A7 أول فئة

[nadersam]

السلام عليكم ورحمة الله وبركاته
يا جماعة a7 أول فئة مش موجودة فى المعارض خالص حد عندة فكرة أية السبب


شكرا
نادر

[AHMEDJUDDY]

كل اللي انا اعرفه ان ارتوك اوتو بقت بتبع الa7 الثلاث فئات بالدولار
وذلك بسبب تغيراسعار صرف الدولار والاسبوع الماضي كنت هناك فرع القطاميه ولقيت الهاي لاين
ب 38 الف دولار ....

[zangry]

38 الف ! ده استعباط رسمي

[AHMEDJUDDY]

استعباط فوق الرسمي
تقريبا بالمصري 270 الف جنيه او اكتر حاجه بسيطه
ومش عارف علي ايه . وفي الاخر راكب سكودا
هي ماركه محترمه بس السعر عالي.
بالسعر ده ازودهم شويه بسيطه واجيب بيجو 508 الفيس لفت
او فولفو S60 او بي ام 316 مستعمله الشكل الحالي 2013 او c180 موديل 2013 هيكونوا ماشيين تقريبا حاجه وعشرين الف كيلو .

[zangry]

270 اية ياريس .. انهاردة الدولار في السوق السودة بـ٧.٧٠ يعني عدت ٢٩٠ الف !

حرام فيها الفلوس .. ده في عربيات احسن منها وأرخص ! :d

[Hunting_Eagle]

ازاي يعني يبيع بالدولار ؟

هو بمزاجه ؟

[AHMEDJUDDY]

والله العظيم الكلام ده حصل
البيع بالدولار او ممكن تدفع بالجنيه بسعر السوق السوداء طبعا .

[zangry]

انا والدي بيقولي ان دي مخالفة وان مينفعش حد يبيع بعملة غير الجنية .. وان لو حد امتنع عن انك تدفعله بالجنية من حقك تشتكيه

[AHMEDJUDDY]

حضرتك اخذت بالك من اللي انا كنت كاتبه
البيع بالدولار او يحولك بالجنيه بسعر السوق السوداء.
من الاخر هما غلوها بس بيستعبطوا ومش لاقيين مبرر
فعملوا الحركه دي . قال يعني مش عارفين يعملوا ايه لارضاء العميل وقلبهم علينا يا عيني .

[zangry]

العيب علي اللي بيشتريها .. يشربوها بقي بالسعر ده

[esp]

اوسخ و افشل توكيل في مصر...لما يخلي عربيه من فئه c segment تندرج و تحشر نفسها مع d segment بالعافيه علشان ليها سوق...ما الجولف و الليون المفروض نفس اسعارها بره و اغلى كمان و محداش استعبط و نزل الموتور المترب الهي النازله بي ده و العفشه البدائيه و مع ذلك ب٢٩٠ الف بتمن cla s40 dart b 116i 508 insignia passat و يقولك دولار....تقريبا انا كده كفايه لحد هنا علشان التعليق الجي مش هيبقى صوت محترم

[M.Elwan]

ازاي يعني يبيع بالدولار ؟

هو بمزاجه ؟

اغلب التوكيلات بتبيع عربيات منطقة حرة بالدولار انتا تاخدها من عنده وترخصها سياحة او تخلص جماركها وترخص ملاكي
وغبور بيبيع كده وعنده i40 2.0 بيبيعها منطقة حرة دلوقتي

[AHMEDJUDDY]

اوسخ و افشل توكيل في مصر...لما يخلي عربيه من فئه c segment تندرج و تحشر نفسها مع d segment بالعافيه علشان ليها سوق...ما الجولف و الليون المفروض نفس اسعارها بره و اغلى كمان و محداش استعبط و نزل الموتور المترب الهي النازله بي ده و العفشه البدائيه و مع ذلك ب٢٩٠ الف بتمن cla s40 dart b 116i 508 insignia passat و يقولك دولار....تقريبا انا كده كفايه لحد هنا علشان التعليق الجي مش هيبقى صوت محترم

هههههههههههههه . عرف الصوت اللي قصدك عليه
وعادتا . يتكون قبله او بعده كلمه من 3 حروف.....

[طارق _عبد السلام]

الامتناع عن الشراء لفتره هيجبرهم على احترام العميل

خليها تصدى

[AHMEDJUDDY]

قرأت علي ملحق الاهرام بتاع الجمعه
انه من يناير2014 حتي اكتوبر 2014 يعني 10 شهور
تم بيع 240 الف عربيه جديده بعني 1/4مليون عربيه في السنه
وتقولي محدش يشتري.
للاسف البنوك والقسط خلا شراء عربيه اسهل شئ دلوقتي
المشكله ان نفس الشوارع هي هي ونفس الطرق هى هى وكل سنه الشوارع بتزيد ربع مليون عربيه..
ربنا يسترها من عنده .
اما توكيل سكودا والاسعار دي . ده استهبال رسمي ومديين العربيه اكتر من حجمها واكتر من حقها .