محتاج رايكم .....اوكتافيا ايه 5

[M.Mokhtar]

و بعدين لما حضرتك تشكرنى على كام معلومه على ادى كده انا بأه اشكرك ازاى على مساعدتك لينا فى قسم الاوبل.
انا يا اصحاب الاسكودا انى ذكرت اسم الاوبل عندكو .

يا باشا احا كلنا هنا عشان نفيد بعض ونستفيد من بعض
واللى عنده معلومه مش بيبخل بيها على اخواته

ربنا يديم المعروف :)

[KHALED AYMAN]

:k32:عندك حق

[digital_joe]

يا wheals باشا متشكر على ردك..بس انا مفهمتش انهى فى رايك احسن فى التلاتة دول:
اولا: المصرى بضمان الوكيل زيرو (جنوط 16 + سى دى ام بى ثرى+ستارة خلفية يدوى)

ثانيا :خليجى زيرو (جنوط 16 +سى دى ام بى ثرى+ملتى فنكشن+ فرش نص جلد +باركنج سنسور)

ثالثا : اليجانس كاملة بها كل الكماليات بس مستعملة مواصفات مصرى بتاعت الوكيل عاملة 37 الف كم

علماً بأن التلاتة سعرهم واحد (175 الف جنيه) و ده تقريبا اقصى رقم اقدر ادفعه دلوقت (انا هاستلف منهم حوالى خمسة لان معايا 170 الف بس)

بالنسبة للخليجى انا بس كان ليا كام استسفار:

-هل الخليجى ينفع تدخل التوكيل (حتى لو هايدفع اكتر شوية فى المصنعيات) ولا الوكيل بيرفضها نهائى...انا كنت سمعت ان ممكن تدفع مبلغ و تخش تحت الضمان بتاع الوكيل..الكلام ده صح؟؟؟؟

-الزينون فى الحليجى عالى و واطى ؟

- فيها Electronic Stability Program؟

-فين احسن حتة تشترى منها حليجى؟

[KHALED AYMAN]

لو مش هتفرق معاك حته ان العربيه واطيه يبأه هات الخليجى الزيرو لو عايز العربيه تكون عاليه هات المصرى.
التوكيل بيقبل العربيه عادى و مش بتدفع زياده فى المصنعيات الموضوع كله ان انت بتدفع المصنعيات عشان مش معاك ضمان لو فيها ضمان مش بتدفعها .
الزينون واطى مش عالى و فيها الesp
انا عن نفسى اشتريت من معرض شاهر تريد فى المحله بس انا اسمع ان ناشيونال موتورز حلو فى العربيات الخليجى.

[digital_joe]

هى الخليجى اوطى كتير؟ بتحك فى المطبات يعنى؟ و لو بتحك بيبقى و انت محمل بس ولا حتى و مفيش حد غيرك راكب؟

[KHALED AYMAN]

هى اوطى من المصرى بس مش كتير اوى و ساعات بتحك وهى مش محمله انما لو حملت العدد كامل لو مثلا عديت على 10 مطبات بتحك فى 9 بس انا من المحله بلد المطبات الصناعيه تعالى عندنا و شوف (تعالى بدون عربيتك حرصا عليها).

[digital_joe]

(تعالى بدون عربيتك حرصا عليها)

يا باشا انا هاجى مش عشان اجرب المطبات بس عشان اتعرف على حضرتك....

انا بصراحة مش عارف اقول ايه...الناس هنا كلها محترمة و متعاونة لاقصى درجة

[KHALED AYMAN]

ربنا يخليك يا باشا و عموما تعالى و هنديك عفشه هديه لو جيت بعربيتك.
هههههههههه

[digital_joe]

طب ولو قعدت بومين ندينى عربية بحالها

[digital_joe]

صحيح...نسيت اسالك هو ايه ال heavy power ده ؟ يفرق حاجة عن الباور العادى او الاباور الكهرباء؟....و هل موجود فى الخليجى؟

انا عارف ان تقلت عليك......بس ده من عشمى و ربتا يديم المعروف

[KHALED AYMAN]

أسف على التاخير .
تقلت ايه بس يا راجل heavy power ده هو ان كل مسرعه العربيه تزيد تقل الدركسيون و تماسكه يزيد معاها عشان كده على السرعات العاليه تلاقى الدركسيون تقيل و ثابت (بس مش تقليل لدرجه انك مش هتعرف تلفه) و مفيش اى حاجه تحركه مهما كان نوع الطريق .
انا جبت بيها 180 و سيبت الدركسيون على طريق (دفره -كفر الزيات) و الدركسيون ولا اتهز فى مكانه و العربيخ ما شاء الله ولا كلمه.
لو عندك اى استفسار اسال و متقولش تقل و الكلام ده و بعدين يا عم انا معلوماتى على ادى .

[KHALED AYMAN]

نسيت اقولك انه موجود فى الخليجى

[digital_joe]

و مش موجود فى المصرى الا فى أعلى فئة (اللى ب230 الف)؟

يا باشا معلمواتك هايلة و افدتنى كتير....ربنا يكرمك....

[digital_joe]

تسيت اقولكم انا تزلت سوق السيارات اللى فى مدينة نصر النهاردة.....واضح ان البيع مش ولا بد....شوفت كام واحدة اوكتافيا... الوحيدة اللى عجبتنى كانت خليجى اليجانس (بس من غير كاركت) عاملة 30 ال كم و صاحبها عايز 160 الف جنبه يصراحة قلبى بيقولى اتقل وهاتها زيرو احسن...الزيرو بتاعها خليجى بيعمل 184 الف جنيه و الزيرو زبرو برضة...و يا سلام لو الاسعار تقل على آخر السنة...تبقى فلة

[NaderNabil]

معلش فيه حاجة بس صغيرة عايز أقولها

مافيش ميزة في الباور اسمها Heavy Power...

الباور بتاع الأوكتافيا كهربائي Electric Power Steering...و ده موجود في جميع الفئات سواء مصري أو خليجي
و هو ده اللي بيتقل الدركسيون من بعد سرعة 60كم\س و بيعمل زي ما حضرتك بتقول