استشارة من مالكى اوكتافيا a4

[amrsabet]

الى كل مالكى السيارة اوكتافيا a4 ارجو النصيحة انااشتريت عربية نيسان صنى سوبر صالون زيرو فى شهر 5/2008 وعامل بيها دلوقتى 11000 كم وفى الحقيقة انا عجبانى العربية الاوكتافيا a4 خاصة اللون الاسود فيها شكله حلو جدا
السؤال هل العربية تستاهل انى ابيع عربيتى بخسارة 10 الاف جنية واضافة مبلغ 35000 جنية لشراء العربية خاصة انها اخر سنة ليها 2009 وسعرها دلوقتى 126000 جنية بضمان الوكيل
انافى الحقيقة محتار جدا لانى عربيتى كويسة واناعايز اغيرها مش لمجرد التغيير وانما رغبتا فى ركوب سيارة اسكودا a4
بس انامش عارف اخبارها ايه من حيث الثبات والتكيف والتسارع والراحة و هل ظهر بها عيوب خلال انتاج مو2008
لانى خايف بعد مااخسر فى عربيتى وازود المبلغ ده احس ان العربية حرام فبها المبلغ ده خاصة انى مش هاغير العربية الا بعد مدة طويلة ممكن تمتد الى 7 سنوات
انااسف للاطالة

[KHALED AYMAN]

انا من رايى ان ال a4عموما احسن من الصنى .
ثبات الاوكتافيا احسن من الصنى و التحمل احسن و التقفيل انضف (لو عربيتك مصرى لو يابانى مفيش فرق) التكيف بصراحه معرفش و التسارع الصنى احسن لان وزنها اخف و الاوكتافيا ممكن تكون ناشفه شويه فى المطبات بس ده لصالح الثبات و بعدين عربيه حضرتك اوتوماتيك و الاوكتافيا الى حضرتك بتقول عليها مانيوال .
من رأيى الاوكتافيا احسن بكتير من الصنى و كمان وكيلها محترم و العربيه مفيهاش عيوب و مبيعاتها زى محضرتك شايف.
موضوع الفلوس ده يرجع ليك .
يا ريت لو تجرب العربيه من اى حد تعرفه لانها مختلفه خالص عن اليابانى .

[د./اليشع ثابت]

اخى عمرو

انا رائى الشخصى منصحكش التغير و بالخسارة دى كمان لعدة اسباب

اولا عربيتك (ربنا يبارك لك فيها ) لسة زيرو و محترمة جدااا برضة

على فكرة انا كنت زيك محتار جداااا بين الاوكتافيا و الانسر

حتى لو ركزت فى قسم المقارنات هتلاقينى طلبت كتير من الاعضاء دة

لكن للاسف محدش رد على كلة

بس ساالت اصحابى و معارفى ممن يمتلكون الA4 الخلاصة خفت منها

بسسب عدم توافر قطع الغيار و مغالاة الوكيل و اعادة البيع و بها بعض العيوب

انة ماكينة الزجاج دايما بتعطل لانها بلاستك و بالنسبة للاتوماتك منها

ليس عملى و فية شكوى متككرة منة

واخيراااا الحمد لله استقريت و جبت لانسر 1600 اتوماتك الرياضية

يارب اكون افدتك و لك منى الشكر

[reebok2010]

السكودا a4عربية تحفة وعن تجربة وزمفيش مقارنة بينها وبين الانسر او النيسان دى عربيات بالاسم بس

[د./اليشع ثابت]

يعنى اية عربية بالاسم بس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بلييز اتكلم بوضوح و من جميع الاتجاهاتفى المفاضلة و منك نستفيد

[amrsabet]

