تقرير عن اوكتافيا a7 علشان الافتراءات المستمرة عليها

[ahmed sa3ed]

السلام عليكم
الكلام كتير على الاوكتافيا a7
وللاسف كله كلام مرسل + ومعلش فى الكلمه فتى
دلوقتى بعد ما عملت بالعربيه 6000 كيلو
ااقدر احكم عليها كويس
علشان بس الناس الى بتقول بطه والى بيقول بتخسع مع التكيف وكلام فاضى

عموما العربيه 1600

الموتور مطور عن موتور الفانتازيا
بقى 110 حصان 16 صباب على وزن 1250 بيخلى التسارع بتاعها من 0 ل 100 فى 12 ثانيه وعند التجربه اكثر من مرة الرقم ااتكسر ب 11.5 ثانيه
اين البطه الى يلاقيها يقولى

الثبات
الهاندلينج والثبات بتاع العربيه ممتاز ولا يقل عن الفانتازيا فى شيء ويمكن افضل بسبب خفه الوزن الى مديه تحكم سلس فى العربيه طيب العفشه التورشين دى اثرت فى ايه

العفشه التورشين ماثرة فى الطرق المكسرة بتخلى العربيه فيها اشبه بالتنطيطه ورا ودى مش موجودة فى الفانتازيا

العزل
عزل صوت الموتور جيد
عزل صوت الكاوتش جيد جدا
عزل الهوا متوسط
عزل الصوت متوسط
اجمالى العزل متوسط كان ممكن يكون فى احسن من كدا

طبعا مميزات العربيه
الوسع
ومساحه الشنطه الكبيرة
والخامات المستخدمه اكثر من رائعه
الارتفاع عن الارض ومبتحكش نهائى حتى لو محمل 5 فى العربيه
خاصيه الاوامر الصوتيه والشاشه التاتش عاملين شغل كويس اوى
تكيفها تلاجه وبجد كان مفاجئه لكل الى اشتراها
فراملها احلى ما فيها

العيوب
العفشه ناشفه
نقلات الفتيس يدوب محسوسه خصوصا فى النقلات الاولى بس بعد اول صيانه تقريبا بتختفى
كنت اشتكيت قبل كدا من اصوات تزيييق فى التيل وانا بركن الصوت دا دلوقتى تقريبا اختفى مبيظهرش غير لما بغسل وبقى بسيط مش زى الاول


رجاء رجاء رجاء الى معهوش العربيه ميقلش الى ميعرفوش
العربيه لا بتخسع مع تكيف
ولا ثباتها وحش
والى مش عاجبوا سعر العربيه ياريت يجبلى نفس الامكانيات بسعر ااقل ب 50 الف بدل ماهو عمال يقول حرام فيها الفلوس

تحياتى للجميع

[طارق _عبد السلام]

يااااااااااااااااااااااه كل دى عيوب ومع ذلك العربيه ماشاء الله منشره جدا :)

يافندم العربيه زى الفل ماشاء الله ربنا يبارك لك ويعطيك خيرها ماركه اثبتت وجودها وكفائتها ولها عشاقها

واللى مش حاببها ميهتمش بيها ويريح نفسه وميشتريهاش

[ahmed sa3ed]

يااااااااااااااااااااااه كل دى عيوب ومع ذلك العربيه ماشاء الله منشره جدا :)

يافندم العربيه زى الفل ماشاء الله ربنا يبارك لك ويعطيك خيرها ماركه اثبتت وجودها وكفائتها ولها عشاقها

واللى مش حاببها ميهتمش بيها ويريح نفسه وميشتريهاش

اصل حاجه مستفزة اوى قال هتخسع مع التكيف ليه يجدعان راكبين عربيه موديل 90
العربيه ممتازة جدا وماشاء الله عليها ودا مش كلامى لواحدى دا كلام جروب كامل عالفيس بيستغرب لما بيقرا الكلام على العربيه من ناس مش معاها العربيه

[mnashat77]

العربيه لا غبار عليها ومعروف عن سكودا عنها ثباتها
وعلي فكره خامات التابلوه جميله جدا وتقفيلها رائع
العربيه مش بتعتي بس ركبتها وعجبتني
ربنا يحفظهالك

[islam_gamal50]

يا استاذ احمد اتمتع بعربيتك وسيبك من كل التعليقات السلبية ... لو هتركز على كل حاجه هتتعب ... مالقوش في الورد عيب ... دي مرسيدس مش بتسلم من الانتقادات مفيش عربية كاملة واللي مش عاجباه اوكتافيا مايجبهاش

[smartmina]

100 100 يا باشا الله ينور يا ابو حميد ... بس شكلك شايل من موضوع التكييف دة اوي

[elnakib5]

كلامك مظبوط العربيه ممتازه وفعلا الخامات ممتازه جدا والوسع والموتور 1600 سحبه والتسارع بتاعها جيد جدا وأفضل من الفانتازيا والتكيف شغال أو واقف مفيش فرق العفشه فعلا ناشفه بس معمره وده من رائي مش عيب في العفشه عيب طرق

