بالصور اول حادثة سكودا a7 على المطب اللعين بجوزيف تيتو

[yasser100]

الواحد بيشوف crash test أكبر من كدا ومفيش حاجة من الكلام ده بتحصل
وبكرر سؤالى للمرة التانية
هو مش بيبقى فيه مصفحة تحت الموتور زى باقى العربيات ولا ايه ؟

ثانيا الراجل ده بيألف
فى حاجة اسمها 260 درجة ؟؟؟

ده هو لو حيلف u-turn ويرجع يبقى كدا عمل 180 درجة , يبقى الـ 260 دى تيجى ازاى !

هل الموتور بالكامل متصفح تحته فى ال a7 ؟ ممكن تكون طارت هيه كمان . يعنى اللى هايخلى الموتور بعلبة الدريكسيون يطيروا مش هايخللى المصفحه تطير ؟

[2CODE]

هل مقنع الكلام دة

دي فضيحة دي



ياراجل يعني اول مره ناخد مطبات ثم ان ايه 80 دي ؟؟؟؟؟؟؟؟

ثانياً سكودا a7 تتقلب بالسهولة دي ؟؟؟؟؟ سيبك انت طيب اتقلبت ازاي الموتور والفتيس يقعوا من مكانهم ؟؟؟؟؟؟

دي عربية بريليانس في مصر وقع موتورها خربوا الدنيا ومع احترامي لملاكها المفروض المفروض المفروض ان سكودا أحسن من بريليانس في جودة التصنيع والتقفيل

لكن باين ان انعدام الضمير وغياب الجودة مش في مصر بس وطرقها لأ برضه في العربيات اللي راكبينها

عايز اقول للاخ اللي كاتب الكلام في الصورة دي انت مش بتفهم اي حاجة ومتعصب للعربية وخلاص او يمكن تبع التوكيل ده اللي يتقال

باين اوي الردائة في التصنيع لما موتور يقع وعربية تتقلب من مطب !!!! ياما اخدنا مطبات يا سيدي !!!! والموتور عمره ما وقع من مكانه

ده أجدع crash test وبيكون على سرعة 90 كمان مش بيقع منه الموتور

كلمة واحده بس هقولها

شكل الـMulti-Link عمل فرق كبير اوي في السكودا !!!!!!! وبلاش تعصبات لماركات ونرحم ارواح الناس شويه

اتقوا الله !!!!

[yasser100]

دي فضيحة دي



ياراجل يعني اول مره ناخد مطبات ثم ان ايه 80 دي ؟؟؟؟؟؟؟؟

ثانياً سكودا a7 تتقلب بالسهولة دي ؟؟؟؟؟ سيبك انت طيب اتقلبت ازاي الموتور والفتيس يقعوا من مكانهم ؟؟؟؟؟؟

دي عربية بريليانس في مصر وقع موتورها خربوا الدنيا ومع احترامي لملاكها المفروض المفروض المفروض ان سكودا أحسن من بريليانس في جودة التصنيع والتقفيل

لكن باين ان انعدام الضمير وغياب الجودة مش في مصر بس وطرقها لأ برضه في العربيات اللي راكبينها

عايز اقول للاخ اللي كاتب الكلام في الصورة دي انت مش بتفهم اي حاجة ومتعصب للعربية وخلاص او يمكن تبع التوكيل ده اللي يتقال

باين اوي الردائة في التصنيع لما موتور يقع وعربية تتقلب من مطب !!!! ياما اخدنا مطبات يا سيدي !!!! والموتور عمره ما وقع من مكانه

ده أجدع crash test وبيكون على سرعة 90 كمان مش بيقع منه الموتور

كلمة واحده بس هقولها

شكل الـmulti-link عمل فرق كبير اوي في السكودا !!!!!!! وبلاش تعصبات لماركات ونرحم ارواح الناس شويه

اتقوا الله !!!!

معاك تماما فى استهبال رده . بس المالتى لينك ما لوش دعوه بالموضوع ده . المطب فعلا صعب و كبير و مع السرعه بالليل هايقلب اى عربيه . العربيه بتطلع بالعجلتين الاتنين سواء اللى ورا او اللى قدام على المطب و طريق مستقيم . المالتى لينك خارج المعادله دى .

