ازاي اسحب هوا من دورة الميه

[ahmad fattoh]

السلام عليكم
انا غيرت ميه في بنزينه بس تقريبا العامل اللي غيرها مكانش فاهم والدورة دخلها هوا
الميه بتغلي في القربة بعد ما اقف(( مش وانا ماشي))
هل حد يعرف طريقه معينة لسحب الهوا ولا اعمل ايه

[ramadan272]

نظريا الهواء اخف من الماء وبالتالى لابد ان يطفو على سطح الماء
فكيف يكون هناك هواء فى دورة التبريد
ارجوا ان يشرح لنا احد هذا الكلام بطريقه علمية بعيدا عن فتاوى الصنيعية

[sala7]

شوف يا استاذي الفاضل
هتفتح قربة الميه و العربية دايرة
و تفكر الخرطوم الصغير اللي داخل على القربة من فوق و تسيبه في الهوا كدا
و تبتدي تعبي ميه في القربة
هتلاقي فقاعات هوا و مية بتنزل من الخرطوم اللي فكيته
هتفضل تذود ميه في القربة كدا لغاية ما تحس ان المية بتنزل من الخرطوم زي الحنفية بدون فقاعات
هتربط الخرطوم تاني
و تزود لحد علامة (max) و تقفل القربة و شكرا
تحياتي

[mody112]

شوف يا استاذي الفاضل
هتفتح قربة الميه و العربية دايرة
و تفكر الخرطوم الصغير اللي داخل على القربة من فوق و تسيبه في الهوا كدا
و تبتدي تعبي ميه في القربة
هتلاقي فقاعات هوا و مية بتنزل من الخرطوم اللي فكيته
هتفضل تذود ميه في القربة كدا لغاية ما تحس ان المية بتنزل من الخرطوم زي الحنفية بدون فقاعات
هتربط الخرطوم تاني
و تزود لحد علامة (max) و تقفل القربة و شكرا
تحياتي

تمام

[ahmad fattoh]

متشكر جدا لحصراتكم
بس طبعاافضل وقت الصبح والعربية باردة تماما

[lord_adel]

اولا : العربيه بتاخد هوء عادى وذلك لأن الريدياتير بالعرض مش بلطول فبلتالى بتاخد هواء بكل سهوله فامهاش اى علاقه بأن الهواء اخف من المايه ولا اى اكلام من ده ولما يحصل كده العربيه لما تبطلها القربه بتفضل تبقلل مش المايه تغلى لأ المايه درجه حررتهاعادى والصنيعيه بيقولو عليها القربه بتنفخ ولو واخده هواء كتير المراوح مش بتشتغل.
ثانيا : الطريقه التى ذكرا العضو sals7 صحيحه ولاكنها لا تفرغ الهواء بشكل كامل فيجب تكرارها اكثر من مرة حوالى 3 - 4 مرات والعربيه بارده جداً "مع العلم بأنها هتهدر منك مياه كتيره".
ثالثا : الطريقه المثلى لتفريغ الهواء من العربيه عى مرة واحدة وبدون هدر مياه من العربيه هي كلأتى:
1- لازم العربيه تكون بارده ثلج
2- تقوم برفع العربيه بالكورك من جنب واحد من الامام "وذلك زى مانا قلت سابقاً ان الريدياتير بالعرض فيسمح للهواء كله انه يخرج من الردياتير" حوالى ثلاث دقائق وبعدين تنزل العربيه ثانى.
3- المرحله ديه مهمه جدا هتفك عدد 2 خرطوم ودول الى هنطع منهم الهواء
الخرطوم الأول ودوة الأهم هتلاقيه فى وسط العربيه ناحيه اليمين هتلاقى وصله كده على شكل حرف T هتلاقيها تحت غطاء الموتور هتلاقيها داخل فيها 2 خرطوم كبار وخرطوم ثالث صغير هتفك الصغير وتفتح القربه تدور العربيه وتستنى لغايه لما الهواء كله يطلع وتركبه ثانى زى ما كان
تفك الخرطوم الثانى الى راجع للقربه وتستنى لغايه لما الهواء كله يطلع ومتنساش تزود كل شويه مايه لو الميه نقصت.