[ahmed sa3ed]

احلى حاجه انكوا مبسوطين منها وربنا يديكم خيرها ان شاء الله

[Sherif Lotfy]

بالنسبه لتمستوى العزل اللي حضرتك بتقول انه متوسط . هل هو في مستوى عزل الفانتازيا ولا اقل ؟ و لو حضرتك مركبتش فانتازيا ممكن تقارنه بأي عربيه تاني كنت راكبها . شكرا جزيلا

[titos_81]

ياباشا العربيه مع واحد صاحبى و شغاله زى الفل و انا سوقتها اكتر من مره و مبسوط منها جدااااااااااااااا و هو معاه ال 1.4 ال دى اس جى كمان

[Mohamedjetta]

اصل حاجه مستفزة اوى قال هتخسع مع التكيف ليه يجدعان راكبين عربيه موديل 90
العربيه ممتازة جدا وماشاء الله عليها ودا مش كلامى لواحدى دا كلام جروب كامل عالفيس بيستغرب لما بيقرا الكلام على العربيه من ناس مش معاها العربيه

برضو انت مصمم تاخد كلمتي
عمتا انت حر ...... انا شايف اللي قدامي وبقول وجهه نظري

[Mohamedjetta]

المشكله ان اللي مش عاجبه سحبها معظم اللي عنده فانتزيا او a5 و عنده جيتا وعارف
ثانيا كل بتوع الاوكتافيا فهمو تعليقي غلط لاني قولت 130 حصان مع سيراتو بتكيف و 110 حصان مع اوكتافيا مع تكيف فطبيعي تحس ان الاوكتافيا بتموت حتي لو هي اصلا مش بتموت ..... اما لو طالع من عربيه سحبها ضعيف ورايح لاوكتافيا a7 هيحس بفرق جامد و سحبها هيعجبه
والدي كان طالع من لانسر بومه 1300 لجيتا وحس بالفرق اوي وعجبه سحب الجيتا اوي مع انه لما ركب الالنترا اضايق من الجيتا حبتين بس برضو فيه نظرو كويسه......اخويا عنده اوكتافيا a4 ولما يركب عربية بابا الجيتا بيعجبه سحب الجيتا اوي
الصراحه بتوع a7 محسسني اني كاره العربية ومش عاوز حد يشتريها مع اني مرات بالهبل في قسم كيا نصحت ناس تجيب a7 الفئه اللي بين الاولي والتانيه اللي بتنزل بجنوط سبور و كاسيت شاشه وقولتلهم انها احسن من السيراتو الهاي لاين

[mahmouddiaa]

يا جماعة انا مش عارف اختار بين الاوكتافيا و عيوب العزل والعفشة الناشفة اللي فيها و لا استرا بعيوب نتشة الفتيس و الكركرة اللي في الموتور و التوكيل و قطع الغيار...ولا الموضوع مستاهل اجي علي نفسي و اجيب انسيجنيا رغم مشكلة الكاوتش ال 18 اللي بيقوله عمره قصير اوي

[yasser100]

تقرير جميل و حيادى :)

العفشه التورشن بيم مش عيب و ﻻ حاجه بالعكس كل الشركات فى الفئات دى متجهه لها . عفشه حموله . صيانتها سهله . وسع فى الصالون الداخلى و الشركات الكبيره عامله فيها شغل كويس جدا علشان الثبات .

فعلا السعر مبالغ فيه حبتين . الفئه الاولى كان يكفى انها تكون فى حدود 170 او 175 الف و التانيه 190 ل 195 الف . كانت اكلت الدنيا بصراحه . فيه ماركات كبيره و اكتر اوبشن و امكانيات و اقل منها سعريا. عندك الاسترا و الفلوينس و الكورولا و الفورد و السوبارو .

ربنا يبارك لك فيها و تكون دايما سعيد .

تحياتى :)

[moody_687]

تقرير جميل و حيادى :)

العفشه التورشن بيم مش عيب و ﻻ حاجه بالعكس كل الشركات فى الفئات دى متجهه لها . عفشه حموله . صيانتها سهله . وسع فى الصالون الداخلى و الشركات الكبيره عامله فيها شغل كويس جدا علشان الثبات .

فعلا السعر مبالغ فيه حبتين . الفئه الاولى كان يكفى انها تكون فى حدود 170 او 175 الف و التانيه 190 ل 195 الف . كانت اكلت الدنيا بصراحه . فيه ماركات كبيره و اكتر اوبشن و امكانيات و اقل منها سعريا. عندك الاسترا و الفلوينس و الكورولا و الفورد و السوبارو .

ربنا يبارك لك فيها و تكون دايما سعيد .

تحياتى :)

الرأي ده فيه الخلاصة من ناحية سعرها