[Solyman Timber]

والله لسة واكل مطب بعربيتي ال a4 امبارح
كنت ماشي على 80 في طريق كل يوم بمشي عليه بقالي سنيين يعني المفروض اني حافظ كل شبر فيه ولاقيلك فجأه مطب لسة معمول جديد بس زي جبل عتاقة والحمد لله ربنا ستر

[amr salah eldin]

انه زمن هتدفع يعني هتدفع واعتقدنا اول الامر ان الدفع للاموال فقط لكننا لم نكن نتصور ان مع الاموال سوف ندفع انفسنا وارواحنا تنفيذا لمقولة المخلوع البرئ (مانتو بتزيدو اجيبلكم منين ) , طرق مليئة بالحفر و المطبات التي حتي لو وضعت عمدا ما كانت لتتسبب في مثل هذه الحوادث البئسة ولحصد مزيد من الارواح اطلقوا علينا سيارات النقل والتانكات و المقطورات ومن لم يمت بهذه او تلك لقي حتفه علي يد قطاع الطرق والاسافل , زيادة اسعار المحروقات حتي لتظن انها ستزداد كفائة وجودة لكن هيهات فقد ابرموا عهدا مع الشيطان فزادوها غشا وردائة فسقطت محركات يشهد لها العالم بالنبوغ والريادة وأصبحنا نتخوف من اقتناء السيارات الامنة والتي نلوذ بها من ردائة الطرق وامتلأت شوارعنا بسيارات تفتقد لأبسط مقومات الأمان (فقط لانها سيارات تهضم الوقود الردئ) واصبحنا نقود سياراتنا في شوارع المحروسة كريشة في مهب الريح , زيادة اسعار الكهرباء وقطعها لساعات مما احال بلدنا الحبيب لليل كموج البحر ارخي سدوله علينا بأنواع الأسي و الحسرة علي زمن كنا نعتقد انه اسود (حقا جعلونا نتحسر علي ايام المخلوع البرئ) . والحل ,علينا عدم السكوت علي الخطأ ومكاشفة الفساد بطرق خلاقة وفضح الفاسد مهما كان درجته ومستواه ,علينا بالصبر والصلاة والأحتساب الي ان يقضي الله امرا كان مفعولا .

[2CODE]

معاك تماما فى استهبال رده . بس المالتى لينك ما لوش دعوه بالموضوع ده . المطب فعلا صعب و كبير و مع السرعه بالليل هايقلب اى عربيه . العربيه بتطلع بالعجلتين الاتنين سواء اللى ورا او اللى قدام على المطب و طريق مستقيم . المالتى لينك خارج المعادله دى .

لأ أختلف معاك - نظام التعليق ليه أكبر واهم دور في ان العربية تتقلب من عدمه الفكره مش في المطب لكن الفكره في الصورة العربية مقلوبة ودرجة الحفاظ على الـTraction في الأرض كل ده دوره نظام التعليق

فلما تشوف العربية تتقلب يعني تفقد تماسكها من على الارض لدرجة انها تتقلب دي أكبر دور ليه هو نظام التعليق !!!!!

العربية بتفقد الـTraction بسهولة كده حضرتك وفقدان الـTraction من عدمه ده دور نظام التعليق !!!!!! لكن باين انه سئ اوي اوي اوي

ده طبعاً وسايبين أهم حاجة ان الموتور وقع

[Hany Saad]

للأمانة وبدون أى تحيز و طبعاً قلبى مع صاحب العربية جداً.....
و لكنى سمعت عن نظام الأمان ده من زمان جداً فى المرسيدس بنز و أول ما نزل كان فى ال A CLASS و يطلق عليه نظام الساندوتش.....فى حالة الصدمة الأمامية القوية و علشان الموتور ميدخلش على السائق، طورت مرسيدس فى الهيكل ان فى حالة الصدمات الأمامية العنيفة جداً ينزل الموتور و الجيربوكس تحت البدلات او تحت رجلين السائق فى حاجة أشبه بتجويف
و دى وايكيبديا بتتكلم على الموضوع ده:

Launched at the Frankfurt Motor Show in the autumn of 1997, the W168 A-Class was quite unusual for Mercedes-Benz featuring a front wheel drive layout and unusual tall yet short body. One innovation of the W168 was a frontal-impact absorption system called the "Sandwich" (see patents DE4326 9 and DE4400132 in the name of Mercedes-Benz). In the event of a violent frontal impact, the engine and transmission would slide underneath the floor below the pedals rather than entering the passenger compartment.