انابشكر الاخوة الاعضاء على الرد ولكن انا اعتقد ان مشكلة العربية الاسكودا a4 هى
-ان فعلا الزجاج دايما بيقع نتيجة ان حامل الزجاج قطعة من البلاستيك وبيتم تغييرها عند اى حد بتاع ابواب بقطعة معدن ودى مشكلة موجودة فى البورا برده
- ان العربية عفشتها نشفة شوية على عكس a5 لان عفشة الa5 التعليق كل عجلة لوحدها
- ان شكل العربية بقالة 10سنوات بنفس الشكل من سنة98 يمكن منذ سنة 2000 وتم تغيير التابلوه والفوانيس الامامية والخلفية
- ظهرت بعض المشاكل ان تكييف موديل عام 2003-2004-2005-2006 كان ضعيف وتم معالجة المشكلة دى
- ان العربية كان فى الفتيس الاتوماتيك بيظهر مشاكل نتيجة عدم الاعتناء بتغيير زيت الفتيس الاصلى والذى يتم تغييره بمبلغ يصل الى 950جم
- اما الان ان اعتقد ان العربية a4 ممتازة لمن يريد عربية ليس للمظهر فقط لان العربية التابلوه بتاعها تحس انه فقير شوية

[د./اليشع ثابت]

اخى عمرو

مش فاهم الجملة دى( اما الان ان اعتقد ان العربية a4 ممتازة لمن يريد عربية ليس للمظهر فقط لان العربية التابلوه بتاعها تحس انه فقير شوية)
معناها اية

وانت اساسا اهوة عارف امال كنت محتار و بتسال لية؟؟؟؟؟؟؟؟؟؟؟؟؟؟؟

[Ahmed Selim]

أستاذ عمرو

لا خلاف على أن الأوكتافيا عربية محترمة جداً و تقريباً لا يوجد بها عيوب تذكر مثلاً عيب ماكينة الزجاج عيب بسيط زى ما حضرتك قلت.....وعلى فكره بيحصل برضه فى الكورسا السيدان كمان.............وعيب الفتيس الأتوماتيك الوحيد هو ضرورة تغير الزيت الأصلى وليس زيت أتوماتيك....لكن أن الفتيس باظ عشان واحد معملش كده ده ميبقاش عيب فتيس....ده عيب أستخدام.

المهم.....هل العربية تستاهل الفرق اللى هيدفع فيها؟؟؟
أولاً الأوكتافيا سعر أعادة بيعها ماسك نفسه جداً......أعرف واحد لسه بايع 2007سوداء أتوماتيك ب 116 ألف
يعنى خسارتها مش بعيدة عن خسارة الصنى

بما أن حضرتك بتقول أن العربية هتقعد مش أقل من 7 سنيين.......أعتقد الأوكتافيا تكسب فى الحتة دى.......ده مجرد اعتقاد مش أكتر.......لأن أنا واحد صاحبى تانى كان بايع عربيته من فتره عاملة 102 ألف ومكنش غير فيها حاجة غير الصيانات المعتادة وكانت حالتها حلوة جداً

بس السؤال بأه.....حضرتك مش فارق معاك شكلها وكمالياتها ؟؟؟؟؟

يعنى شكلها خلاص نزل بعده شكل والتانى قرب ينزل و كمالياتها بسيطة شوية.......هل دول مش مشكلة بالنسبالك ؟

[amrsabet]

انا بشكر الاخوه الاعضاء اللى شاركونى
بس فى الحقيقة انا اللى خلانى افكر فى الاوكتافيا a4 هى سمعة العربيات الاوكتافيا وكمان لانى نفسى فعلا اركب عربية المانى بس ميزانيتى متسمحش باكثر من 30الف فوق ثمن عربيتى وفى نفس الوقت بعد ماشوفت العربية a4 وa5 حاسيت بفرق جامد فى الشكل خاصة من الداخل عشان كد اناقولت ان a4 فقيرة من جوه وطبعا مقدرش ازود كل الفرق ده لدرجه انى فكرت اجيب اسكودا فابيا 1.6 تبترونيك وهى فى الحقيقة عربية تحفة من جوه وكمان من بره بس الشنطه مساحتها 300لتر وانا من ضمن احتياجاتى ان تكون شنطة العربية كبيرة
عشان كده اناقررت انى مااغيرش دلوقتى لحد مايكون متاح انى ازود مبلغ كبير شوية والواحد بعد كده ممكن يفكر يجيب اوكنافياa5 او جيتا لانى بصراحة اعتقد ان العربيات تستهال ان الواحد يدفع فيها فلوس

