فتيس ال a5 و الجيتا

[molla]

عايز اجيب حاجة الماني و بفكر في الa5 او الجيتا بس قلقان من الفتيس بتاعها انا عارف انه مش dsg بس بردوا الفتيس القديم الست نقلات له مشاكل البدي فالف و الكلام ده انا بس عايز استفسر هل لو جيت حاجة نظيفة و كشفت علي فتيسها كويس و غيرت الزيت بالفلتر هل ممكن تجيب بدي فالف بردوا و لا مش هيبقي وارد انا بقارن بينهم و بين الالنترا ال ٢٠١٢ و خايف من اعطال الفتيس و التكييف بردوا ، هل الالنترا تبقي احسن من ناحية الاعتمادية و قله الاعطال ؟

[Typerr]

لو سكودا حالتها حلوه وعداد قليل 55الف وانت نازل يبقي طز في الالنترا
لاكن لو عداد كتير ومستعمله كتير يبقي النترا اعتماديه اكتر حتي لو عداد كتير
لان الكوري يستحمل البهدله لاكن الالماني لاء

[4fun14]

ازاى الكورى يستحمل البهدلة اكتر من الالمانى؟؟!!!!!!!!!!!!

[molla]

منا بتكلم ان الالنترا عمرنا ما سمعنا عن عيوب او اعطال شائعة بس بردوا الجيتا و الاسكودا هيبة و شياكة و ثبات

[طارق _عبد السلام]

المهم فى العربيه الاوكتافيا او الجيتا تكون سليه وحالتها تجبرك على الشراء

وهى الافضل طبعا........... واى فتيس اوتو فى الدنيا لو حد اهمل تغيير الزيت الفتيس بيساااااااااااااافر

[Moratoz]

الفتيس وارد طبعا يحصله حاجه بس خلاص بقي ناس كتير تشتغل في الموضوع وان شاء الله الكشف الجيد قبل الشراء والصيانة الدوريه تقلل فرص حدوث الموضوع
وطبعا لا مقارنه بين الالنترا وإلا سكودا
ولكن يبقي اكبر عائق انه مش اي حدب يشتغل في الاسكودا والجيتا مع غلو قطع الغيار نسبيا عن الالنترا

[Mecha]

طالما فيه سمعه سيئة للفتيس ابعد

[molla]

ان شاء الله ادور علي سكودا او جيتا نظيفة و اكشف في التوكيل لو ملقتش حاجة تكون حالة هشوف الالنترا و خلاص مع ان فعلا ال a5 او الجيتا واكلين دماغي الصراحة ، بس السؤال بقي هل لو الفتيس جاب بدي فالف مرة بيرجع زي الاول لو اتصلح ولا كل ٢٠٠٠٠ و لا ٣٠ الف هتجيب فالفات تاني ؟