محتاج رايكم .....اوكتافيا ايه 5

[digital_joe]

يا جماعة انا محتاج مساعدتكم....معروض عليا اوكتافيا ايه 5 مستعملة بضمان الوكيل اليجانس (كل الكماليات زى فتحة السقف و الملتى فنكشن و الزينون و باركنج سنسور و فرش جلد بالكامل.....الخ) السيارة موديل 2007 عاملة 37 الف كيلو......السعر المطلوب هو 175 الف....

هل السعر ده مبالغ فيه ولا حلو بالنسبة لاسعار سوق المستعمل؟ ولو السعر ده حلو رايكو اشتريها و لا اجيب بالسعر ده زيرو (175 الف تجيب تانى فئة فى الاوكتافيا الايه 5 الاوتوماتيك بضمان الوكيل زيرو بدون اى كمايات غير جنوط 16 و Cd يشغل Mp3 )؟

ارجو سرعة الرد لان صاحبها مستعجل و انا خايف يبعها لحد تانى

[mahmoud_nov1985]

بص يا باشا
السعر ده غالى عليها لعدة اسباب:
1-السوق اساسا نايم دلوقتى والسعر نازل واقل عربية نازلة 10000 جنيه
2-السعر ده غالى على العربية دى.اعتقد انها تساوى من 160000الى 165000
3-سعر a5 عند national motors بنفس الامكانيات دى ما عدا فتحة السقف هو175000 واعتقد ان فتحة السقف مش فارقة معاك للدرجة دى

والله اعلم.انا مش خبير.بس دا رايى

[digital_joe]

بص يا باشا اللى عند ناشونال موتورز تقل الآتى:

فتحة سقف

Rain Sensor

كشافات زينون

Car Kit

فرش جلد بالكامل(ناشونال موتورز نصها جلد و نصها قماش)

بلوتوث

تحكم كهربائى فى المقاعد

تدفئة المقاعد

نظام تعتيم المرايات(Autodimming Mirrors)

ضمان الوكيل (العربية اللى قدامى فاضل فيها 11 شهر ضمان عند الوكيل بدون حد اقصى للكيلو انما ناشونال موتورز هيدينى ضمان سنة او 20 الف كيلو عند مراكز تبعه هو مش تبع الوكيل)

تصفيح اسفل السيارة

عربية الوكيل اعلى من الخليجى (حوالى 3 سم)

[Sharky]

سعرها غالى
السعر المناسب لها 160 الف و خاصة إن 37 الف كيلو فى سنة كتير و وسق المستعمل نايم قوى

[NaderNabil]

غالية جدا جدا جدا

انزل ناشيونال موتورز اتفرج

الكاملة بفتحة سقف عاملة 184000 زيرو

و عالية و مصفحة من تحت زي بتاعة الوكيل

الزيرو زيرو...مهما كان...خصوصا ان المبلغ مش صغير

[digital_joe]

بص يا شاركى.....العربية بتعات مدير فى مصنع فى ستة اكتوبر و كانت بتوديه و تجيبة كل يوم (حوالى 100 كم فى اليوم) ده سبب الكيلومتر العالى و ان كان 37 الف كم فى الالمانى تاس بتعتبره كانه تليين

نادر ياشا انا معاك ان الزيرو ليه وضعه بس الزيزو فى الفئة دى ب 230 الف عند ارتوك...اللى ب 184عند ناشونال موتورز ناقصها حاجات عن دى و ان كنت شايف انها مش مهمة اوى زى الكراسى الكهرباء و ندفئة الكراسى و حساسات المطر ده غير ان العربية دى لسه فيها ضمان الوكيل حوالى 11 شهر بدون حد اقصى بتاعت ناشونال ضمانها سنة او عشرين كم و صيانتها عند مراكز تبعهم (و دى مش مضمونة زى الوكيل)

انا بصراحة يا جماعة مش بحب المستعمل و بخاف من مشاكله بس الميزة فى العربية دى ان صاحبها معاه الفاتورة اللى اشترى بيها العربية و الضمان و ملف فيه كل فواتير الصيانات اللى اتعملت فى التوكيل(العربية كل صيانتها فى الوكيل) ده غير انه مامن عليها. تحس كانك كنت معاه من يوم ماشتراها لحد النهاردة. كمان العربية شكلها حلو من جوه و من بره و مافيهاش خربوش......

