عيوب سكودا a7

[mahmouddiaa]

يا جماعة دي بعض العيوب اللي في ال a7 عامة من كلام اصحابها
1-عفشة ناشفة في المطبات و ثبات اقل من الفانتازيا بسبب نظام التعليق التورشن بيم
2-ضعف سحب العربية في البداية خصوصا مع التكييف
3-سوء جودة العزل مع السرعات العالية
4-صوت في الفرامل
5-ناس كتير اشتكت ان طرمبة البنزين باظت
6-بعض الاعطال في الاضاءة
انا كنت ناوي اشتري العربية ديه بس محتاج اطمن الاول عشان هي مش رخيصة..يا ريت يا جماعة اللي يتكلم عن ثبات العربية يقول بالمقارنة ب انهي عربية....شكرا

[Mohamedjetta]

حضرتك لو انت راكب سيراتو زي ما مكتوب في البروفايل يبقي بنسبه 70% مش هيعجبك سحب الاوكتافيا
انا لما كنت بركب الجيتا وبعديها اركب الالنترا كنت بحس بالفرق اوي ومبقاش طايق اركب الجيتا
بس كل ده مقابل ثبات ..... انا لو مكانك اجيب السيفك اداء رياضي وثبات و شيك و اعتماديه عالية وبدون عيوب

[Mohamedjetta]

انشاء الله صحاب العربيه هيفدوك بس حكايه سحب الاوكتافيا متأكد منها لان عربيتنا الجيتا 102 حصان مع فتيس dsg اللي عزمه اقوي من الفتيس اللي في a7 وبحس ان الجيتا مع التكيف سحبها بيقل كتير ولازم تحرق عليها

[Mecha]

سؤال للاخوه ,لاحظتكم مهتمين جدا بموضوع السحب لسيارات تعتبر اقتصاديه تحت 2000 cc ,فين الشوارع والطرق في مصر اللي ممكن السحب يجرب ؟؟؟

[Mohamedjetta]

سؤال للاخوه ,لاحظتكم مهتمين جدا بموضوع السحب لسيارات تعتبر اقتصاديه تحت 2000 cc ,فين الشوارع والطرق في مصر اللي ممكن السحب يجرب ؟؟؟

فيها ايه يعني لما يسأل
السحب مهم جدا في مصر لان الواحد بيتعرض لمواقف كتيره جدا بيحتاج فيها قوه العربيه ومثال علي ذلك لما واحد رخم غرضه الاذيه وعاوز يلبسك وقتها الواحد يا اما هيفرمل وممكن ميلبسش ولو عربيته سحبها حلو هيقوم عامل كيك داون وهيعدي منه زي الصاروخ.... لو عربيتك بطه هتلاقي اي عربيه بتحاول تلبسك او متعرفش تنقذك من مواقف خطيره

[ahmed sa3ed]

زى ما ردينا يباشا عليك فى الجروب عالفيس
انتا مجمع حالات فرديه وارد بتحصل ومجمعها على انها عيوب رئيسيه

[طارق _عبد السلام]

سحب الايه سيفن احسن من الفانتازيا

التورشن بيم معاه esp مظبط الموضوع شويه

العزل بالمقارنه بالسيراتوا افضل اكيد

السحب مع التكييف لو هتكلم عن الفانتازيا مكنش مؤثر للدرجه دى لما ركبت الكارينز عرفت يعنى ايه عربيه بتموت مع التكييف ومكنتش بحسها بالدرجه البشعه دى فى الاوكتافيا

موضوع طلمبه البنزين مواضيع فرديه بالنسبه لانتشار العربيه

[Mohamedjetta]

سحب الايه سيفن احسن من الفانتازيا

التورشن بيم معاه esp مظبط الموضوع شويه

العزل بالمقارنه بالسيراتوا افضل اكيد

السحب مع التكييف لو هتكلم عن الفانتازيا مكنش مؤثر للدرجه دى لما ركبت الكارينز عرفت يعنى ايه عربيه بتموت مع التكييف ومكنتش بحسها بالدرجه البشعه دى فى الاوكتافيا

موضوع طلمبه البنزين مواضيع فرديه بالنسبه لانتشار العربيه

حضرتك جبت الكارنيز ليه في الموضوع !!! دي مش سيدان
قارن بقي بين سحب السيراتو بالتكيف و سحب الاوكتافيا بالتكيف وهتعرف مين اللي بيموت!!!

