تسعيرسكودا اوكتافيا موديل 98 كانت معوقين

[ابو فاطمة]

السلام عليكم
ادامي سكودا اوكتافيا موديل 98
مفهاش تكييف
مانوال
فابريكا برا وجوا
فتحة سقف اوريجينال
مش محتاجة مصروف
هي كانت معوقين وهتفك الحظر ف شهر 7 خلاص وبتاعت واحد معرفة جدا
يا ريت حد يقولي تعمل كام واكشف عليها فين


تم تعديل العنوان ليتناسب مع المحتوى
م ب 3

[طارق _عبد السلام]

بدون تكييف اصلا ولا التكييف عطلان ؟

هى اللى مظبطها انها فتحه سقف وفبريكا .... ما اظنش تعلى عن ال60

وانتظر آراء الاخوه

[ابو فاطمة]

مش عارف والله
هي ممكن تنزل من غيره
ولو انا اخدتها ب50
تبقي حلوة كده
بعد ما اكشف طبعا
الراجل مش محتاجها جاب نيسان قشقاي وهو معرفة معرفة يعني

[ابو فاطمة]

وهي عاملة 96000 كيلو
معلش بتقل عليكم مليش في الاسكودا خالص

[omaranes77]

هي كدة ممكن تبقي المكنة الصغيرة
اخرها 55 لو مكنة صغيرة
65 لو مكنة كبيرة

[ابو فاطمة]

طيب اعرف منين مكنة كبيرة ولا صغيرة
ومعلش هتعب حضرتك تقولي المكنة الصغيرة دي ايه الفرق بينها وبين الكبيرة

[omaranes77]

طيب اعرف منين مكنة كبيرة ولا صغيرة
ومعلش هتعب حضرتك تقولي المكنة الصغيرة دي ايه الفرق بينها وبين الكبيرة

حضرتك ممكن تعرفها من العداد
اخر سرعة في كام ؟ 200 ولا 240
الفرق ان الكبيرة 101 حصان
انما الصغيرة 70 حصان و منغير تكييف ودة الي شككني ..

[ابو فاطمة]

مفيش فرق الا العداد
هي انا فاكر انه كان مكتوب عليها 1.6 sr

[omaranes77]

مفيش فرق الا العداد
هي انا فاكر انه كان مكتوب عليها 1.6 sr

طالما مكتوب كدة يبقي المكنة الكبيرة
بس مفيهاش تكييف غريبة شوية

[ابو فاطمة]

هو انا سألته قاللي سخن بس
بقوله ليه
قاللي معرفش
عامة انا انهاردة هاخدها للمهندس خالد اللي في الحي العاشر بيقولوا عليه كويس
بس مش عارف مكانه او رقمه

[ابو فاطمة]

سألته ع العداد قاللي اخره 220
كده ايه بقي :)

[omaranes77]

سألته ع العداد قاللي اخره 220
كده ايه بقي :)

ههههههههههههه
مش عارف بس خلاص تبقي الكبيرة
التكيف سخن بس لان العربية معوقين استيراد يعني
فا عشان التلج الي برة
والدي اصلا بيتعامل مع المهندس خالد
ثواني وهجيب لحضرتك رقمو ...

[omaranes77]

اهو الرقم
01002970564

[ابو فاطمة]

باشا الله يكرمك
ايه رأيك فيها كعربية بقي بالمرة عشان نقفل الموضوع ونروح بدري بدري كده:)

[omaranes77]

باشا الله يكرمك
ايه رأيك فيها كعربية بقي بالمرة عشان نقفل الموضوع ونروح بدري بدري كده:)

هههه
واللة عربية وهم بس لو حافطت علي صيانتها تبقي عربية تمام التمام
لو اهمل صيانتها هتقرفك
وابقي طمني عملت اية عن المهندس خالد
.. :d