[ahmad fattoh]

متشكر جدا جدا lord_adel بس سؤال بسيط هو الرفع من اي جنب مش لازم جنب معين ،، صح؟
واخيرا الاربة عندي لما ابطل بالاقيها بقللت فعلا بس شوي الميه في القربة بتزيد وبتبدي تطلع الفايز من فايز الاربة وبالتالي الميه بتنقص كل شوية
وهاجرب طريقتك الصبح وهارفع العربية من الناحية اللي فيها ال T والله المستعان
السؤال الاخير
هو انا لو حبيت اخد هوا بالطريقة الاولى اللي ذكرها الاعضاء الكرام مش ممكن بدل ما اهدر ميه اخلي الخرطوم (راجع الاربة) ينزل الميه في الاربة بس من فوق،، بدل مانهدر الميه يعني

[lord_adel]

ممكن ترفع العربيه من اى جنب
ثانيا الخرطوم مش هيوصل للقربه عالشان ترجع المايه تانى للقربه

[sakr_skoda]

مافيش حاجة اسمها هواء فى دورة التبريد دى افتكاسة مصرية الصح انه لابد من وجود ضغط هواء فى دورة التبريد وبيتمركز فى القربة ولاكن بقوة ضغط معينة كى تساعد فى دفع المياه عبر مواسير الريداتير ليصل الى الطلومبة الضغط بيقى مساعد للطلومة ةالهواء كما قلت لابد ان يكون بقوة معينة والزائد لابد ان يخرج من القربة والسؤل عن تلك العملية البلوف الموجودة بغطاء القربة انا عامل موضوع بيشرح العملية دى وادى الرابط****

http://www.nilemotors.net/Nile/417926-29.html#post3875540082

[lord_adel]

مافيش حاجة اسمها هواء فى دورة التبريد دى افتكاسة مصرية الصح انه لابد من وجود ضغط هواء فى دورة التبريد وبيتمركز فى القربة ولاكن بقوة ضغط معينة كى تساعد فى دفع المياه عبر مواسير الريداتير ليصل الى الطلومبة الضغط بيقى مساعد للطلومة ةالهواء كما قلت لابد ان يكون بقوة معينة والزائد لابد ان يخرج من القربة والسؤل عن تلك العملية البلوف الموجودة بغطاء القربة انا عامل موضوع بيشرح العملية دى وادى الرابط****
http://www.nilemotors.net/nile/41792...post3875540082

بلف التنفيس فى الاوكتافيا بيكون موجود فى طرمبه المايه مش فى غطاء القربه

[sala7]

مافيش حاجة اسمها هواء فى دورة التبريد دى افتكاسة مصرية الصح انه لابد من وجود ضغط هواء فى دورة التبريد وبيتمركز فى القربة ولاكن بقوة ضغط معينة كى تساعد فى دفع المياه عبر مواسير الريداتير ليصل الى الطلومبة الضغط بيقى مساعد للطلومة ةالهواء كما قلت لابد ان يكون بقوة معينة والزائد لابد ان يخرج من القربة والسؤل عن تلك العملية البلوف الموجودة بغطاء القربة انا عامل موضوع بيشرح العملية دى وادى الرابط****
http://www.nilemotors.net/nile/41792...post3875540082

معلش ما تزعلش مني احنا اخوات
بس كلام حضرتك غلط .. الموضوع لا علاقه له بالفتكاسات
احتباس الهوا داخل الموتور بين كتلتين ميه في الدوره كلام صح الصح ، ولا غبار عليه
و بيسبب ارتفاع درجه الحراره .. و بيسبب تلف ترموستات الكوع

كلام عملي من احدي شركات فولكس فاجن .. من قلب صاله الصيانه و مهندسين من uk

تحياتي