سؤال في فانتازيا تربو ١٤٠٠ cc

[Amr-farouk]

السلام عليكم ورحمة اللة وبركاتة
عربيتي فانتازيا تربو 1400cc موديل 2013 عاملة 11400 km
في صيانة ال7500 رحت القطامية و عملت الصيانة و قولت لمهندس الاستقبال
اني حسيت بنتشة او هبدة حصلت معايا مرة او مرتين في الفتيس❗️
المهم استلم العربية و دخل رقم الشاسية علي السيستم عندة و قالي اة لازم العربية تبات لبكرة
فسألتة لية قالي رقم الشاسية دة جاي تعليمات من الشركة برة انة يتغيرلة زييت وفلتر للفتيس
وقالي دة هيعالج مشكلة الهبدة او النتشة اللي انا باقول عليها
المهم سبت العربية واستلمتها تاني يوم بعد ما عملوا الصيانة وغيروا الزيت والفلتر للفتيس
وبعد فترة قصيرة لقيت النتشة او الهبدة دي بتتكرر معايا كذا مرة ولاني قلقان من الفتيس لانة dsg
رحت تاني التوكيل واتكلمت من مدير الاستقبال وقولتلة علي اللي حصل وقلقي من الفتيس
المهم قالي ماتقلقش احنا هانكشف علي العربية وهنركبلها ميجا ترونك (حسب كلامة) ودة متعدل و هيحل المشكلة
فسبتلهم العربية تاني و كلموني بعد يومين وقالولي ان الدبرياج هو اللي عامل المشكلة دي و هيغيروة علي حسابهم
المهم غيروة واستلت العربية قبل عيد الاضحي بيومين و مشيت معايا كويس كام يوم وبعدين ظهرت تاني نفس القصة
وهي بالمناسبة بتحصل غالبا لما بتنزل في الغيار من 3 ل 2 فهل دة بيكون طبيعي ولا ده بداية بوظان الفتيس

ارجو الرد من اهل الخبرة واسف علي الاطالة

[Mohamedjetta]

الموضوع بتاعي ده هيفيدك

http://www.nilemotors.net/Nile/444509-dsg.html

اقراه و عمتا النتشه دي ملهاش حل خالص

[Amr-farouk]

الموضوع بتاعي ده هيفيدك

http://www.nilemotors.net/nile/444509-dsg.html

اقراه و عمتا النتشه دي ملهاش حل خالص

شكرا علي الرد
بس هل معني كدة ان الفتيس في طريقة للتلف

[Mohamedjetta]

شكرا علي الرد
بس هل معني كدة ان الفتيس في طريقة للتلف

العفو حضرتك ولا شكرا علي واجب .......لا مش لطريقه لتلف
لو قريت التقرير كويس هتلاقي ان الهبده موجوده ساعت لما جبناها و دلوقت ماشيه 114 الف ومفيش حاجه وحاول تطنش الفتيس و متهتمش بالاصوات اللي فيه و دايما تدقق في مميزات الفتيس ومميزات الموتور زي السحب و القوه وصدقني طالما ركبت عربيه tsi استحيل هتركب اي اوكتافيا 1600

[Amr-farouk]

العفو حضرتك ولا شكرا علي واجب .......لا مش لطريقه لتلف
لو قريت التقرير كويس هتلاقي ان الهبده موجوده ساعت لما جبناها و دلوقت ماشيه 114 الف ومفيش حاجه وحاول تطنش الفتيس و متهتمش بالاصوات اللي فيه و دايما تدقق في مميزات الفتيس ومميزات الموتور زي السحب و القوه وصدقني طالما ركبت عربيه tsi استحيل هتركب اي اوكتافيا 1600

انا بجد متشكر جدا لاهتمامك
هي فعلا العربية كويسة والسحب بتاعها كويس
بس المشكلة ان الطرق في مصر زحمة جدا فالمشكلة دي بتتكرر معايا باستمرار
وانا خايف دة يأثر علي الفتيس
مش عارف اروحلهم تاني في التوكيل ولا اعمل اية