بس برضه ارجع و اقول ان فى كذا حاجة مخوفانى.... الاوكتافيا نزل منها شكل جديد هاينزل من سعر الشكل القديم كله.. المبلغ كبير و يستاهل انك تركب بيه زيرو....ده غير ان الاشاعات بتاعت انخفاض اسعار السيارات الجديدة بسبب الازمة العالمية تخوف...و فوق كل ده زى مانتوا قولتو السوق نايم و ممكن المستعمل سعره يقل تانى.............

طبعاً انتو زمانكوا قولتو عليا مجنون و مش ثابت على راى بس انا محتار جدا...

[NaderNabil]

انا رأيي اصرف نظر عن العربية المستعملة

شوية الأوبشنز الزيادة دي تعتبر Toys...دلع يعني

بتاعة ناشيونال فيها بارك سنسور و مالتي فانكشن و MaxiDot و فتحة سقف...
و فرشها نص جلد...


اما بقي التدفئة و الكراسي الكهرباء دي حاجات أوفر و مش بنستخدمها غير كل سنة مرة

ولو حسبت موضوع الضمان هتلاقيه هو هو...اللي فاضل في المستعملة حوالي سنة و انت ممكن تعمل حوالي 20000(الطبيعي)

حاجة كمان صيانة ال60000 للمستعملة قربت و دي بتتكلف كتير (حوالي 2000-2500)


175000 أركب زيرو و في بطني بطيخة صيفي...

[ahmeddonky]

غالية جدا جدا جدا
175000 you can buy new opel vectra or jetta

[KHALED AYMAN]

انا ركبت اوكتافيا مصرى و اوكتافيا خليجى الفرق الى لاحظته الارتفاع المصرى مكانتش بتحك فى اى مطب على عكس الخليجى بتحك كتييييييييير و يا سلام لو مركب ناس معايا المصرى كانت متقفله من تحت صاج او صلب مش فاكر انما الخليجى لما جيت اشترى قالولى مصفحه من تحت احسن من المصرى وبعد كده وانا بعمل الصيانه بصيت عليها من تحت لقيتها مصفحه بس فيبر يعنى لو اتكسر من مطب ولا حاجه يبقى بالسلامه مش هتلاقى غيره لان بتاع ارتوك مش كده .
ملاحظه:اعتقد ان الخليجى انعم من المصرى فى المطبات.
الخليجى انا جبتها اليجانس زى الى حضرتك بتقول عليها بصراحه فيها كماليات كتير حلوه بس ملهاش لازمه تقدر تستغنى عنها فى سبيل انك تركب زيرو.
الزيرو مفيش احسن منه و اسف على الاطاله.

[KHALED AYMAN]

لو عندك اى استفسار بين المصرى و الخليجى اوالوكيل او اى حاجه انا تحت امرك

[M.Mokhtar]

لو عندك اى استفسار بين المصرى و الخليجى اوالوكيل او اى حاجه انا تحت امرك

طيب خدمه بسيطه بس متعبه :)

ممكن تعملنا قائمة بكل فئات الاوكتافيا الخليجى
كل فئة وكماليتها وسعرها
عشان نعرف الفرق فى الكماليات بين المصرى والخليجى وفرق السعر بينهم يستاهل ولا لأ

[KHALED AYMAN]

