بالله عليكو الى يقدر يفدنى فى اسكودا a5 2006 يتفضل

[dezwy]

انا ان شاء الله بشترى سكودا a5 2006 ومحتار بين الفتيس المانيوال والاوتوماتيك حيره ما بعدها حيره مع العلم ان كل الى مخوفنى من الاوتو هى المصاريف وانا اساسا مش بهلك العربيه عشان بفضل راكنها اسبوع طول منا فى شغلى فى الصحرا وتقريبا مش فارق معايا انى اركب مانيول بس كل الى بينصحونى بيقولولى هات اوتوماتيك عشان هو الافضل ومريح وفى البيع بيكون اسرع فممكن حد يفدنى وياريت تعرفونى ايه مشاكل الفتيس الاتوماتيك ولو حد يبعتلى فون حد ثقه يفدنى اكون شاكر جدا واسف على الاطاله

[طارق _عبد السلام]

حضرتك محتار ليه
لو مش فارق معاك الاوتو فالمانوال صفقه رابحه جدا يعنى عربيه صخره وثبات وعزم اشد وبدون قلق من الاستيب ترونيك

هات المانوال وتوكل على الله

من ناحيه الاوتو طبعا مريحه جدا لكن هو الخوف من اللى قبلك هل غير زيت الفتيس فى ميعاده ام لم يغيره وهل غيره بزيت مطابق ولا اى زيت وخلاص ومن هنا تبدأ مشاكل البدى فالف ... لكن الموضوع ليس كارثى زى زمان يعنى كل حاجه بتتصلح
ولو انت من هواه المانوال يبقى كده كسبتها بكل مزاياها

[dezwy]

جزاك الله خيرا اخى انا فعلا مش فارق معايا موضوع الاوتو بس بقول اهو الواحد ينتقل للأفضل فمحتاج حد يطمنى ويقولى اعرف ازاى العيوب وتساوى كام العربيه 2006 مانيوال رشه اكصدام ورفرف ولو اوتو رينجاتها كام واسف انى بتقل عليك بس والله الغريق بيتعلق بأصحاب رجاله زييك

[dezwy]

حضرتك محتار ليه
لو مش فارق معاك الاوتو فالمانوال صفقه رابحه جدا يعنى عربيه صخره وثبات وعزم اشد وبدون قلق من الاستيب ترونيك

هات المانوال وتوكل على الله

من ناحيه الاوتو طبعا مريحه جدا لكن هو الخوف من اللى قبلك هل غير زيت الفتيس فى ميعاده ام لم يغيره وهل غيره بزيت مطابق ولا اى زيت وخلاص ومن هنا تبدأ مشاكل البدى فالف ... لكن الموضوع ليس كارثى زى زمان يعنى كل حاجه بتتصلح
ولو انت من هواه المانوال يبقى كده كسبتها بكل مزاياها

جزاك الله خيرا اخى انا فعلا مش فارق معايا موضوع الاوتو بس بقول اهو الواحد ينتقل للأفضل فمحتاج حد يطمنى ويقولى اعرف ازاى العيوب وتساوى كام العربيه 2006 مانيوال رشه اكصدام ورفرف ولو اوتو رينجاتها كام واسف انى بتقل عليك بس والله الغريق بيتعلق بأصحاب رجاله زييك

[طارق _عبد السلام]

اهم حاجه حاله العربيه.. وتكون مع واحد محافظ .. اظن لو عربيه مميزه تعمل 90 يعنى فابريكه كلها وماشيه قليل لان الاوتو منها من 90 الى 100


وانتظر اراء الاخوه لانى بجد مشتريتش ولا حاولت اشترى مانوال قبل كده

[dezwy]

اهم حاجه حاله العربيه.. وتكون مع واحد محافظ .. اظن لو عربيه مميزه تعمل 90 يعنى فابريكه كلها وماشيه قليل لان الاوتو منها من 90 الى 100