[Mohamedjetta]

انا بجد متشكر جدا لاهتمامك
هي فعلا العربية كويسة والسحب بتاعها كويس
بس المشكلة ان الطرق في مصر زحمة جدا فالمشكلة دي بتتكرر معايا باستمرار
وانا خايف دة يأثر علي الفتيس
مش عارف اروحلهم تاني في التوكيل ولا اعمل اية

لا مش بتأثر الهبده علي الفتيس نهائي وهي فعلا مش بتظهر دايما و لو ظهرت بتظهر في النقله التانيه لما تفرمل
لا متروحش وفكك منهم او شوف هما عاوزين يغيرو ايه وخليهم يغيروا بس اللي هيغيروه ملهاش علاقه بالهبده خالص
حضرتك انت بتسوق العربيه علي s مود ولا المانويل؟ اصل انا لاحظت معظم الهبدات في المانويل
عمتا سوقها علي s مود ولما تفك الزحمه انقل d او خليها زي ما هي علي s
اقولك حاجه تعالي جمب فانتزيا 1600 ودوس نص الدواسه هههههههه هتلاقيه بيصغر في المراية
ربنا يبارلك في العربيه و يحميهالك من كل سوء

[Mohamedjetta]

عفوا حضرتك ومفيش شكرا علي واجب

[Amr-farouk]

لا مش بتأثر الهبده علي الفتيس نهائي وهي فعلا مش بتظهر دايما و لو ظهرت بتظهر في النقله التانيه لما تفرمل
لا متروحش وفكك منهم او شوف هما عاوزين يغيرو ايه وخليهم يغيروا بس اللي هيغيروه ملهاش علاقه بالهبده خالص
حضرتك انت بتسوق العربيه علي s مود ولا المانويل؟ اصل انا لاحظت معظم الهبدات في المانويل
عمتا سوقها علي s مود ولما تفك الزحمه انقل d او خليها زي ما هي علي s
اقولك حاجه تعالي جمب فانتزيا 1600 ودوس نص الدواسه هههههههه هتلاقيه بيصغر في المراية
ربنا يبارلك في العربيه و يحميهالك من كل سوء

انا بسوق علي طول علي d ونادرا لما انقل علي s
عموما هجرب امشي علي s
بس ده مابيكونش غلط علي الموتور؟
واسف اني مصدعك معايا

[Mohamedjetta]

انا بسوق علي طول علي d ونادرا لما انقل علي s
عموما هجرب امشي علي s
بس ده مابيكونش غلط علي الموتور؟
واسف اني مصدعك معايا

لا مش مصدعني ومتقولش كده
بص يا استاذ عمرو
عيب dsg الكلتشات بتاعته بتبوظ بسرعه بسبب انه سبع سرعات وبينقل بسرعه غير عاديه و المشكله بسبب الزحمه فيفضل الفتيس ينقل كتير اوي وبسرعه ..... دلوقت عشان نحافظ علي الكلتشات نقوم في الزحمه ننقل الفتيس علي المانويل عشان نتحكم في مده النقله عشان مينقلش بسرعه او نجيب الفتيس علي s مود وده بيؤدي نفس وظيفه المانويل بس ده مفهوش تعب...... لما نستخدم المانويل او s مود فكده بنخلي الكلتشات تقعد عمر كبير يعني تقعد معاك 60 الف كم و 50 الف كم وممكن اكتر حسب المشواير اللي بتروحها
اما انك تخلي الفتيس علي d في مصر ده هيخليك تغير الكلتشات علي 25 الف يعني بدري اوي و حرام
S مود و المانويل مفهمش مشكله علي الموتور ..... ما لو غلط كان زمان العربيات اللي فتيسها اربع سرعات كانت زمانها باظت بسرعه
اخر حاجه هقولهالك استمتع بعربيتك وحاول متركزش مع اي اصوات عشان نفسيتك متقفلش من العربيه وهي تعتبر زيرو وحاول تتأقلم و دايما افتكر سحب العربية وقوتها

