنى بالميت من سنة ونص لسنتين واوعى تعمل طقم شمبر ولا تفتح المكنة ...اللى بقولهولك دة سابق خبرات
بالنسبة للمحلات عاندك طبعا البهى اللى على السريع وعاندك الشيخ اسامة اللى جانب جامع السلام اللى على الكورنيش

[a.mohsen]

اسمع كلامى متدورش على شورت بلوك دلواتى خالص لما المكنة تخلص خالص ياعنى بالميت من سنة ونص لسنتين واوعى تعمل طقم شمبر ولا تفتح المكنة ...اللى بقولهولك دة سابق خبرات
بالنسبة للمحلات عاندك طبعا البهى اللى على السريع وعاندك الشيخ اسامة اللى جانب جامع السلام اللى على الكورنيش

تمام ياباشا . انا كنت ناوي علي كده برده ان شاء الله سنة ولا اتنين لحد اما تجيب اخرها . بس كنت عايز اعرف بس الاماكن اللي في طنطا .
هو صحيح قطع الغيار بتاعتها في المنصوره ارخص بكتيييير من طنطا ؟؟ اصل الراجل اللي باعهالي قالي متشتريش قطع غيار من طنطا في المنصوره بنصف الثمن .

[mo3tazanas]

تمام ياباشا . انا كنت ناوي علي كده برده ان شاء الله سنة ولا اتنين لحد اما تجيب اخرها . بس كنت عايز اعرف بس الاماكن اللي في طنطا .
هو صحيح قطع الغيار بتاعتها في المنصوره ارخص بكتيييير من طنطا ؟؟ اصل الراجل اللي باعهالي قالي متشتريش قطع غيار من طنطا في المنصوره بنصف الثمن .

انا بصراحة ما بصلحاش فى طنطا اصلا ولا بشترى حاجة من طنطا لانة بهايم ما بيفهموش فى العربية دى انا بصلحها فى القاهرة او اسكندرية وقطع الغيار فى الحرفين ارخص من طنطا بكتير

[a.mohsen]

اة قطع الغيار في المنصورة ارخص من طنطا ومن الحرفيين نفسها وعلي فكرة انا لما قلتلك طقم شنبر مكنتش اقصد انك تعملة دلوقتي طبعا لا انا كان قصدي انه بدل ما تجيب شورت بلوك او تغير ماكينة ممكن تعمل كدة بس دة لما الماكينة تجيب اخيرها

تمام يا باشا . والف شكر علي الرد .