اوكتافيا a4 ميا التبريد

[hobz]

صباح الخير
بعد 6 سنوات من العمل بدأت الرى علامة نقص المية على العداد
كشفت على العربية مرتين ضغط دورة المياة لم يجدوا مشكلة غيرت غطا القربة مفيش فايدة
لا الرى اى تسريب ظاهر او مياه تحت العربية و مؤخراً تركت السيارة مركونة 10 ايام لداعى السفر و رجت لقيت المية ناقصة بشدة
فى حد قابل المشكلة دى يقدر يساعدنى ؟
شكراً

[lord_adel]

طبعا لازم يكون فيه تسريب
انا كان عندى مشكله زيها وطلعت من الردياتير الفبر بتاعه كان فيه شروخ صغيره مكانتش بتبان غير بالتدقيق
المهم روحت وغيرت الفبر بتاع الردياتير (وكانو غاليين) بصراحه كنت متضايق بعد لما عرفت ان ثمن الفبرتين مقرب من ثمن الريدياتير نفسه المشكله اتحلت وبعد شهرين رجع النقص تانى فواحد صديق قالى فى حاجه بتتحط فى القربه و العربيه بارده وتمشى بيها مشوار بتاع نص ساعه وتقضى على التسريب سألته اسمها ايه او بتتباع فين افاد لا يدرى ؟؟؟ المهم اخدت المعلومه عالشان انا مدمن ناشونال جيوغرافيك وكنت شوفت برنامج فيها من زمان كان اكتر من رائع بخصوص الاعطال المفاجأة للسيارات اثناء السفر فمنها لو الميه نقصت منك وانت مسافر تفتح غطاء الردياتير وتجيب بيضه نيه وتحطها فى الردياتير وهتقضى على التنفيس . المهم وانا بغير زيت عند موبيل سألت الفنى المختص قالى انها موجودة وامريكى الصنع قلت ثمنها كام قالى 25 جنيه قلت اجرب مع انى كنت ناوى اغير الردياتير كله بس قلت اجرب بس هوة قلى سبها شهر عالشان تشتغل كويس "شهر كامل ... حسيت انها اشتغاله " المهم قلت اجرب مش هخسر كتير ... والله العظيم بعد اسبوع من التجربه "تقريبا" رجعتله وشكرته مع انى كنت فاحت العربيه مشوير ومش مصدق نفسى (للمعرفه هيه اسمها ebro stop water leak) انا عن نفسى جربتها ونفعت معايا لو مش عاوز تجرب .
ممكن تضغط دورة التبريد وشوف الوصلات او الفبر بتاع الريدياتير وتشوف العطل منين وتغيره على طول وتريح دماغك .

[hobz]

رحت مرتين ضغطت و ما لقيناش حاجة انا شاكك ان غطا القربة بينفس و فيه شرخ صغير فى القربة انا مشتبه فيه

[lord_adel]

هوة اكيد الشرخ دوة الى فى القربه غير القربه وان شاء الله تتحل المشكله عالشان بيخليها على طول تاخد هوا

[hobz]

انا غيرت غطا القربة جبت واحد من الهاشمية ب 110 اللى عندى كنت جايبه من ش دمشق ب 35 جم بقي لى يومين الميه محافظه على نفس المستوى فى القربة خصوصا بعد ما رحت غسلت دورة التبريد في البنزينة و طلعت املاح كتير عموما لو العيب رجع حيبان خلال اسبوع

[ehabamin2009]

كان عندي نفس المشكلة و طلع في شرخ في الكوعة اللي بين الموتور والوصلة الداخلة على الريداتير

[hobz]

للأسف المشكلة لسة موجودة بعد ما غيرت غطا القربة بس دلوقتى بتنقص كل 10 ايام او اسبوعين و مفيش اثر لمياه فى اى حتة ف هى فى الغالب بتخرج بخار

[mo3tazanas]

انت بتحط ماية حنافية ؟؟؟؟ فى العربية

[hobz]

الحقيقة مية حنفية و اشتريت مية مؤاخراً بس مستنى العيب يتصلح عشان استخدمها

[mo3tazanas]

الحقيقة مية حنفية و اشتريت مية مؤاخراً بس مستنى العيب يتصلح عشان استخدمها

دة انت ربنا كرمك من وسع الـ6سنين دول ....بوس ايدك بقى شعر ودقن

[hobz]

طب شوية شرح حضرتك
:)

[Solyman Timber]

كان عندي نفس المشكلة
روحت التوكيل قالولي كوع وش السلندر بيسرب مية وعايز يتغير
غيرته وبقى كلة تمام

[hobz]

بعد ما رحت التوكيل غيروا لى القربة و الغطا و القربة فيه شرخ فى النص التحتانى دقيق جدأ و ممكن تحت الضغط و الغليان يفتح و الوضع اتحسن بس المياه لسة بتنقص بس بمعدلات اقل كتير اعتقد انى يمكن احتاج ازود بعد شهر مثلا بس كده يبقي لسة ماتحلتش جذرياً

[hobz]

اخيرا رحت ورشة فى العرب ناحية جسر السويس و المشكلة اتحلت من اسبوعين بعد تغيير طلمبة المية و غيرت للمية الحمرا بدل مية الحنفية