والله يا باشا انا هقولك الى جاهز فى دماغى دلوقتى الى هو الفرق بين الكامله المصرى و الخليجى . نبدا بالمصرى الكامله ب 230 الف عند ارتوك و دى مش بتكون غالبا تسليم فورى و كماليتها :
1-باور (heavy power)
2-تكييف تاتش كليماترونيك
3-زينون على الواطى مش العالى
4-بخاخات على الفوانيس
5-حساسات خلفيه
6-جنوط سبور 16
7-فرش جلد +تاره جلد+فتيس جلد
9-فتحه سقف
10-تاره ملتى فنكشن
11-سى دى بس مش عارف 6 اسطوانات ولا لا
12-ستاره خلفيه مش كهرباء
13-كراسى كهرباء مع ميمورى
14-مرايات كهرباء بس مش بتضم كهرباء
15-شاشه بيانات الوقت و الحراره و معدل استهلاك الوقود و كميه البنزين
16-مثبت سرعه
17-2 ايرباج
18-abs-ebd-asr-msr
ا19- تصفيح اسفل السياره
20-تدفئه فى الكراسى
الخليجى تقل عن دى فى الكراسى الكهرباء و التدفئه و التقفيل من تحت فيبر مش صاج (مش كل الخليجى بتاعى كده) سعر الخليجى 190 الف و انا بحس ان الخليجى انعم من المصرى فى المطبات.
دى المعلومات الى انا فاكرها هجمع بقيت المعلومات و اكتبها لحضرتك ان شاء الله

[M.Mokhtar]

والله يا باشا انا هقولك الى جاهز فى دماغى دلوقتى الى هو الفرق بين الكامله المصرى و الخليجى . نبدا بالمصرى الكامله ب 230 الف عند ارتوك و دى مش بتكون غالبا تسليم فورى و كماليتها :
1-باور (heavy power)
2-تكييف تاتش كليماترونيك
3-زينون على الواطى مش العالى
4-بخاخات على الفوانيس
5-حساسات خلفيه
6-جنوط سبور 16
7-فرش جلد +تاره جلد+فتيس جلد
9-فتحه سقف
10-تاره ملتى فنكشن
11-سى دى بس مش عارف 6 اسطوانات ولا لا
12-ستاره خلفيه مش كهرباء
13-كراسى كهرباء مع ميمورى
14-مرايات كهرباء بس مش بتضم كهرباء
15-شاشه بيانات الوقت و الحراره و معدل استهلاك الوقود و كميه البنزين
16-مثبت سرعه
17-2 ايرباج
18-abs-ebd-asr-msr
ا19- تصفيح اسفل السياره
20-تدفئه فى الكراسى
الخليجى تقل عن دى فى الكراسى الكهرباء و التدفئه و التقفيل من تحت فيبر مش صاج (مش كل الخليجى بتاعى كده) سعر الخليجى 190 الف و انا بحس ان الخليجى انعم من المصرى فى المطبات.
دى المعلومات الى انا فاكرها هجمع بقيت المعلومات و اكتبها لحضرتك ان شاء الله

طبعا شكرا ليك جدا على المعلومات دى
بس انا كان قصدى نعمل موضوع بالمواصفات دى
عشان يبقى موضوع متخصص فى مواصفات الاوكتافيا وسعرها خليجى ومصرى
اللى بيدخل قسم اسكودا بيتوه عشان يوصل للمواصفات وكماليات العربيه :(

[KHALED AYMAN]

انا هحاول اجمع اكبر قدر ممكن من المعلومات عن الاوكتافيا الخليجى (مشكلتها ان كمالياتها بتختلف حسب الدوله الى جايه منها) و هكتبها هى و المصرى .
على فكره انا نسيت اقول ان الخليجى اوطى من المصرى

[KHALED AYMAN]

و بعدين لما حضرتك تشكرنى على كام معلومه على ادى كده انا بأه اشكرك ازاى على مساعدتك لينا فى قسم الاوبل.
انا يا اصحاب الاسكودا انى ذكرت اسم الاوبل عندكو .