[د./اليشع ثابت]

انا بشكر الاخوه الاعضاء اللى شاركونى
بس فى الحقيقة انا اللى خلانى افكر فى الاوكتافيا a4 هى سمعة العربيات الاوكتافيا وكمان لانى نفسى فعلا اركب عربية المانى بس ميزانيتى متسمحش باكثر من 30الف فوق ثمن عربيتى وفى نفس الوقت بعد ماشوفت العربية a4 وa5 حاسيت بفرق جامد فى الشكل خاصة من الداخل عشان كد اناقولت ان a4 فقيرة من جوه وطبعا مقدرش ازود كل الفرق ده لدرجه انى فكرت اجيب اسكودا فابيا 1.6 تبترونيك وهى فى الحقيقة عربية تحفة من جوه وكمان من بره بس الشنطه مساحتها 300لتر وانا من ضمن احتياجاتى ان تكون شنطة العربية كبيرة
عشان كده اناقررت انى مااغيرش دلوقتى لحد مايكون متاح انى ازود مبلغ كبير شوية والواحد بعد كده ممكن يفكر يجيب اوكنافياa5 او جيتا لانى بصراحة اعتقد ان العربيات تستهال ان الواحد يدفع فيها فلوس

حبيبى ا.عمرو

انا لو منك وعايز اغير بجد لعربية مخترمة بمعنى الكلمة

يوم ما تفكر تنزل من النيسان فكر بقى فى اتنين دة راى ليك

وهم اوبل فيكترا الجديدة طبعا و هونداسيفيك

الاتنين حاجة فخمة فوق الوصف وانا شخصيا كنت اتمنى اقتناء احداهم

لكن لم يحن الوقت بعد

شوف العربيتين و قولى رايك

[ferari]

أستاذى - مافيش وجة مقارنة بين الأوكتافياa4 والنيسان صنى

الأوكتافيا تكسب وبجدارة - ومش حتحس بكدة إلا لو جربت تسوقها

-أ/aleshath- أنت حضرتك كنت بتسأل من كام يوم على الفرق بين الانسر والأوكتافيا وأيهم أفضل وأعتقد أن أنا وبعض الأخوة ردينا على حضرتك مش محدش رد

اولاً:مش ممكن تلاقى مشكلة واحدة بالنسبة لتوافر قطع الغيار - سواء فى الوكيل أو خارج الوكيل

ثانياً: كنت بتقول أن فيها بعض المشاكل ؟ الكلام دة صدقنى مشمظبوط بالمرة- ودة عن تجربة
ثالثاُ: كل اللى يذكر أى مشاكل فى الأوكتافيا حتبقى حاجة من الأثنين:
-اما واحد واجهتة مشكلة فعلية - وحتكون مشكلة لاتذكر
-أو اما واحد كان نفسة يركب أوكتافيا بس مأمكنش فيبدىء يقول عنها مشاكل على غير علم - لإرضاء نفسة عن سيارتة التى يمتلكها

أخيراً حقولك: لاوجة مقارنة بين الأوكتافيا والصنى - لافى أتساع الشنطى الخلفية - لافى التقفيل- ولا فى عزل الصوت- ولا فى خامات الصالون - ولا فى الصاج - ولا فى الثبات - ولا فى أنها معمرة - ولا فى قطع الغيار (الآوكتافيا أرخص بكثير عن قطع غيار الصنى) شوف فانوس الصنى بكام والأوكتافيا بكام - شوف المساعدين والكوبلن وقارن - ولا فى بلد الصنع ولا.................

العربيات الألمانى بصفة عامة (والتشيكى كمان) لازم تغيرلها الزيوت والفلاتر بتاعتها فى ميعادها ومن الأنواع الأصلية لآن دى حاجة بتأثر عليها كثير - واللى يقولك أن الفتيس عمل معاة مشكلة يبقى أكيد بيسترخص لأن زيت الفتيس الأوتوماتيك بأخد 4ك كل كيلو تمنة 125ج - حتلاقية بيحط نوع أى كلام وعلطول حتلاقى الفتيس أخشن معاة وبقى فية عضة ونتشة.