وانتظر اراء الاخوه لانى بجد مشتريتش ولا حاولت اشترى مانوال قبل كده

تسلم يا اخى وجزاك الله خيرا على اهتمامك

[ahmzd]

أنا أُفضّل الأوتوماتيك عموما، ولكن هذا الموديل به مشكلة تكررت مع أكثر من واحد وخصوصا لمن قطع بها مسافات كبيرة، وهي خراب " عقل " الفتيس الأوتو.. هذا لم أجرّبه بنفسي حتى أكون صادقا، ولكني سمعته من متخصص في الأوكتافيا ويمتلك a5 من الزيرو بفتيس عادي ويتاجر في قطع غيارها، فإذا ما فحصت السيارة جيدا وتأكدت من خلوّها من هذا العيب فاشتري الأوتو، وإلا فاشتري المانوال بدون أدني قلق من شيء بإذن الله، وخصوصا أنك كما قلتَ عن نفسك أن الفتيس لا يعنيك كثيرا .. هذا والله أعلم.

[dezwy]

أنا أُفضّل الأوتوماتيك عموما، ولكن هذا الموديل به مشكلة تكررت مع أكثر من واحد وخصوصا لمن قطع بها مسافات كبيرة، وهي خراب " عقل " الفتيس الأوتو.. هذا لم أجرّبه بنفسي حتى أكون صادقا، ولكني سمعته من متخصص في الأوكتافيا ويمتلك a5 من الزيرو بفتيس عادي ويتاجر في قطع غيارها، فإذا ما فحصت السيارة جيدا وتأكدت من خلوّها من هذا العيب فاشتري الأوتو، وإلا فاشتري المانوال بدون أدني قلق من شيء بإذن الله، وخصوصا أنك كما قلتَ عن نفسك أن الفتيس لا يعنيك كثيرا .. هذا والله أعلم.

تسلم اخى وجزاك الله خيرا وواضح من تحذيرات الاخوة الافاضل ان الاوتو لو مش واثق فى صاحبها وكشفت كويس عليها ومتأكد من حالتها بلاش منها احسن وانا تقريبا مايل للمانيوال علشان صيانته سهله ومش مكلفه ولا متعبه وانا اصلا كمان مش فحييت ولا هلييك :018a1d~146:

[EngAhmedSayed]

يبقى عليك و على المنوال و بكدة يبقى انتا سقط مصاريف صيانة الفتيس الاوتو
بالتوفيق ان شاء الله

[dezwy]

يبقى عليك و على المنوال و بكدة يبقى انتا سقط مصاريف صيانة الفتيس الاوتو
بالتوفيق ان شاء الله

شكرا يا هندسه ادعيلى بس ااقع على حاجه بيتى ونضيفه

[EngAhmedSayed]

شكرا يا هندسه ادعيلى بس ااقع على حاجه بيتى ونضيفه

ان شاء الله ربنا يوفقك فى حاجة كويسة
اهم شىء ان تتأنا فى الاختيار
بالتوفيق ان شاء الله

[osha966]

المانيوال أفضل.. لكنها قليلة ومش أى حد بيحبها الناس لا تعلم أن المانيوال فى الأوكتافيا لا يفرق كتير عن الأوتو فنعومة الفتيس والدبرياج تشعرك أنك تقود أوتوماتيك ولكن بدون مشاكل الأوتو وتوفير فى الأستهلاك وقوة فى الأداء

[mazgangy]

manual :)

[mo7a_mo7a]

لو انت بتشتري عربية علشان تركبها وتقعدها معاك مدة هات مانيوال
واظن دي حالتك
لو بتشتري علشان البيع يبقي خليك اوتو

وطبعا واضح جدا ان حضرنك مش بتاجر

سيبك من الناس وكلام الناس وهات اللي يريحك انت ويناسب ظروفك مش ظروف الناس ورغباتهم


تحياتي