مساعدة في شراء فانتازيا

[CobralenS]

السلام عليكم
أنا يا جماعة كنت بفكر أجيب فانتازيا مستعمل وميزانيتي 160 ألف تقريباً ومحتاج حد تكون معاه العربية وفاهم فيها عشان يقوللي أخلي بالي من إيه وأنا بشتريها عشان الواحد ميتضحكش عليه وكمان السعر إللي أنا ناوي أشتري بيه ممكن يجيب فانتازيا محترمة بإمكانيات إيه بالظبط؟

[شاهين - بنز]

160 ألف يجبولك فنتازيا خليجي هاي لاين ٢٠١١ مثلا ماشيالها بتاع ٧٠ ألف كم
وكماليتها كل حاجة من كاسيت تتش لزينون لفتحة لفرش نص جلد إلى آخره...
نصيحة متفكرش غير في الهاي لاين لإن في المستعمل فرق السعر بينهم مش كبير زي وهما جداد
ركز قوي في الكشف عالفتيس وعلى دواخل العربية طبعا

[CobralenS]

طيب أتأكد من حالة الفتيس والدواخل إزاي إزاي أنا مبفهمش في القصة دي
وإيه الكماليات إللي بتفرق عشان أجيب هاي لاين؟

[dr_hady4447]

طيب أتأكد من حالة الفتيس والدواخل إزاي إزاي أنا مبفهمش في القصة دي
وإيه الكماليات إللي بتفرق عشان أجيب هاي لاين؟

تكشف ف التوكيل

[toomagic]

ايه أحسن مكان يكشف على كل مسمار فى العربيه بما يرضى الله؟؟؟؟

[aymaym]

التوكيل ولا شيئ غير التوكيل

[طارق _عبد السلام]

ان شاء الله يجيبوا لك 2010 هاى لاين او 2011 فئه ثانيه.. ولكن الافضل الهاى لاين

اولا تسئل على فواتير العربيه لو لم تكن موجوده هتكشف فى اقرب توكيل لك واسئل صاحب العربيه فيها ايه بالظبط

وعرفه بعدها ان العربيه لو زاد فيها شىء عن ماقاله بعد الكشف فى التوكيل وكان سبب لرفض العربيه انه هيشيل الكشف .. دا بس علشان يجيب لك من الاخر ... وهتجرب فتيسها قبل الذهاب للتوكيل يعنى لانتشه ولا هبده

[dr_hady4447]

ها عملت اية ؟؟ :)

[Cyirx]

انا حاليا بدور برضو علي فانتازيا موديل ٢٠١١ - ٢٠١٢ توب لاين (اليجانس ) و لو سمحتوا لو حد يقدر يفيدني يا ريت عشان انا اتبهدلت مع السماسرة و التجار
و أحب اشكر القائمين علي قسم الاسكودا عشان بصراحة هم فعلا مسبوش حاجة في اي موضوع الا و ردو عليها بما يرضي الله .

[dr_hady4447]

انا حاليا بدور برضو علي فانتازيا موديل ٢٠١١ - ٢٠١٢ توب لاين (اليجانس ) و لو سمحتوا لو حد يقدر يفيدني يا ريت عشان انا اتبهدلت مع السماسرة و التجار
و أحب اشكر القائمين علي قسم الاسكودا عشان بصراحة هم فعلا مسبوش حاجة في اي موضوع الا و ردو عليها بما يرضي الله .

مش قدامك 2010 ؟؟ :)

[Cyirx]

كان فية واحدة ٢٠١٠ عاملة حوالي ٧٠الف كيلو و فابريكا برا و جوا عدا اكصدام خلفي مرشوش من غير معجون الفئة اللي قبل الآليجانس خليجي كل حاجة عدا مرايات ضم و الفرش نص جلد لونها اسود بس كان طالب فيها ١٧٠ الف جنية وصلتها معاه ١٦٦ و مرضيش ينزل عن كدة

[dr_hady4447]

كان فية واحدة ٢٠١٠ عاملة حوالي ٧٠الف كيلو و فابريكا برا و جوا عدا اكصدام خلفي مرشوش من غير معجون الفئة اللي قبل الآليجانس خليجي كل حاجة عدا مرايات ضم و الفرش نص جلد لونها اسود بس كان طالب فيها ١٧٠ الف جنية وصلتها معاه ١٦٦ و مرضيش ينزل عن كدة

كتير 166

مفهمتش معنى ( الفئة اللى قبل الاليجانس ؟؟ ))

[Cyirx]

يعني هاي لاين خليجي مفيهاش مريات ضم كهربا و الفرش نص جلد

[dr_hady4447]

يعني هاي لاين خليجي مفيهاش مريات ضم كهربا و الفرش نص جلد

تمام

وانتا لقيت عربية ولا لسة ؟

[طارق _عبد السلام]

كتير 166

مفهمتش معنى ( الفئة اللى قبل الاليجانس ؟؟ ))

هى هاى لاين بس كاتوجرى b

دى كانت فئه بتنزل فى الخليجى ناقصه زينون ومرايات ضم وسينسور وبكاسيت صغير يعنى بتكون جنط وفتحه سقف فقط وكانت بتتباع فى 2010 ب180 الف جنيه زيرو