إصلاح خطأ front left main beam not working

[abohalmos]

سالفل علي الناس الحلوة

انا عندي أوكتافيا A5 موديل ٢٠٠٨ هاي لاين وكيل
عندي لمبة في التابلوه بتنور مع الكونتاك
و الكمبيوتر بيطلع رسالة
Front left main beam now working
علي الرغم من ان الكشافات بتنور كويس
و لسة مغير اللمبات زينون و شغالة كويس و برضه اللمبة
و الرسالة موجودة
و فصلت كابل البطارية و ركبته تاني نفس المشكلة
ايه الحل افادكم الله ؟؟؟

[aymanshebl]

متابع

[mario_9111]

اللمبه الي انت غيرتها نفس الواط بتاع القديمه ولا غيرها
لو زيها معتقدتش ان هيظهر حاجه علي الشاشة ولو هتغير لازم يكون في جهاز كانسلاشن cancltion علشان الحكايه دي

[abohalmos]

اللمبه الي انت غيرتها نفس الواط بتاع القديمه ولا غيرها
لو زيها معتقدتش ان هيظهر حاجه علي الشاشة ولو هتغير لازم يكون في جهاز كانسلاشن cancltion علشان الحكايه دي

شكرًا لحضرتك

طبعا اللمبة نفس ألوات بتاع القديمة أكيد

معلش حضرتك تقصد ايه بجهاز الكانسلاشن ؟؟

انا كان حد صديق قالي انه ممكن تكون الفيشة مصدية

او محتاجة تتغير معرفش ايه مدي صحة الكلام ده

[طارق _عبد السلام]

لو اللمبات مختلفه مش اصلى ... كمبيوتر العربيه كأنه ماشفهاش وهيكتب رساله خطـأ

[abohalmos]

لو اللمبات مختلفه مش اصلى ... كمبيوتر العربيه كأنه ماشفهاش وهيكتب رساله خطـأ

اللمبات اللي كانت راكبة اصلي و كانت بتدي نفس الرسالة
و هي لسة موجودة عندي لحد دلوقتي انا يمكن ركبت زينون عشان اخلص
من الرسالة دي

[aymanshebl]

ممكن الحساسات بتاعت الكشافات فيها مشكلة

[طارق _عبد السلام]

اللمبات اللي كانت راكبة اصلي و كانت بتدي نفس الرسالة
و هي لسة موجودة عندي لحد دلوقتي انا يمكن ركبت زينون عشان اخلص
من الرسالة دي

الهاى لاين بتكون بزينون ...

عايزين بس نعرف هل الرساله والخطأ كان متواجد وتم تغيير اللمبات

ولا حصلت الرساله امتى؟

لان لو اى فرق فى اللمبات بيعمل الرساله دى

انا مره غيرت لمبات الرمش للفانتازيا لمبه صغيره جدا جبتها نفس الوات لكن ليد... الرساله طلعت

غيرت لمبه فى الفوجات جبتها مش اصلى طلعت الرساله.لكن بمجرد تغيير اللمبات للاصلى او نفس .. خلاص المشكله اتحلت

ا

[mario_9111]

متابع

[abohalmos]

الهاى لاين بتكون بزينون ...

عايزين بس نعرف هل الرساله والخطأ كان متواجد وتم تغيير اللمبات

ولا حصلت الرساله امتى؟

لان لو اى فرق فى اللمبات بيعمل الرساله دى

انا مره غيرت لمبات الرمش للفانتازيا لمبه صغيره جدا جبتها نفس الوات لكن ليد... الرساله طلعت

غيرت لمبه فى الفوجات جبتها مش اصلى طلعت الرساله.لكن بمجرد تغيير اللمبات للاصلى او نفس .. خلاص المشكله اتحلت

ا

الف شكر لاهتمامكم جميعا
العربية هاي لاين ٢٠٠٨ و بفتحة سقف بس مفهاش زينون
انا كان راكب عندي الكشافات الأصلية باللمبات
و بعدين ظهرت الرسالة لاقيت لمبة الكشاف الشمال مش شغالة فعلا
غيرتها بس بواحدة من خارج التوكيل و لما ركبتها الرسالة اختفت يوم
و بعدين طلعت تاني علي الرغم من انه اللمبة شغالة
روحت ركبت لمبتين زينون مش اصلي و برضه حصل نفس الكلام
الرسالة اختفت شوية و بعدين ظهرت بعد ما مشيت و دفعت الفلوس للراجل
طب ايه الحل دلوقت ؟؟
انا عاجباني اضاءة الزينون و مضايقاني الرسالة دي
اعمل ايه ؟؟
طب الزينون الأصلي الكشافات بتاع أوكتافيا ٢٠٠٨
سعره عامل كام و بيتباع فين مضمون ؟؟
انا فكرت انه العيب يكون حساسات الكشاف بس معرفش
أتأكد ازاي خصوصا أني في قنا و هنا مفيش حد ثقة أخليه يكشف
علي العربية ؟؟
ما رأيكم دام فضلكم ؟؟

[طارق _عبد السلام]

كده الامور وضحت

ولازم تشوف الرساله دى لان العربيه شايفه خطأ

وهى غير مجهزه ومبرمجه على الزينون...... ولو لاحظت الرساله طلعت لك بمجرد حرق لمبه.. وفضلت موجوده مع انك ركبت لمبه تانيه ولكن ليست بنفس المواصفات مابالك بالزينون وجهاز الزينون

انا سمعت ان فيه ناس بيكون عندهم برنامج بيتخطوا بيه الرساله وبيلغوها........ لكن مشفتش قدامى حاجه زى كده مجرد سمع وانتظر اراء الاخوه.. وسمعت بردوا ان التحميل الخاطىء على كمبيوتر العربيه ممكن يبهدل الدنيا

[abohalmos]

كده الامور وضحت

ولازم تشوف الرساله دى لان العربيه شايفه خطأ

وهى غير مجهزه ومبرمجه على الزينون...... ولو لاحظت الرساله طلعت لك بمجرد حرق لمبه.. وفضلت موجوده مع انك ركبت لمبه تانيه ولكن ليست بنفس المواصفات مابالك بالزينون وجهاز الزينون

انا سمعت ان فيه ناس بيكون عندهم برنامج بيتخطوا بيه الرساله وبيلغوها........ لكن مشفتش قدامى حاجه زى كده مجرد سمع وانتظر اراء الاخوه.. وسمعت بردوا ان التحميل الخاطىء على كمبيوتر العربيه ممكن يبهدل الدنيا

الف شكر يا طارق بيه
انا عندى الكابل و البرنامج بتاعها و ماتشالتش الخطا برضه

انا هاخد برايك و اغير بلمبات اصلي من توكيل الغردقة ان شاء الله

طب هل لو ركبت زينون اصلى هايدى نفس الخطا و لا لا ؟؟ و يا ترى سعره فى حدود كام

[mario_9111]

طيب انا عايز اركب زينون في الشبوره ايه الحل
بس انا شفت على المنتدى ناس كتير بتقول فيه لمبات بتركب وفيها الكانسلاشن ده بتاع الرساله بتاعت الخطا
دور على المنتدي وتلاقي الحل ان شاء الله
والله عندي طقم زينون بتاع عربيه تويوتا افلون اصلي رهيب بس مش عارف اركبه علشان الحكايه دي
والله المستعان والموفق