مشكلة فى فتيس a5

[alfars10]

السلام عليكم
عندى مشكلة فى فتيس العربية A5 2006
المشكلة ان الفتيس بينتش
الموضوع كالتالى
لو العربية سيبتها يوم من غير تشغيل ودورتها النتشة بتروح لان بعد ساعة مشى مثلا بها النتشة ترجع
ومثلا لو مسافر بها اول الطلعة مفيش نتشة بعد ساعة النتشة ترجع ويبدأ الفتيس يتجنن مثلا يثبت النقلة على 5 وتثبت على النقلة دى وال rpm يعلى و لازم اطفى العربية واقعد حوالى 15 دقيقة وادور تانى علشان يرجع لل 1 ويبدأ ينقل طبيعى او يثبت على النقلة 3 والعربية صوتها يعلى وال rpm بتاعها.
طبعا فى نتشة جامدة بعد المشوار وانا بركن العربية بين التنقل من D ل R
--------
المشكلة دى ظهرت من اسبوع لوحدها
لقيت العربية قارية جميع التنقلات P R N D S كله
فروحت لمهندس ورشته فدخل العربية على برنامج وركب مش عارف فيشة كده المهم العربية رجعت تقرا طبيعى ولاكن النتشة لسه موجودة بنفس التفاصيل الى فووق
فقلتله ايه الحل قالى دى مشكلة علبة البلووف قالى اقرص على العربية جامد فى السواقة يعنى اضغط جامد على البنزين خليها تاخد الغيار غصب عنها وهى مع الوقت هتروح
عملت الى قالى عليه لمدة اسبوعين ولسه المشكلة مستمرة
فروحتله قالى حلها من الاتنين يتفضل تقرص عليها لحد ما تروح النتشة يتغير علبة البلوف ب 8000 جنيه
علما بان زيت الفتيس تمام ومتغير من 7 شهور بزيت اصلى وهو شيك عليه وشافه
فياريت حد يساعدنى ويقلى حل للمشكلة دى
لانى تعبت بجد

[pepo2011]

بص ياباشا ؟؟ حضرتك ممكن تروح التوكيل وتاخد رايهم الاول !! وبعدين تروح لحد تاني بتاع فتيس اوتوماتيك فقط
وتاخد رايه !! خد بالك هي مشكلة بلوف او حساس معين في الفتيس بس لازم تاخد اكتر من رأيي عشان الموضوع مكلف !!وانا متابعك

[م أحمد]

جربت تنظف حساس الايدل و البوابة ؟

[Amr.Fathy]

عمر اتوماتيك صقر قريش المعادى شوف هيقولك ايه

عمر اوتوماتيك



144 عمارات صقر قريش -, المعادى, القاهرة التليفون: 0100-0603150, 0111-7574178

[طارق _عبد السلام]

لازم تروح لحد بيفهم كويس فى الفتيس وانتظر الاخوه من القاهره هيرشحولك الافضل

التوكيل مش هيصلح التوكيل هيغير ويجرب بردوا ومبلغ خرافى

الموضوع ممكن يكون بدى فالف وحصل بعد تغيير الزيت لانها بتحصل من عدم فهم اللى بيغير الزيت والفلتر ولازم تغيير الفلتر
ممكن موضوعك ينتهى بغسيل البدى فالف وتنزيل زيت الغسيل وبعدها تحط الزيت الاصلى
ومتقرصش على العربيه فى الغيار
حاول تمشى بيها مانوال فتره مشوار طويل وشوف الدنيا اخبارها ايه

[alizahran5]

اخى الفاضل مشكلتك بصيطه بس عايزه حد فاهم يشتغل فيها اولا علشان تتاكد ان هوا البدى فلف او حاجه تانيه تروح لواحد فاهم فاهم
اولا الاسباب المحتمله لهذه المشكله
.مروحة التبريد ممكن يكون وحدة فاصله عندك او سرعتها بطيئه فا بذلك تسخن زيت الفتيس علشان مبرد الفتيس فى الرداتير
.حساس التى بى اس الموجود فى البوابه يعمل المشكله
.سويتش الفتيس احتمال يكون محتاج وزن او لقلاش
. حساس الموجود على الفتيس بيكون موجود 2 واحد لل الكيلو متر والتانى المسؤل عن تبديلات الفتيس
. البدى فالف فيه موجود حساسات احتمال حساس بعد ما تسخن مبيشتغلش بكفائه صح يعنى ممكن ما يفتحش علشان يوصل الزيت للكلتشات فا بالتالى يسبب المشكله
. واخر حاجة هيا الكمبيوتر
ثانيا حاول تفحص العربيه بالكمبيوتر اثناء وجود المشكله وتكتب لنا الكود اللى طلع معاك وان شاء الله نساعدك فيه
تحيـــــــــــــــــــــــاتى لـــــــــــــــــــــيك واعضــــــــــــــــــاء المنـــــــــــــــــــــتدى

[Moratoz]

بدي فالف يا يغتسل الاول وتجرب يا تجري عمليه الاصلاح
عندك فعلا عمر اوتوماتيم زي ما الاخوه قالوا

[aesam]

انا عندي مشكله شبه مشكلتك كدا .... كانت بتعمل نتشه وبتفوت شويه .. الراجل قالي دي مشكله حاجه في الفتيس وبنصلحله طقم صيانه .. وقالي النتشه دي في حاجه في الفتيس محروقه اسمها باند d .
الاتنين دول مكلفني 7000 لغايه دلوقتي . ويارب تتصلح

[طارق _عبد السلام]

انا عندي مشكله شبه مشكلتك كدا .... كانت بتعمل نتشه وبتفوت شويه .. الراجل قالي دي مشكله حاجه في الفتيس وبنصلحله طقم صيانه .. وقالي النتشه دي في حاجه في الفتيس محروقه اسمها باند d .
الاتنين دول مكلفني 7000 لغايه دلوقتي . ويارب تتصلح

كتير جدا

كنت اشتريت بادى فالف فانتازيا ... كان ظبط الدنيا معاك

[mo7a_mo7a]

للاسف الشديد دي اعراض بادي فالف وحدة ميكاترةنكس ودي سعرها غالي 7000 تقريباً مستعمل
انا لو مكانك ححاول انظفها الاول
سؤال معلش انت متاكد ان الزيت اللي انت غيرته اصلي ممكن يكون مغشوش وهو السبب ولو كيلو واحد مغشوش يؤدي للمشكلة دي