[Amr-farouk]

لا مش مصدعني ومتقولش كده
بص يا استاذ عمرو
عيب dsg الكلتشات بتاعته بتبوظ بسرعه بسبب انه سبع سرعات وبينقل بسرعه غير عاديه و المشكله بسبب الزحمه فيفضل الفتيس ينقل كتير اوي وبسرعه ..... دلوقت عشان نحافظ علي الكلتشات نقوم في الزحمه ننقل الفتيس علي المانويل عشان نتحكم في مده النقله عشان مينقلش بسرعه او نجيب الفتيس علي s مود وده بيؤدي نفس وظيفه المانويل بس ده مفهوش تعب...... لما نستخدم المانويل او s مود فكده بنخلي الكلتشات تقعد عمر كبير يعني تقعد معاك 60 الف كم و 50 الف كم وممكن اكتر حسب المشواير اللي بتروحها
اما انك تخلي الفتيس علي d في مصر ده هيخليك تغير الكلتشات علي 25 الف يعني بدري اوي و حرام
s مود و المانويل مفهمش مشكله علي الموتور ..... ما لو غلط كان زمان العربيات اللي فتيسها اربع سرعات كانت زمانها باظت بسرعه
اخر حاجه هقولهالك استمتع بعربيتك وحاول متركزش مع اي اصوات عشان نفسيتك متقفلش من العربيه وهي تعتبر زيرو وحاول تتأقلم و دايما افتكر سحب العربية وقوتها

انا متشكر جدا جدا لنصائحك ,انا فعلا شاريها زيرو
انا هعمل اللي انتي قولتهولي
واتمني نكون اصدقاء

[Mohamedjetta]

انا متشكر جدا جدا لنصائحك ,انا فعلا شاريها زيرو
انا هعمل اللي انتي قولتهولي
واتمني نكون اصدقاء

العفو حضرتك
وان شاء الله نكون اصدقاء واخوه

[شاهين - بنز]

الفتيس المفروض ميكونش فيه أي نتشة نهائيا راجع التوكيل ومتسبش حقك
العادي بتاعه إنك ممكن تسمع صوت شخللة لحد سرعة ٤٠" وده في كل العربيات بلا استثناء لكن أي حاجةتانية غير كده فده مش طبيعي

[Mohamedjetta]

الفتيس المفروض ميكونش فيه أي نتشة نهائيا راجع التوكيل ومتسبش حقك
العادي بتاعه إنك ممكن تسمع صوت شخللة لحد سرعة ٤٠" وده في كل العربيات بلا استثناء لكن أي حاجةتانية غير كده فده مش طبيعي

لا طبيعي جدا
احنا عندنا النتشه و العضو كورولا ديستروير معاه جولف 7 وبعض الاوقات بتظهر النتشه معاه

[Mohamedjetta]

الفتيس المفروض ميكونش فيه أي نتشة نهائيا راجع التوكيل ومتسبش حقك
العادي بتاعه إنك ممكن تسمع صوت شخللة لحد سرعة ٤٠" وده في كل العربيات بلا استثناء لكن أي حاجةتانية غير كده فده مش طبيعي

اللي مش طبيعي ان العربيه متنقلش لنقله الجايه او يحصل رجه في الطلعه او العربيه مش بتشتغل علي وضع سواء d او r او s

[mo7a_mo7a]

الشكوى دي معناها ان مجموعة الميكاترونكس باظت
لازم تتغير في الضمان
خلك ورا التوكيل قبل ما ضمانك يخلص

ولو حمت خليهم يغيروا الفتيس بالكامل قبل ما الضمان يعدي وتلبس انت فتيس تمنه يعدي 30 الف