اعتقد سكودا ممكن تكون عملت حاجة شبيهه للأمان

تحياتى

[S O P H O S]

لا حول ولا قوة الا بالله

[yasser100]

للأمانة وبدون أى تحيز و طبعاً قلبى مع صاحب العربية جداً.....
و لكنى سمعت عن نظام الأمان ده من زمان جداً فى المرسيدس بنز و أول ما نزل كان فى ال a class و يطلق عليه نظام الساندوتش.....فى حالة الصدمة الأمامية القوية و علشان الموتور ميدخلش على السائق، طورت مرسيدس فى الهيكل ان فى حالة الصدمات الأمامية العنيفة جداً ينزل الموتور و الجيربوكس تحت البدلات او تحت رجلين السائق فى حاجة أشبه بتجويف
و دى وايكيبديا بتتكلم على الموضوع ده:

Launched at the frankfurt motor show in the autumn of 1997, the w168 a-class was quite unusual for mercedes-benz featuring a front wheel drive layout and unusual tall yet short body. One innovation of the w168 was a frontal-impact absorption system called the "sandwich" (see patents de4326 9 and de4400132 in the name of mercedes-benz). In the event of a violent frontal impact, the engine and transmission would slide underneath the floor below the pedals rather than entering the passenger compartment.

اعتقد سكودا ممكن تكون عملت حاجة شبيهه للأمان

تحياتى

ازيك يا ريس وحشنا :) . بس الحادثه دى ما فيش صدمه من الامام و ﻻ حاجه . كل الموضوع انها فقدت اتزانها مع المطب العنيف و اتقلبت . حتى الكبوت و وش العربيه سليم بالكامل . ايه اللى يرمى الموتور بره كده ؟ ده كان ممكن تحصل كارثه لو عربيه تانيه معديه و لبست فى الموتور .

[Hmatchy]

الله يكون فى عون صاحبها وحمد لله على سلامته
المشكله هيا غياب الضمير و ان احنا شع بيرضى باى حاجه وفرحنا بالطريق ده بس انا كل ما امشى فيه احط ايدى على قلبى من الناس اللى بتعدى الطريق
احنا بلد مفيهاش تخطيط يلا هوب وسع يلا هوب اعمل كوبرى
و لما 10 يموتو من اللى بيعدو نعمل مطب و لما 10 عربيات تتقلب نبقى نعمل تحزير قبل المطب
عارفين ايه المشكله ان احنا بنسكت بمجرد ما ينيمونا بالحل بعد المشكله لكن محاسبه المسءول عن المشكله مفيش
اما موضوع الماتور دى فعلا تكنلوجيا اسمها نقاط الانهيار وعلشان نعرف هل ده سيفتى فعلا قام بدوره على احسن وجه فى العربيه ولا العربيه ضعيفه لازم نعرف سرعه العربيه و الحادث حصل ازاى لان طبقا لشهود العيان اللى فى كومنت الفيس ده الحادثه شكلها مكانتش فى الطريق ده واحتمال اصلا مكانش قاصده على عربيه من ام 4 عجلات اللى نعرفها

[M!SHO]

لسه معدي من هناك انهارده

بقول تاني والله يا جماعه ده مش طريق سريع والسرعه فيه ٦٠ وبرغم كده محدش بيلتزم بيها

وانا اولهم انا عمري ما مشيت عليه اقل من ١٦٠ ( قبل الفجر ) وانا مليش في الجري اصلاً بس هو مغري

بس ده مش مبرر انهم يعملوا فيه مطب من غير علامات تحذيريه او اي حاجه

الله يكون في عون الناس اللي أتأذت بسببه

انهارده كانوا قافلين نص الطريق وبيعملوا علامات قبل المطب بس بعد ايه الله يحرقهم

المقصود هنا ان الغلط مشترك سواء البهيم اللي فكر يعمل مطب بدون تنبيه او اللي بيجري والسرعه ٦٠

[raedegypt]

اولا مفيش دوله تعمل مطب صناعى على طريق سريع دة غلط . المطب بيكون فى الطريق الجانبى ال بيصب على الرئيسى . فى دول العالم لما يحدث حادث تلاقى المرور على طول يدرس سبب الحادث فلو فنى وسببه هندسه الطريق تانى يوم يتم الحل لازاله السبب فلو تكرر يدرس الى ان ينتهى اى حادث بسبب هندسه المرور ... فلو لا قدر الله حدث اخر بسبب تانى غير هندسه المرور وليكن عبور مشاه فى هذة المنطقه يتم عمل سياج فى هذة المنطقه تجنب المشاه من العبور وهكذا . سبب مثلا عدم وجود نور وعلامات تحذير كافيه يتم وضعها ..
بخصوص تعديلات الطرق بيحطوا حواجز خرسانيه مؤقته فلو وجدوا مشكله منها سببه الضيق او عدم اريحيه الملف يتم توسيعها شويه ويشوفه وتكرار الا ان يجدوا تمام يتم عمل بلوكات ورصيف بالضبط مكان وضعيه الحواجز النهائى الناجح المؤقته
هو دة الشغل ال ماشى فى اى دوله لكن فوضى دة محتاجه دراسه لان معظمها على فكرة جهل من المسؤلين اكثر منها اهمال

