مساعدة في شراء فانتازيا

[CobralenS]

السلام عليكم
أنا يا جماعة كنت بفكر أجيب فانتازيا مستعمل وميزانيتي 160 ألف تقريباً ومحتاج حد تكون معاه العربية وفاهم فيها عشان يقوللي أخلي بالي من إيه وأنا بشتريها عشان الواحد ميتضحكش عليه وكمان السعر إللي أنا ناوي أشتري بيه ممكن يجيب فانتازيا محترمة بإمكانيات إيه بالظبط؟

[dr_hady4447]

متابع

[Moratoz]

اعتقد 2010 تاني فئه وثالث فئه واهم حاجة متستعجلش في الشراء وخد وقتك واتعب شويه علشان تلاقي حاجة نضيفة .
وطبعا الكشف العادي علي الأساسيات أمر مفروغ منه وبعد كدة لابد من الكشف عند متخصص سكودا وفولكس علشان يكشفوا علي الفتيس كشف جيد والتأكد من حاله حساسات الموتور .
وربنا يوفقك للأصلح

[طارق _عبد السلام]

المبلغ يركبك 2010 هاى لاين

دور على عربيه بتأنى وياريت المعارف يساعدوك بعربيه تكون بيتى.. اهم حاجه الحاله العامه وتشترى عربيه شبعانه . وبتتصين فى الميعاد ولازم كشف عند متخصص سكودا يعملك تقرير عن العربيه

[CobralenS]

شكراً للإهتمام طيب فين المراكز إللي أثق في رأيها إللي أكشف عليها فيهم وهل هنا مركز في ٦ أكتوبر مثلاً والمبلغ ده يجيب واحدة ماشية كام كيلو عشان أكون متطمن مثلاً؟

[طارق _عبد السلام]

ماشيه كم كيلو دى مش مضمونه غير بصيانات منتظمه بفواتير او عربيه من حد معرفه وانت عارفها كويس

لكن غير كده الله اعلم بالذات مع التجار بيضربوا العداد .. المهم عندك حاله العربيه هى اللى تقولك... انا كان معروض على فانتازيا 2010 وكيل حاله بجد بس عدادها ملعوب فيه رسمى كانت مع تاجر العربيه ماشيه 57 الف فى العداد وطلعلى فواتير الصيانه هو افتكر انى هفرح بالفواتير اخدتها وشوفتها بتأنى لقيت ايه .. لقيت آخر صيانه كانت صيانه الخمسين الف فعلا .. بس كانت نعموله فى شهر 3 ---2012 -- واحنا فى اخر 2014

وفيها توكيلين كمان .. فدى عدادها مضروب رسمى... قلتله نهايتها 160 ومشيت بس بصراحه حاله وكلها فابريكه وكمان وكيل مش خليجى ..

[CobralenS]

طيب أعرف إزاي إن العداد مش ملعوب فيه لو كانت حالتها تمام ومفيش فاتير الصيانة زي حضرتك هل لما بيكشفوا عليها في التوكيل مثلاً بيقدروا يعرفوا ولو في مركز لصيانة أوكتافيا هل هيقدر يعرف مثلاً؟

[طارق _عبد السلام]

طيب أعرف إزاي إن العداد مش ملعوب فيه لو كانت حالتها تمام ومفيش فاتير الصيانة زي حضرتك هل لما بيكشفوا عليها في التوكيل مثلاً بيقدروا يعرفوا ولو في مركز لصيانة أوكتافيا هل هيقدر يعرف مثلاً؟

مش هتتعرف غير بالفواتير او تعرف صياناتها كانت فى اى توكيل وتسئل هناك على اخر صيانه اتعملت امتى وكانت كم كيلو
بس فيه دلائل لمعرفه حاله العربيه يعنى بالصدفه البحته النهارده اتفرجت على اوكتافيا 2008.. 40 الف كيلو.. حاله العربيه بتقول انها فعلا كده اول حاجه طاره الدريكسيون ماشاء الله عليها محببه ومفيهاش اى لمعه من كثره الاستخدام مساند اليد فى الابواب جديده جدا الطابلوه دواسه البنزين العربيه من الخارج فابريكه والخدوش لاتذكر العربيه استخدامها بسيط ومش عايز اقولك انى باذن الله هاخد العربيه دى باى طريقه او باى سعر بجد شوفت اوكتافيا كتير مشفتش الحاله دى مع ان لامعاها فواتير ولا حتى هدخلها توكيل للكشف هكشف على ايه فيها..بس ادعى ربنا يرقق قلب صاحبها على فى السعر..لانه هيشوط :)