عيوب الأوكتافيا بالمقارنة بالنيسان فى نظرى حتبقى فى قوة التكيف بس (الصنى تكسب)


أما كل الباقى ( أوكتافيا وبجداااااااااااارة)


بس دة ميمنعش أن عربيتك زيرز وزى الفل
وربنا يباركلك فيها

[amrsabet]

الاخ فيرارى انا فى الحقيقة عارف ان العربية الاوكتافيا عربية محترمة جدا لانها شقيقة بورا بالظبط لكن انا اللى خلانى انتظر هوا ان الاوكتافيا a4 شكل التابلوه بتاعها قديم شوية وده مقارنتا بال a5
والمشاكل اللى اناقولتها فى موضوع التكيف كان تحديدا فى الموديلات اللى انا قولتها وتم معالجة المشكلة
وعمتا انا شاكر لردك
انا اللى عجبنى اوى العربية الفيات برافو والسيات ليون والاثنين دول فى فئة الهاتشباك الكبيرة

[أبو كنوز]

اخى عمرو

انا رائى الشخصى منصحكش التغير و بالخسارة دى كمان لعدة اسباب

اولا عربيتك (ربنا يبارك لك فيها ) لسة زيرو و محترمة جدااا برضة

على فكرة انا كنت زيك محتار جداااا بين الاوكتافيا و الانسر

حتى لو ركزت فى قسم المقارنات هتلاقينى طلبت كتير من الاعضاء دة

لكن للاسف محدش رد على كلة

بس ساالت اصحابى و معارفى ممن يمتلكون الA4 الخلاصة خفت منها

بسسب عدم توافر قطع الغيار و مغالاة الوكيل و اعادة البيع و بها بعض العيوب

انة ماكينة الزجاج دايما بتعطل لانها بلاستك و بالنسبة للاتوماتك منها

ليس عملى و فية شكوى متككرة منة

واخيراااا الحمد لله استقريت و جبت لانسر 1600 اتوماتك الرياضية

يارب اكون افدتك و لك منى الشكر

ana a3ndy a4 mafesh alklam dah khales kool keta3 algheyar mawgoda wa mesh ghalya wa ana a3rabety outomatic mafesh mashakel feyh khales wa walla makenet alzogag deh momken tekoon halla fardya

[lawyer2006]

انا معايا الاوكتافيا a4موديل 2009 عربيه فخمه محترمه عيبها انها فقيرة من جوه فعلا يعني متعرفش تحط حجاتك فين مفيهاش اماكن تحزين كتير مفيهاش كونصول في منتصف العربيه اعتقد انا بقول انها عيوب بس انا مش شايف انها عيوب كفايه انها الماني وناعمه جدا وقويه وشكلها متميز وانت راكب العربيه عارف انك راكب اوكتافيا والكل يعلم ماهي الاوكتافيا انا كان معايا قبلها اسكودا فلشيا بعتها بعد 11 سنه استعمال كانت معايا زيرو بصراحه الاسكودا ماركه تستحق الاحترام بسبب الاعتماديه العاليه وقطع غيارها المعمرة بعد ما بعتها معرفتش افكر غير في الاسكودا بس لاني مش عايز عربيه فيها عيوب ميكانيكيه وكل يوم في التوكيل او عند ميكانيكي الفلشيا بعد 11 سنه استعمال كل الكانت محتاجاه كبالن جديده وتغير عفشه تخيل ان العربيه مغيرتش شكمانها 9 سنين كامله وفي الاخر غيرت علبة الشكمان الاخيره فقط عربيات حمالة قاسيه كنت بروح بيها مزرعتي وسط طرق مكسره كفيله انها تقطم احسن عفشه وبالرغم من كده عفشتها كانت جباره ياما اتخبطت وكنت بسهوله اقدر اصلحها عند اي سمكري لان صاجها عادي من البيترد بشكوش وسنده ولمبة الحام لعمري غيرت رفرف او حتي اكصدام بصراحة انا بحترم الاسكودا جدا