تقرير بصيانه 30 الف للفنتازيا بفرع غمره الجديد(مفاجأه)

[zaza2020]

السلام عليكم

حجزت بالتليفون فى فرع غمره لصيانه 30 الف وبالفعل ذهبت فى الموعد المحدد فوجدت استقبال اكثر من رائع ومهندس الاستقبال موجود بالفعل ومنتظر السياره التى موعدها محدد مسبقا

والشئ الغريب ان فرع غمره اصبح منفصل عن التوكيل ( اى ادارة منفصله تماما)

وبالفعل تم عمل اللازم وسألت على اعمال الصيانه الروتينيه فوجدتها هى كالاتى :-

1- زيت توتال 270 + فلتر زيت 65
2- فلتر هواء 145
3- تيل امامى 475 (عند الحاجه)
4- تيل خلفى 400 (عند الحاجه)
5-فلتر تكييف (طبعا مغيرتوش) لاننا داخلين فى فصل الشتاء وانا لسه مغيره من 8 شهور فى صيانه 20 الف
6- فوم غسيل موتور 25
7- منظف انجكشن 15
8- بالكشف لقيت كاوتش كوبلن بيرشح زيت فقمت بتغييرها ب 475
9-جلب المقصات يمين وشمال الاماميه لقيتها بايظه تماما (وهو ده السر الخبطات اللى بسمعها بقالى سنه فى العربيه ولما روحت فرع المقطم لم يفيدونى بشئ )
والحمد لله فى فرع غمره قمت بتغييرهم بسعر 1050 تقريبا

والمصنعيات كلها عملت 850 بعد الخصم وشويه ضرائب تقريبا يعنى اتكلفت بتاع 3500 بعد الخصومات اللى كانوا عملينها

طبعا بصرف النظر انى مفقوع من المبلغ بس الحمد لله راضى عن الصيانه والاعمال والاداء بفضل الله

الملاحظه فى فرع غمره فعليا بدون اى مجامله او دعايه ( اقسم بالله الناس اللى هناك من مهندسين او فنيين بيفهموا جدا وممتازين جد جدا جدا )

كفايه ان كل ده اتعمل فى مده زمنيه قدرها ساعتين ونص


فى النهايه اتمنى للاداره الجديده فى فرع غمره مزيد من النجاح والاستمرار فى الالتزام وارضاء جميع العملاء وموفقين بأذن الله اتعالى

شكرا واسف على الاطاله بس حبيت انقل بأمانه مجهودهم لان من الواجب لما بيبقى فى حد كويس نقول انه كويس ونشجعه وشكرااااااا

[M!SHO]

سعر التيل سواء الامامي او الخلفي ممتاز جداً

لكن معلش انا فيه حاجه مش فاهمها حضرتك 2012 وعامل 30 الف كم ليه تغير جلب المقصات وكاوتشة الكوبلن بالسرعه دي

انا عارف ان ده راجع للاستخدام وطريقة السواقه بس المفروض الحاجات دي تقعد اكتر من كده !!!

[nagy wassef]

مبروك على الصيانة
و انا مع استاذ ميشو العربية لسة ملحقتش تحتاج الحاجات ديه

[speed_magnum]

سؤال صغير
هم بيغيروا جلب المقصات ولا المقصات كلها ؟؟؟

[zaza2020]

سعر التيل سواء الامامي او الخلفي ممتاز جداً

لكن معلش انا فيه حاجه مش فاهمها حضرتك 2012 وعامل 30 الف كم ليه تغير جلب المقصات وكاوتشة الكوبلن بالسرعه دي

انا عارف ان ده راجع للاستخدام وطريقة السواقه بس المفروض الحاجات دي تقعد اكتر من كده !!!

الحقيقه من ساعه ما اشتريتها وانا بغير فيها كل حاجه قبل ميعادها دا كفايه انها بتعمل معايا 150 كيلو فى صفيحه البنزين 20 لتر انا هجنننننننننن خلاص منها

[zaza2020]

سؤال صغير
هم بيغيروا جلب المقصات ولا المقصات كلها ؟؟؟

جلب مقصات يمين وشمال .. وفعلا الصوت اللى كنت بسمعه اختفى بعد تغييرهم وكمان كوتشه الكوبلن

الحقيقه مش لاقى تفسير نهائى على سرعه تغير القطع دى غير انه فعلا جوده انتاج القطعه مبقتش زى الاول او زى زمان بالمواصفات الالمانيه القويه

دا غير ان فى معلومه وصلتنى من واحد ثقه جدا ان قطع الغيار بتتصنع فى الصين وتطلع على التشيك تاخد بانر تانى انتاج تشيكى وتنزل على مصر والحقيه برضه هجنننننننننن