سؤال الي اهل الخبره والتجربه والي المنتدي

[eng_sedeek]

انا محتار جدا ومش عارف اختار ايه ياريت تساعدوني عشان اعرف اخد قرار
انا قاعد في السعوديه وعايز اشتري عربيه بنت حلال وعايز ان شاء الله انزلها مصر
الي نفسي اشتريها هيه اوكتافيا بس للاسف ملهاش سوق هنا خالص
عايز نصيحه كده اشتري ايه
طبعا نصايح الناس الي هنا
1- تويوتا كرولا فئه التانيه تايواني
2- هيونداي النترا فول اوبشن كوري
3-نسيان سنترا فئه تانيه تايلاندي

والعربيات الي انا شفتها هنا وعجبتني

1- الاوكتافيا اول فئه تشيكي (الماني)
2- فورد فوكس تريند الماني وفي هاتشباك منها بس اول فئه امبيانتي


عايز حد يقولي اعمل ايه عشان خلاص انا زهقت

[ابو العينين]

متابع

[eng_sedeek]

فين الناس الي هترد عليه

[TeMoON]

انا من وجة نظرى البسيطة الى على اد معلوماتى ان الاوكتافيا اول فئة فقيرة
والسنترا عربية سحبها ضعيف وفقيرة بردو من جوة ودا على كلام الناس الى جربها
ممكن الفورد تكون اوك بس سوقها فى مصر ضعيف ومفيش عندى معلومات عنها رغم انها عربية محترمه وفخمة
بالنسبة للكورولا عربية محترمة مفيش كلام ولا غبار عليها والى يتاخد عليها فقط انها فى الخليج 4 نقلات فى الفتيس الاتوماتيك انما غير كدا عربية كويسة جدا ومعمرة لاقصى درجة
بالنسبة للكورى من وجهة نظرى عربيات مشي حالك يعنى كماليات وشكل وحركات انما ثبات وامان اضعف من اليابانى
فا حضرتك من الاخر شوف انت حابب اية وعاجبك ومرتاحلة واشترية بس نصيحة لو( الاوكتافيا 7 نقلات dsg ) بلاش منها نهائى

[think_pad]

الأوكتافيا يا باشا وتوكل على الله فيها
عربيه ممتازه
موتور قوي جدا
أوبشن رائع
أمان ممتاز
وبالنسبه للفتيس أنا لحد دلوقتي معنديش أي مشكله معاه والعربيه ماشيه 35000 كيلو ومفيش أي تعليق على الفتيس نهائي

[eng_sedeek]

تمام جدااا الكلام ده ومستني ردود اكتر برده
بالنسبه للكورولا انا معاك عربيه محترمه بس هنا قالقني منها تجميع تايواني مش عارف ده كويس ولا لا
وبصراحه انا الاوكتافيا داخلها دماغي بس خايف من المشاكا الي الناس بتحكي عنها في الفتيس dsg
ياريت حد يفيدنا في مميزات وعيوب العربيه اكتر وربنا يطمنك يا think_Pad

[Moratoz]

شوف الرينو الفلوانس لو نفس الموتور والفتيس الخاص بالنيسان الموجوده في مصر اعتقد اختيار ممكن التفكير فيه