بخصوص الاوكتافيا a5

[elenawy]

السلام عليكم
يا رجالة نايل موتورز قدامى عربيه اوكتافيا a5 موديل 2005 فابريكه بالكامل و طالب 93000 جنيه مصرى
هل السعر ده كويس ولا مش؟؟
هل فيه فرق بين موديل٢٠٠٥ و موديل ٢٠٠٩؟؟
و ايه رايكم فيها؟؟
و هى ولا الجراند تيريوس ؟؟
انا احتياجاتى:
١- عايز عربيه ثابته على سرعة ١٢٠ كم
٢-عائلتى خمس افراد
٣-ببهدل العربيه و مبروحش صيانات و احيانا بحط بنزين ٨٠
٤-ايهما اقل فى اسعار قطع الغيار بره التوكيل طبعا
٥- فى اى مشاكل فى الاوكتافيا يعنى انا كنت سمعت شوية مشاكل كده

[Ahmed emad has]

بص العربية هتلقيها ثابته معاك لحد 240 و هتلاقيها تشيل سبع افراد مش خمسه كمان . اما قطع الغيار اسعارها عاليه جدا و لو جبت تيواني او صيني يبقي انتا كده بتبهدل العربية و هتقرفك جامد و الاوكتافيا عربية تستحمل البهدلة بس موضوع بنزين 80 ده صعب جدا عليها و العربية سعرها معقول او عالي شويه

[طارق _عبد السلام]

لا البنزين ال80 ولا قله الصيانات ينفع مع الاوكتافيا او اى عربيه تانيه حتى

الاوكتافيا فيها كل اللى انت طالبه .. واكتر لكن زى ماقولنا لازم صيانه منتظمه وقطع الغيار غاليه لكن معمره
والسعر 93 مناسب لانها فبريكه ومنعرفش هى اى فئه بس 93 حلو جدا بتمن اوكتافيا ايه فور

ومفيش فرق بين 2005 و2009 غير تظبيط الكمبروسر

[elenawy]

انا كان معايا اوكتافيا a4 و بعدين بعتها و جبت اوبترا علشان كدا عرفت فعلا الفرق بين الالمانى و الكورى .
لكن انا ليا واحد صحبى ممكن يجيبلى جراند تيريوس ب90,000 برضه
فانا بحس ان الجراند اكبر من الاوكتافيا .
لكن من كلامكم هخلص فى الاوكتافيا.
استاذ طارق عبد السلام واضح ان عندك كارينز و اوكتافيا . هل انت بتحس بفرق لما تركب الاتنين؟؟

[طارق _عبد السلام]

انا كان معايا اوكتافيا a4 و بعدين بعتها و جبت اوبترا علشان كدا عرفت فعلا الفرق بين الالمانى و الكورى .
لكن انا ليا واحد صحبى ممكن يجيبلى جراند تيريوس ب90,000 برضه
فانا بحس ان الجراند اكبر من الاوكتافيا .
لكن من كلامكم هخلص فى الاوكتافيا.
استاذ طارق عبد السلام واضح ان عندك كارينز و اوكتافيا . هل انت بتحس بفرق لما تركب الاتنين؟؟

التريوس عربيه معموله لمتطلبات معينه عيبها فقيره من الداخل وخشنه وناشفه وثبات معدوم على السرعات... تتميز بالارتفاع عن الارض... بس ايه الجراند تريوس ام 90 الف دى ؟!!!!!! سعر متدنى جدا


اما بقى حكايه احساسى بالفرق بين الكارينز والاوكتافيا......... هجيب لك الخلاصه

انا مش طااااااااااااااااايق الكارنز..مش قادر اقتنع بيها بسبب الاوكتافيا

وهبيعها فى اقرب فرصه بس انشن على عربيه صح مع انها عربيه جديده جدا لكن مينفعش تقارن الكارينز بالاوكتافيا خالص دى ركوبه دى ركوبه

[sfahmy6]

لو مخلصتش فى الاوكتافيا ..........يا ريت يا باشا تكلمنى ضرورى


انا هاشترى. .....إن شاءالله

[elenawy]

هو ليه واحد صاحبه ممكن يجيبهالى بالسعر ده لكن واضح انها عزومة مركبيه
و ياريت تقولى ايه الفرق بين الفئه الاولى اوتوماتيك فى الa5 و الهاى لاين او التوب

[Omar.Shawki]

ومتنساش تتأكد ان الفتيس بدون مشاكل