سكودا رابيد ولا فولكس بولو سيدان

[astars]

السلام عليكم
انا كنت ناوى اجيب عربيه جديدة
وكنت محتار جدا بين السكودا الرابيد اول فئه اتوماتيك و بين البولو السيدان
الاتنين نفس السعر تقريبا و الامكانيات قريبه اوى من بعض
قولت استشير الناس لو حد عندو معلومة ياريت يشاركنى بيها
و شكرا مسبقا

[ibizaman]

الرابيد انتشارها اكتر واوسع وشكل جديد الرابيد القديمه كانت نسخه طبق الاصل من البولو الحاليه

[nagy wassef]

الرابيد تشيكى البولو هندى
الرابيد اوسع و شنطة اكبر
الرابيد شكلها احلى
الرابيد انا جايبها :)

[esp]

شوف السيات توليدو...نفس العربيه و المصنع بس شكل مختلف

[محمود بهاء]

الرابيد جميله جدا

[ibizaman]

فعلا التوليدو افضلهم كماليات وامان اكتر ونفس سعر الرابيد والاتنين متقفلين ف مصنع واحد

[astars]

والله انا مقتنع اكتر بالرابيد بس فيها كام حاجة كدة مش مريحانى
زى انك ماينفعش تتحكم في الزجاج الخلفى من باب السواق ووطبعا العيال مايبتوصوش في اللعب
و ان مافيهاش يو اس بي ابقى راكب عربيه ب 155000 و اجيب مديولاتور
التكييف بكر شكلو خنيق
الموضوع ان مفيش عداد بنزين او عداد حرارة في الفئه الاولى دة بردو مش مريحنى اووى

[kempel]

هات سيات توليدو او هات فورد فوكس اول فئة ب156000 وكماليتها احسن من الرابيد بمراحل