[mnashat77]

فعلا سحبها هيكون اضعف من الكيا بس ثبات اكيد افضل

[mostafa3000]

أنا شايف ان اغلبية ما قيل عن عيوب العربية كلام مرسل
والدليل هو الانتشار الشديد وندرتها في السوق

[Mohamedjetta]

فعلا سحبها هيكون اضعف من الكيا بس ثبات اكيد افضل

اكيد بس برضو السيراتو ثابته لحد 160 -170 كم/س مع ان فيه ناس تقدر تمشي بيها 220 ومتحسش بحاجه خالص

[riko8888]

لما تلاقوا الاوكتافيا ابقوا متشتروهاش...للمره الثانيه ركاب الاوكتافيا شريحه مجتمعيه وسنيه لا تهتم بالتسارع ولا بالشد ولا بالحرق..والاخ اللى بينصح اشتروا سيفيك ..يشترى سيفيك اللى لسه موديلات 2013 لسه موجوده...وموديلات 2014 محدش بيشتريها..السيفيك كانت عربيه لما كانت يابانى..دلوقتى تركى تشطيب سى..ولا وجه للمقارنه اطلاقا بين الاوكتافيا والسيراتو نهائيا نهائيا نهائيا

[Mohamedjetta]

لما تلاقوا الاوكتافيا ابقوا متشتروهاش...للمره الثانيه ركاب الاوكتافيا شريحه مجتمعيه وسنيه لا تهتم بالتسارع ولا بالشد ولا بالحرق..والاخ اللى بينصح اشتروا سيفيك ..يشترى سيفيك اللى لسه موديلات 2013 لسه موجوده...وموديلات 2014 محدش بيشتريها..السيفيك كانت عربيه لما كانت يابانى..دلوقتى تركى تشطيب سى..ولا وجه للمقارنه اطلاقا بين الاوكتافيا والسيراتو نهائيا نهائيا نهائيا

ع فكره الهوندا عربيه محترمه جدا واعتمادية عن الاوكتافيا واداء رياضي وثانيا لو افترضنا تقفيل تركي مش ياباني محدش اشتكي منها ابدا ولا فيها عيوب
انا نصحت الراجل يجيب سيفك مجبتش سيره انه يجيب سيراتو ... هو بيسأل عن سحب العربيه وبقوله مش هتعجبك طالما كنت راكب سيراتو
تعرف لو توكيلات كيا وهيونداي تنزل العربيه بesp زي الدول اللي بره مكنش حد اتحجج بثبات السيراتو او الالنترا
وانا معاك فعلا 90% اللي بيجبو الاوكتافيا مش بيهتمو بالشد والكلام ده

[mostafa3000]

لما تلاقوا الاوكتافيا ابقوا متشتروهاش...للمره الثانيه ركاب الاوكتافيا شريحه مجتمعيه وسنيه لا تهتم بالتسارع ولا بالشد ولا بالحرق..والاخ اللى بينصح اشتروا سيفيك ..يشترى سيفيك اللى لسه موديلات 2013 لسه موجوده...وموديلات 2014 محدش بيشتريها..السيفيك كانت عربيه لما كانت يابانى..دلوقتى تركى تشطيب سى..ولا وجه للمقارنه اطلاقا بين الاوكتافيا والسيراتو نهائيا نهائيا نهائيا

المشكلة ان اغلب اللي بيقيم الاوكتافيا عمرة ما ركبها ولا ساقها

[طارق _عبد السلام]

حضرتك جبت الكارنيز ليه في الموضوع !!! دي مش سيدان
قارن بقي بين سحب السيراتو بالتكيف و سحب الاوكتافيا بالتكيف وهتعرف مين اللي بيموت!!!

هو انا عملت حاجه عيب لاسمح الله ايه المشكله بتكلم على تجربه لى شخصيه وعن احساسى يعنى هفتى مغلطناش فى البخارى حضرتك

وياسيدى السيراتوا فعلا احسن عربيه فى الدنيا وطياره وثبات محصلش

شكلى فعلا عملت كارثه لما جبت سيره الكارينزفى الموضوع ...شكرا على التوجيه وعلامات التعجب بنتعلم من حضرتك ...