[2CODE]

للأمانة وبدون أى تحيز و طبعاً قلبى مع صاحب العربية جداً.....
و لكنى سمعت عن نظام الأمان ده من زمان جداً فى المرسيدس بنز و أول ما نزل كان فى ال A CLASS و يطلق عليه نظام الساندوتش.....فى حالة الصدمة الأمامية القوية و علشان الموتور ميدخلش على السائق، طورت مرسيدس فى الهيكل ان فى حالة الصدمات الأمامية العنيفة جداً ينزل الموتور و الجيربوكس تحت البدلات او تحت رجلين السائق فى حاجة أشبه بتجويف
و دى وايكيبديا بتتكلم على الموضوع ده:

Launched at the Frankfurt Motor Show in the autumn of 1997, the W168 A-Class was quite unusual for Mercedes-Benz featuring a front wheel drive layout and unusual tall yet short body. One innovation of the W168 was a frontal-impact absorption system called the "Sandwich" (see patents DE4326 9 and DE4400132 in the name of Mercedes-Benz). In the event of a violent frontal impact, the engine and transmission would slide underneath the floor below the pedals rather than entering the passenger compartment.

اعتقد سكودا ممكن تكون عملت حاجة شبيهه للأمان

تحياتى

يا استاذ هاني مفيش نقطة انهيار ولا حاجة ولا تصادم ولا اي شئ !!!!!!!

اللي حصل ده فقدان للـTraction فين التصادم هنا ؟؟؟؟ العربية فقدت تماسكها من الارض بسبب المطب واتقلبت وده كده يبقى نظام تعليقها غير جيد بالمره !!!!!!!!!

مفيش نقطة انهيار لان مفيش تصادم دي مش حادثة ده فقدان للـTraction والعربية اتقلبت

والموضوع ده مش موجود نهائي في البي ام ولا المرسيدس (ولا عمري شوفت حركة زي دي من قبل في اي حوادث حصلت في البي ام او المرسيدس ولا عمري شوفت ان الموتور يقع من العربية) لاني مش شايفه نقطة مفيدة اني اعمل حادثة تروح مبوظلي كل العربية !!!!!!! دلوقتي الوسائد الهوائية متطورة جداً والدعامات الفوزلاية بتقدر تمنع حركة الموتور واعتقد ده بيبان كويس في اي Crash test للبي ام والمرسيدس وبعض الماركات الاخرى اللي بتستعمل دعامات فولاذية حقيقية

[AHMEDJUDDY]

حسبي الله ونعم الوكيل
في المهملين للطرق و شركه سكودا كلها
مره يعملوا موتور تربو و مره موتور 1600 بالفتيس القديم
ومره موتور يقع من عربيه
بالله عليكم لو صاحب العربيه دي جايبها من غير تأمين عليها ومثلا واخد قرض وجابها
بالمنظر ده اللي انا شايفه يعمل ايه. مين هيشيل الليله . يعني موت وخراب ديار .
ارتوك اوتو كنت فيها من 3 ايام وشوفت المفاجاه ان العربيه بالثلاث فئات بقت بتتباع بالدولار نظرا لعدم استقرار اسعار الصرف . يعني شوفت الهاي لاين بكام يا تري ..... ب 38 الف دولار
يا بلاش وبعد ما اجيبها اخد مطب وانا مش واخد بالي الاقي الموتور طار في الهوا
.. بصراحه وللمره المليون بقولها ... الفانتازيا اخر السيارات المحترمه في سكودا ...
وهذه الجمله والله من داخل داخل قلبي ...

[AHMEDJUDDY]

وربنا يصبر صاحب العربيه علي اللي هو فيه
بالذمه و الدين بعد هذا المنظر اللي يحزن .
والله العظيم الواحد يجيله نفس ازاي يفكر ولمجرد فكره انه يشتري عربيه سكودا تااني.
الواحد بيحط نفسه مكان صاحبها . طبعا ضغط و سكر وقتي .
الواحد شقيان في الفلوس سواء قرض او قسط او كاش ويلاقي الموتور و الفتيس في الارض .
طب يشيلهم لحد التوكيل ازاي . طب لما طاروا في الهوا افرض كان في ناس هتعدي او بتعدي الطريق او واقفين او ماشيين علي الطريق . يلاقوا الموتور علي دماغتهم !!!!!!!!
والله العظيم انا نفسي اتسدت من الa7 دي من ساعه موضوع الموتور و الفتيس ده . مع اني كنت معجب
بشكلها جدا بس بعد اللي شوفته الواحد يفكر في مرسيدس او بي ام مستعمله علي خفيف بسعر الa7