ايه رايكم فى الاوكتافيا a7 2015

[mohamed mosa]

السلام عليكم

انا ناوى ان شاء الله اجيب اكتافيا a7 2015
كنت عايز اعرف ايه رايكم فيها بالنسبة لتانى فئة

واذا حد مجربها ينقلى خبرتة معاها ولكم جزيل الشكر

[elkorany]

متابع

[AHMEDJUDDY]

بص يا باشا
انا كنت في ارتوك اوتو بعمل الصيانه الدوريه واتعرفت علي واحد بيعمل صيانه الa7
واتكلمت معاه عن العربيه وهو كان راكب قبل كدا باسات و فانتازيا .
بيتكلم عن عيوبها و هي ان العزل بتاعها وحش اقل من الفانتازيا
والعفشه بتدب جامد من ورا ... غير كدا مشتكاش
بس في المجمل هو مش مبسوط منها وعلي فكره هو معاه الفئه الثانيه وقالي لو يرجع بيه الزمن
كان اشتري حاجه تانيه . وتقربيا هذا الكلام لانه بيقارن بينها و بين الفانتازيا و الباسات بس باسات تقربيا موديل 2003
علي ما اذكر ... والله الموفق الي الخير

[mohamed mosa]

بص يا باشا
انا كنت في ارتوك اوتو بعمل الصيانه الدوريه واتعرفت علي واحد بيعمل صيانه الa7
واتكلمت معاه عن العربيه وهو كان راكب قبل كدا باسات و فانتازيا .
بيتكلم عن عيوبها و هي ان العزل بتاعها وحش اقل من الفانتازيا
والعفشه بتدب جامد من ورا ... غير كدا مشتكاش
بس في المجمل هو مش مبسوط منها وعلي فكره هو معاه الفئه الثانيه وقالي لو يرجع بيه الزمن
كان اشتري حاجه تانيه . وتقربيا هذا الكلام لانه بيقارن بينها و بين الفانتازيا و الباسات بس باسات تقربيا موديل 2003
علي ما اذكر ... والله الموفق الي الخير

شكرا يا باشا .. ربنا يكرمك
بس برضو مش عارف اجيبها ولا لأ .... ولو مش اوكتافيا يبقى ايه غيرها مع العلم ان سعرها 223000

ولكم جزيل الشكر

[Internalspirit]

أنا معاية العربية "فئة الثانية برضة" من شهر 8 اللي فات ولسه عاملة 6500 ياعني لسه معملتش أول صيانة ودي ملحظاتي:

1. اللي يقولك مبتجريش، قوله ياعني اللي معاه عربية بتجري بيجري بيها فين (مع العلم ان العربية مش بطة زي اللي قبلها بس في نفس الوقت مش طلقة وبتاخد شوية عقبال متجمع وده طبعاً عشان تقلها وصاجها اللي مفتكرش انه موجود في عربيات كتير لدرجة ان الباب لازم يترزع عشان يقفل)

2. بالنسبة للاوبشنز اللي فيها حلوة جداً ومش منظر علي الفاضي، ياعني كل حاجة واخدة حقها في شكلها وفي تركيبها وفي خامتها.

3. العزل بتاعها مش حلو قوي فعلاً بس مش سئ ياعني تقدر تقول "عادي"

4. اقتصادية جداً في البنزين، ياعني تقريباً التفويلة بتاعتها 60 لتر أو ازيد حاجة بسيطة تمشيك 610 كيلو

5. شكلها حلو وبيدي انطباع بالفخامة "طبعاً مش زي الاوبل انسجنيا والبيجو 508" بس في فئتها فعلاً انا شايف انها عربية جيدة جدا

انا قبل ما اجيبها احترت ما بين كذا عربية منهم: الاوبل استرا، الكرولا، الاسبورتاج و القشقاي

لكن بصراحة بعد ماجربت القشقاي والاسترا والاسبورتاج والاوكتافيا لقيت ان الاوكتافيا افضلهم
مع العلم انا جبتها بـ 219،000 بعد ما التجار الجشعين باعوا و اشتروا في اللي جابوني والتوكيل كانت فيه بـ 213،900 بس حجز 9 شهور وانا كنت بعت عربيتي ومحتاج عربية ضروري.

وانا تحت امرك لو عايز تسأل علي حاجة معينة فيها

[mostafa3000]

ياريت يا جماعة اللي يرد يكون من الملاك
أنا الحمد للة العربية معايا من شهر ٦ وانطباعي عنها إيجابي
سحبها جيد جداً والعربية في المجمل جيدة كقيمة امام الثمن والثبات ممتاز
ممكن تكون عفشتها ناشفة شوية لكن دا بيديها ثبات اكتر

[mohamed mosa]

أنا معاية العربية "فئة الثانية برضة" من شهر 8 اللي فات ولسه عاملة 6500 ياعني لسه معملتش أول صيانة ودي ملحظاتي:

1. اللي يقولك مبتجريش، قوله ياعني اللي معاه عربية بتجري بيجري بيها فين (مع العلم ان العربية مش بطة زي اللي قبلها بس في نفس الوقت مش طلقة وبتاخد شوية عقبال متجمع وده طبعاً عشان تقلها وصاجها اللي مفتكرش انه موجود في عربيات كتير لدرجة ان الباب لازم يترزع عشان يقفل)

2. بالنسبة للاوبشنز اللي فيها حلوة جداً ومش منظر علي الفاضي، ياعني كل حاجة واخدة حقها في شكلها وفي تركيبها وفي خامتها.

