عضو جديد

[Wael sherif]

صباح الخير
انا مهندس وائل مصرى ايطالى وعضو جديد فى المنتدى واريد الترحيب بكل اعضاء المنتدى المتميز اللى انا متابعه باستمرار و استفدت منه كتير و اخص بالترحيب اعضاء قسم سكودا
انا اشتريت وانا نازل الاجازة ده اوكتافيا a4 tour موديل ٢٠٠٩ عاملة ٣٠٠٠٠ الف كيلو كانت مركونة لفترة بس لسه مفرج عنها و لسه مرخصتش عاوز اعرف اه اللى يتعمل فيها علما بانى غيرت الزيت و الفلتر فى السويد قبل ماانزلها الزيت كاسترول ايدج
هل فعلا ده احسن زيت ليها علما بانه الزيت الموصى به فى الكتالوج و هل فعلا بيستمر لحد ١٥٠٠٠ كيلو فى ظروفنا الجوية
سؤال اخير العربيه مافيهاش شاشة الاعطال الكبيرة بس فيها الشاشة الصغيرة اللى بتبين الكيلو متر الممكن سيره بالبنزين الموجود و استهلاك العربية ودرجة الحرارة الخارجية و نسبة استهلاك الوقود بالنسبة لكل لتر هل ممكن تركيب شاشة الاعطال الكبيرة فة الطابلوه اى تغير لوحة العدادات وايه احسن مركز خدمة للصيانة بالاسكندرية حيث اقامتى بفترة الاجازة و شكرا مقدما

[Wael sherif]

http://cdn.top4top.net/i_796bcfc55c1.jpg

http://cdn.top4top.net/i_4301ff70682.jpg

http://cdn.top4top.net/i_ada43a37d93.jpg

ده صور العربية قولولى رايكوا ايه

[Mohamed Bander]

ما شاء الله ربنا يحفظهالك ان شاء الله حد يرد عليك

حضرتك ناوى تبيعها لما تسافر ولا هتسيبها؟

[طارق _عبد السلام]

اولا اهلا بيك ونورت المنتدى

لو غيرت الزيت هناك من فتره كبيره لان حضرتك قولت انها مركونه هتغير زيت تانى

العربيه ماشاء الله ربنا يحفظها لك ...

يعنى انا شايف انك محتاج تحط بنزين بس :)

[Wael sherif]

السلام عليكم شكرا لايتاذ محمد بندر واستاذ طارق
لا ان شاء الله حركنها وحستخدمها فى الاجازات ان شاء الله و بعديت متغلاش عليك يااستاذ محمد
بالنسبة للزيت انا غيرتوا قبل ماشحن العربية عالطول هو و الفلتر يعنى من حوالى شهر بس مش عارف بالنسبة لبقية الحاجات زى سير الكاتينة و بلية الشداد هل لازم اغيرها برضوا ولا لسه
حاجة تانية من فضلكوا لمبة التشيك انجين نورت فرحت مركز صيانة قلى ده من البنزين وطفناها وقلى حتنور تانى وفعلا نورت ده حلها ايه
وشكرا لاهتمامكوا

[Moratoz]

الف مبروك اولا
وعلشان تبقي مطمن حاول في اقرب فرصه تعمل صيانه كامله علشان العربيه كانت مركونه ويام تغيير السيور كل 60 الف كيلو او كل ثلاث سنوات ايهما أقرب
يعني تغير سير كاتينه وبليه والسير العمومي وبليه الدينامو وفلاتر الهواء والبنزين والبوجيهات وتغيير مياه التبريد .
وممكن برده حضرتك تراجع علي خراطيم المياه

[Mohamed Bander]

ممكن اللمبة نورت من الخضة لما داقت البنزين بتاع مصر :)))

ربنا يحفظهالك

الاحسن تروح عند مركز خدمة يراجعلك عليها لو حاجه عايزة تتغير

[Wael sherif]

السلام عليكم شكرا لكل الردود الجميلة و السريعة
شكرا استاذ moratoz انا ان شاء الله فى اقرب وقت حروح اشيك على الحاجات ده المشكلة بس ان مش بثق فى قطع الغيار اللى فى مصر حتى ولو من التوكيل انت لو شفت اى قطعة غيار بره عاملة ازاى و قارنتها بالى زيها هنا حتو ولو فى التوكيل حتقول اللى عندنا ده مش قطع غيار و الله حرام اللى بيعملوه فى الناس و يعرضوهم و اسر كاملة للخطر و كمان باسعار مبالغ فيها جدا و الله انا بفكر اجيب قطع الغيار المستهلكة زى السيور و الزيت و الفلاتر معايا من بره و اركبهم هنا ايه رايكوا
شكرا كمان لاستاذ محمد بندر فعلا واضح البنزين هنا فى مشكلة ناس قلتلى اخلط ال ٩٥ مع ال ٩٢ ايه رايكوا فى الموضوع ده انا مش عاوز كل شوية اروح اطفى اللمبة ده

[Moratoz]

هات قطع الغيار يا اما من التوكيل او الهاشميه في احمد سعيد بالعباسية
وبالنسبة للبنزين ان شاء الله العربيه تأخذ عليه بعد الصيانه هههه

[Wael sherif]

اتمنى ان العربية تاخد عليه فعلا يا استاذ moratoz ايه رايك فى محسنات البنزين اللى بتتباع وهل فعلا بتفرع ولا نصب انا مش عاوز كمان الرشاشات تتاثر وطرمبة البنزين

[Moratoz]

بهد الصيانه أن شاء الله العربيه هتفوا شويه وممكن تضيف منظف رشاشات مره علي البنزين علشان لو كان فيها حاجه من الركنه

[Wael sherif]

صباح الخير استاذ moratoz و شكرا لاهتمامك و ردك
سؤال تانى ومعلش استحملنى شوية كابل اللى بوصلوه بالكمبيوتر لاكتشاف الاعطال اجيبه منين نوع كويس و مضمون وياريت لو فى حد فى اسكندرية اكون شاكر جدا

[Moratoz]

بصراحه مليء في موضوع الكابل بس ناس كانت اشترته من صقر قريش في المعادي بالقاهره وان شاء الله ممكن كمان تشوف في موضوع علي الصفح هب يتكلم عنه
وتحت أمرك في اي حاجه
تحياتي

[Wael sherif]

مساء الخير وشكرا استاذ moratoz على اهتمامك بالرد كالعادة خلاص ان شاء الله فى اقرب مشوار ليه فى القاهرة حبقى اسال عليه و ححاول اسال هنا بردوا فى اسكندرية جايز القاه

[mo7a_mo7a]

اهلا بيك ونورت المنتدى

وربنا يبارك لك في عربيتك ويديك خيرها ويكفيك شرها

انا لو مكانك حغير كل المستهلكات

فلاتر
سيور
بوجيهات لانها بترطب بسرعة مع قلة الاستخدام
زيوت
تيل فرامل
سائل التبريد
الكاوتش لو عدي عليه 4 سنوات
كاوتش المساحات
منصحكش تغير الطنابير


تحياتي