مضمون كلامى ان حاله العربيه هى اللى تقول ميشغلكش العداد كتير لان اللعب فيه سهل جدا

[zangry]

وهتضحي بالكارينز ياطارق باشا :d

[dr_hady4447]

مش هتتعرف غير بالفواتير او تعرف صياناتها كانت فى اى توكيل وتسئل هناك على اخر صيانه اتعملت امتى وكانت كم كيلو
بس فيه دلائل لمعرفه حاله العربيه يعنى بالصدفه البحته النهارده اتفرجت على اوكتافيا 2008.. 40 الف كيلو.. حاله العربيه بتقول انها فعلا كده اول حاجه طاره الدريكسيون ماشاء الله عليها محببه ومفيهاش اى لمعه من كثره الاستخدام مساند اليد فى الابواب جديده جدا الطابلوه دواسه البنزين العربيه من الخارج فابريكه والخدوش لاتذكر العربيه استخدامها بسيط ومش عايز اقولك انى باذن الله هاخد العربيه دى باى طريقه او باى سعر بجد شوفت اوكتافيا كتير مشفتش الحاله دى مع ان لامعاها فواتير ولا حتى هدخلها توكيل للكشف هكشف على ايه فيها..بس ادعى ربنا يرقق قلب صاحبها على فى السعر..لانه هيشوط :)

مضمون كلامى ان حاله العربيه هى اللى تقول ميشغلكش العداد كتير لان اللعب فيه سهل جدا

بيتكلم ف كام ؟؟

[طارق _عبد السلام]

وهتضحي بالكارينز ياطارق باشا :d

ضحيت بيها بس رجعت فى كلامى تانى مش حبا فى الكارينز هى اصلا متتحبش عربيه مكلكعه على الفاضى

بس الاوكتافيا طلع سعرها وهمى انا كنت عارف انها هتكون عاليه بس مش كده خاااااااااااااااااااالص

[طارق _عبد السلام]

بيتكلم ف كام ؟؟

بلاش اقول يادكتور لان ممكن واحد معاه عربيه على قدها يقارن بينهم فى السعر ونخلى ناس معاه عربيه ميعرفوش يبيعوها وناس تانيه عايزه تشترى يلبسوا فى سعر عربيه


بس بجد لاول مره اقف قدام عربيه ميطلعش فيها ملحوظه حتى وكنت مستعد انى ادفع اكثر من سعرها السوقى وهكون مبسوط جدا والعربيه فعلا حاله متتكررش بس سعرها طلع وهمى بالنسبه لموديلها وفئتها

[zangry]

عايز ١٥٠؟

[CobralenS]

يا جماعة أنا قدامي واحدة موديل 2011 ماشية 31.000 كيلو فئة ثانية من غير فاتحة سقف ومن غير بلوتوث ولا مرايات ضم ولا بخاخات بس حالتها ممتازة دي سعرها يعمل كام دلوقتي

[dr_hady4447]

بلاش اقول يادكتور لان ممكن واحد معاه عربيه على قدها يقارن بينهم فى السعر ونخلى ناس معاه عربيه ميعرفوش يبيعوها وناس تانيه عايزه تشترى يلبسوا فى سعر عربيه


بس بجد لاول مره اقف قدام عربيه ميطلعش فيها ملحوظه حتى وكنت مستعد انى ادفع اكثر من سعرها السوقى وهكون مبسوط جدا والعربيه فعلا حاله متتكررش بس سعرها طلع وهمى بالنسبه لموديلها وفئتها

عارف والله ياباشا

بقالى شهرين دايخ ما بين الاوكتافيا والبى ام

واللى موجود هلكان والنظي صاحبة بيغنى مفكرنا واقعين وهنشترى اى حاجة !!

والمشكل لما تيجى تتكلم معاه وتقولة سعر السوق يقولى اصل عربيتى معرفش اية

معرفش ليه الناس دى مبتحطش نفسها مكان الشارى

او انها تبقى بتشترى فى يوم من الايام وتعامل ضميرها :(