3. العزل بتاعها مش حلو قوي فعلاً بس مش سئ ياعني تقدر تقول "عادي"

4. اقتصادية جداً في البنزين، ياعني تقريباً التفويلة بتاعتها 60 لتر أو ازيد حاجة بسيطة تمشيك 610 كيلو

5. شكلها حلو وبيدي انطباع بالفخامة "طبعاً مش زي الاوبل انسجنيا والبيجو 508" بس في فئتها فعلاً انا شايف انها عربية جيدة جدا

انا قبل ما اجيبها احترت ما بين كذا عربية منهم: الاوبل استرا، الكرولا، الاسبورتاج و القشقاي

لكن بصراحة بعد ماجربت القشقاي والاسترا والاسبورتاج والاوكتافيا لقيت ان الاوكتافيا افضلهم
مع العلم انا جبتها بـ 219،000 بعد ما التجار الجشعين باعوا و اشتروا في اللي جابوني والتوكيل كانت فيه بـ 213،900 بس حجز 9 شهور وانا كنت بعت عربيتي ومحتاج عربية ضروري.

وانا تحت امرك لو عايز تسأل علي حاجة معينة فيها

الف شكر يا باشا ... بس معلش هتعبك معايا

بالنسبة للارتفاع عن الارض .. لما بتحمل العربية بتحك فى المطبات ولا لأ .. وانت عارف المطبات عندنا شكلها ايه
مع الشكر

[mohamed mosa]

ياريت يا جماعة اللي يرد يكون من الملاك
أنا الحمد لله العربية معايا من شهر ٦ وانطباعي عنها إيجابي
سحبها جيد جداً والعربية في المجمل جيدة كقيمة امام الثمن والثبات ممتاز
ممكن تكون عفشتها ناشفة شوية لكن دا بيديها ثبات اكتر

كلامك منطقى

بس لو ممكن تقولى اخبار فطع الغيار ايه ... غالية ولا عادية واخبار التوكيل ايه

ولا لسة ما اتعاملتش مع التوكيل وقطع الغيار

مع جزيل الشكر

[Internalspirit]

الف شكر يا باشا ... بس معلش هتعبك معايا

بالنسبة للارتفاع عن الارض .. لما بتحمل العربية بتحك فى المطبات ولا لأ .. وانت عارف المطبات عندنا شكلها ايه
مع الشكر

الرتفاع عن الأرض مرضي،
انا كان معايا لانسر و سيراتو
طبعا مش زي اللانسر عشان اللانسر شوية وهتحك في الارض وانت لوحدك حتي، و السيراتو بصراحة كانت افضل منها ياعني عمري محكيت بيها في مطب لكن الاوكتافيا حكت معايا في مطبين كده بس اكيد العيب مش في العربية

[AHMEDJUDDY]

العربيه في المجمل حلوه عدا العفشه ناشفه من ورا و العزل مش قوي عدا ذلك العربيه شياكه
وحلوه توكيل محترم واي حد يقولك حاجه عن التوكيل اللي في القطاميه بيكون بيظلمه
قطع الغيار مش غاليه اوي و مش رخيصه اوي .. بس رخيصه بالنسبه لسياره اوروبي
كان زمان معايا النترا والبرابريز الامامي اتشرخ .. سألت في غبور عليه لقيته بالتركيب
و الضربيه واصل 3300جم تقريبا .. لحب الاستطلاع سألت في ارتوك اوتو علي زجاج الفانتازيا الامامي لقيته واصل ل 2500جم
شامل كل حاجه .. فأعتقد الاسعار دي مناسبه لماركه محترمه

[أبو_مصطفى]

العربية حلوة جداً، وشيك وكماليتها حلوة جداً

معايا أوكتافيا 1400 تربو...140 حصان، سحب حكااااية

[شاهين - بنز]

الأوكتافيا a7 من ساعت ماشالوا منها المتور الأسطورة ال tsi وحطوا ال 1.6 العادي وهي ماتسواش بالنسبالي

وللعلم أنا بفكر جديا أشتري a7 لكن حضطر أجيبها كسر زيرو عشان أجيبها بال tsi

وبالنسبة للثبات والعزل كله يهون قصاد ال tsi 1.4 140 hp وللعلم ممكن ثباتها يكون أقل من الفانتازيا لكنه يظل أعلى بمراحل من أي عربية يباني أو كوري

[أبو_مصطفى]

الأوكتافيا a7 من ساعت ماشالوا منها المتور الأسطورة ال tsi وحطوا ال 1.6 العادي وهي ماتسواش بالنسبالي

وللعلم أنا بفكر جديا أشتري a7 لكن حضطر أجيبها كسر زيرو عشان أجيبها بال tsi

وبالنسبة للثبات والعزل كله يهون قصاد ال tsi 1.4 140 hp وللعلم ممكن ثباتها يكون أقل من الفانتازيا لكنه يظل أعلى بمراحل من أي عربية يباني أو كوري

أخرمرة كنت فى توكيل القطامية شوفت قسم PreOwned دخلت وسألت، طلع انهم بيبيعوا عربيات كسر زيرة، اتفرجت على العربيات لقيتها زي الفل، فيه عربيات عاملة يادوب 100 كم..ممكن حضرتك تسأل هناك، الأستاذ هناك قالى ان العربية tsi 1.4 مطلوبة أوي