احتاج خبرة مالكى اوكتافيا a5

[eslam1965]

انا مشترك جديد في باب سكودا وعندى مشكلة بسيطة في اوكتافيا a52008 اتوماتيك ا
لأولى :عند سرعة 20-40 بحس بدربكة تحت رجلى في العفشة واهتزاز ونحر وخشونة دى كلها توصيف للحالة واrbm بيكون تقيل شوية لما اعدى السرعة دى النقلات بتكون سريعة والسرعة بتستجيب لواسة البنزين ولكن الخشونة والهزة شغالة
تانى مشكلة :اهتزاز الموتور في وضعية الفتيس (n,p) ولايحدث ااهتزاز للموتور على (r,d)
مع العلم اننى عامل صيانة 60000 يعنى زيت فتيس تمن الكيلو 280 وزيت ماكينة شل 5000 وبوجيهات اصلى وسيور اصلى (كاتينة وتكييف)وفلاتر زيت وهوا وتكييف
ارجو التكرم باهل الخبرة افادتى واروح لمين بالضبط اكفأ ميكانيكة وعفشجية اوكتافيا

[eslam1965]

والله حرم مفيش حد يساعد واحد غرقان 37 شافو ومش عايزين يشاركوا ليه طيب فيه حاجة غلط عندى

[moumen_hs]

ياباشا أكشف فى التوكيل افضل بدل فتى الصنايعية صدقنى المصنعية للعربية دية برا التوكيل غالية وفتى كتير أنما التوكيل هيشخص العيب لو ظبط موتور افضل التوكيل وأعرف التشخيص بالضبط والتكلفة وابقى أعملها برة لو كتير بس تبقى عرفت العيب وتكلفتة وبعدين زيت 5000 حرام عليك أنت بتقول لسة مغير زيت الفتيس على 60 الف

[eslam1965]

زيت شل 5000 كيلو هو ايه الغلط في كده

[m07mad]

متااابع

[shiko85]

والله حرم مفيش حد يساعد واحد غرقان 37 شافو ومش عايزين يشاركوا ليه طيب فيه حاجة غلط عندى

حضرتك الأعضاء الأفاضل شافوا عنوان الموضوع دخلوا يعرفوا ايه المشكله و لو كان حد منهم عرف الحل كان رد على حضرتك
مش كده احسن من حد يقولك اعمل كذا او غير كذا و يطلع غلطان و تخسر فلوس زياده و المشكله تفضل بدون حل و ممكن تظهر مشكله تانيه !!!

[طارق _عبد السلام]

الاول مرحب بيك فى قسم سكودا

ونعتذر على التاخر فى الرد لكن انا مثلا عضو فى القسم لو دخلت موضوع وحسيت انى ممكن افيد بشارك برأيى لكن لو معرفتش المشكله بتجنب الرد لعدم توريط وتشتيت المستفسر

الموضوع عند حضرتك محتاج كشف بالاخص موضوع الفتيس والهزه فى الموتور
لكن الرجرجه فى السرعات البطيئه دى بتكون بالاكثر كبالن داخليه... فاالافضل واحد حريف سكودا يكشف على عربيتك يفيدك وان شاء الله الموضوع يكون بسيط وعرفنا النتيجه لافاده اى زميل تصادفه المشكله مستقبلا

[طارق _عبد السلام]

وبلاش شل 5000 خليك فى ال10000... لانه تخليقى حرام تحط زيت معدنى للموتور ده

وهل حضرتك غيرت فلتر فتيس مع تغيير الزيت للفتيس ؟

[lord_adel]

الدربكة ديه على السرعة البطيئة كبالن
وبالنسبه هتزاز على n , P فهو اهتزاز بسيط وده عادى جدا موجود فى كل الاوكتافيا والفكرة انه مش موجود على d , r لأنك بتعشق الفتيس
ولو الاهتزاز كبير يبقى تكشف على قواعد الموتور والفتيس

[eslam1965]

فعلا موقع محترم واعضاؤه كمان
اشكركم على حسن تعاونكم معى

[eslam1965]

انا اسف على تأخير لانى كنت مشغول مع الصنايعية

[eslam1965]

مشكلة رجة في السيارة وخشونة تحت القدم اليمنى تماما هي مشكلة كوبلن داخلى وتظهر اكتر في السرعة المنخفضة مابين 20:40

[eslam1965]

رحت لناس كتير اكدولى انها راس كوبلن داخلى الا واحد فقط حل الغجلة اليمين وشاف لاقى ان الجلدة مقطوعة ومفضية كل الشحم تقريبا قالى جلدة كوبلن وشحم حرارى وتعالى جبت جلدة كوبلن ب 80 اصلى وشحم skfوروحتله وقولته خالى بالك كل الناس بتقول انه راس كوبلن وانت بتقول جلدة قالى يابيه انا عارف شغلى لو راس كوبلن هتلاقى العربية الهزة يمين وشمال كان العربية معومة هفك ووريك راس الكوبلن فتح وورانى قالى طالما الصليبة فيها شحم وراس الصليبة ماتكلش خلاص سليم وكمان شوف راس الكوبلن فيه حته بارزة قالتى لو اتكلت يبقى دليل ان راس الكوبلن بايظة
ركب ياعم وخلاص اتحلت مشكلة الكوبلن العربية ناعمة ومفيش ونة ولا رجة ولا خشونة

[eslam1965]

نيجى بقه على العيب التانى العربية الموتور فيه هزة شديدة
وريتها لميكانيكى حلف بايمانات مغلظة ان العيب هو قاعدة فتيس جبت له قاعدة فتيس وركبها وكان سعرها 400 جنيه ماركة vike المانى بعد ماركب المشكلة هي هيا بدا يتهرب منى ده عيب بوجيهات ده عيب سلوك ده عيب ايديال ده عيب سير كاتينة المهم لما شوفته بدا يرمى في الكلام قلت هيشتغلنى ومااشترتش اى حاجة علشان مااخسرش على الفاضى

[eslam1965]

الأساتذة الكبار وخصوصا العضو النشيط ا/ عبد السلام بعد اذنك تشرحلى لو العيب في البوابة او الانجيكشن او الايديال يعمل هزة في موتور السيارة ورجة شديدة والعربية مش متلتة مع العم انى مغير بواجى من أسبوعين وكان فيه سلك بوجيه قالى ده بايظ وغيرته ومفيش اى نور طلع في التابلوه